1 Iovani 5:12 - Rapa Nui

¹² Te kope i a ia te Poki o te ꞌAtua, i a ia te ora ꞌāpī nei, ꞌe te kope ꞌina he Poki o te ꞌAtua i a ia, ꞌina he ora ꞌāpī i a ia.

1 Iovani 5:12 ပူးပေါင်းရင်းမြစ်များ

Marko 16:16

Te kope haka moe i te manaꞌu ꞌi ruŋa i a au ꞌe haka ⌊papatito⌋ i a ia he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a au, he haka ūtuꞌa e te ꞌAtua.

Iovani 1:12

ꞌE te nuꞌu toꞌo ꞌe haka moe i te manaꞌu ꞌi ruŋa i a ia, ki a rāua i vaꞌai ai i te parau mo riro he ŋā poki o te ꞌAtua.

Iovani 3:15

ki ravaꞌa ai e te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 3:36

Te kope haka moe i te manaꞌu ꞌi ruŋa i te Poki o te ꞌAtua he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a ia e ko ravaꞌa i rā ora; te meꞌe mo ravaꞌa he ūtuꞌa ꞌina he hopeꞌa raꞌa.

Iovani 5:24

»ꞌĪ a au he kī atu: te kope haka roŋo i tāꞌaku vānaŋa ꞌe haka moe i tōꞌona manaꞌu ꞌi ruŋa i te kope uŋa mai i a au, i a ia te ora ꞌāpī ꞌina he hopeꞌa raꞌa, ꞌe ꞌina he ūtuꞌa mōꞌona. Ko haka eꞌa ꞌana, paꞌi, e te ꞌAtua mai te ara o te mate ꞌe ko haka noho ꞌana ꞌi roto i te ara o te ora.

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

2 Iovani 1:9

Te kope ꞌāmui hai hāpī kē i te hāpī parautiꞌa ꞌa Ietū ꞌina he ꞌAtua o muri i a ia, ꞌe te kope haka tano oho i a ia ki rā hāpī ꞌi muri i a ia te ꞌAtua Matuꞌa ꞌe te Poki.