1 Iovani 5:1 - Rapa Nui

¹ Nuꞌu nō era mo rāua he parautiꞌa mau ꞌā a Ietū he ⌊Kiritō⌋ he ŋā poki rāua o te ꞌAtua. ꞌE te kope haŋa ki te ꞌAtua Matuꞌa e haŋa takoꞌa ki tāꞌana ŋā poki.

1 Iovani 5:1 ပူးပေါင်းရင်းမြစ်များ

Māteo 16:16

He pāhono ia e Tīmona, e kī takoꞌa era ko Pētero: —A koe he Kiritō, he Poki o te ꞌAtua ora.

Ruka 7:5

A ia e haŋa rahi rō mai ꞌana ki a tātou ki te itaraera; ꞌāꞌana i haka aŋa i te tātou ⌊hare pure hūrio⌋».

Iovani 1:3

ꞌE hai Vānaŋa te ꞌAtua i aŋa ai i te meꞌe taꞌatoꞌa; ꞌina e tahi meꞌe i ai i taꞌe aŋa hai ia.

Iovani 15:23

Te nuꞌu maꞌu i te riri mōꞌoku e maꞌu takoꞌa rō ꞌā i te riri mo tōꞌoku Matuꞌa.

Iovani 3:3

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

Iovani 6:69

ꞌE a mātou e haka moe rō ꞌana i te manaꞌu ꞌi ruŋa i a koe ꞌe ko ꞌite ꞌā: he kope moꞌa uŋa mai koe e te ꞌAtua.

Iovani 8:42

He pāhono e Ietū: —Mo ai he parautiꞌa mau ꞌā he ꞌAtua te kōrua matuꞌa, e haŋa rō mai ꞌana ia kōrua ki a au; mai te ꞌAtua mau nō, paꞌi, a au i oho mai ai. I oho mai ai a au taꞌe hai manaꞌu ōꞌoku ꞌā, o te ꞌAtua a au i uŋa mai.

Aŋa o te ꞌĀpōtoro 8:36

E oho nō ꞌā a te ara, he tuꞌu ki te kona vai e tahi ꞌe he kī e tū taŋata etiopia era: —Nā te vai nā. ¿E ai rō ꞌā hō te meꞌe mo taꞌe haꞌatiꞌa mo papatito i a au? [

Aŋa o te ꞌĀpōtoro 8:37

He kī e Feripe: —Mo haka moe parautiꞌa ōꞌou i tuꞌu manaꞌu ꞌi ruŋa i a Ietū, ꞌina he meꞌe mo taꞌe haꞌatiꞌa atu. He pāhono e tū taŋata era: —Mōꞌoku a Ietū Kiritō he Poki o te ꞌAtua.]

Tanatiako 1:18

Te ꞌAtua, ꞌi te ai ko haŋa ꞌā, i vaꞌai rō mai i te ora ꞌāpī ꞌina he hopeꞌa raꞌa hai haka moe i te manaꞌu ꞌi ruŋa i tāꞌana roŋo o ruŋa i te parautiꞌa, ki ai ai a tātou he raꞌe o roto i tāꞌana meꞌe aŋa taꞌatoꞌa.

1 Pētero 1:3

Ki haꞌahana-hana tātou i te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia, paꞌi, ko vaꞌai mai ꞌana i te ora ꞌe i te noho iŋa ꞌāpī, he rahi o tōꞌona haka ꞌaroha mo tātou. ꞌE, ꞌi te ai ko haka ora ꞌana e ia i a Ietū mai te mate, e ꞌite nei a tātou e haka ora takoꞌa rō mai i a tātou mai te mate pe muꞌa ka oho ena,

1 Iovani 2:10

Te kope haŋa hai māhatu ki tōꞌona taina, ꞌi roto i te māꞌeha e noho ena, ꞌe ꞌina e tahi meꞌe haka hara i a ia.

1 Iovani 2:29

Ko ꞌite ꞌana e kōrua: a Ietū he kope aŋa i te meꞌe tī-tika. ꞌE e ꞌite takoꞌa: te nuꞌu taꞌatoꞌa aŋa i te meꞌe tī-tika he ŋā poki o te ꞌAtua.

1 Iovani 3:14

E ꞌite nei ko eꞌa ꞌana a tātou mai roto i te mate ꞌe ko oꞌo ꞌā ki roto i te ora he here o tātou ki te tātou taina. Te kope taꞌe haŋa ki tōꞌona taina kai eꞌa ꞌana mai te mate.

1 Iovani 3:17

Kope nō era e ai rō ꞌā tōꞌona hauhaꞌa o te ao nei, ꞌe he takeꞌa i tōꞌona taina e ai rō ꞌana tāꞌana meꞌe hape ꞌe ꞌina he hāꞌūꞌū, ¿e ai mau rō ꞌana hō i a ia te haŋa o te ꞌAtua mo te rua?

1 Iovani 3:9

ꞌIna e tahi poki parautiꞌa o te ꞌAtua noho ꞌi roto i te hara ꞌo te ai ꞌi roto i a ia te manaꞌu o te ꞌAtua; ꞌina he haŋa haka ꞌou mo hara ꞌi te ai ōꞌona o te ꞌAtua.

1 Iovani 4:2

¿Pē hē a kōrua ana aŋi-aŋi ko ai te kope i a ia te Vārua o te ꞌAtua? He kope nō era mo kī: a Ietū Kiritō pa he taŋata i oho mai ai, i a ia te Vārua o te ꞌAtua.

1 Iovani 4:20

Mo kī o te kope e tahi: «E haŋa rō ꞌana a au ki te ꞌAtua» ꞌe ꞌina he haŋa ki tōꞌona taina, he reo-reo e tahi. Te taŋata taꞌe haŋa ki tōꞌona taina, he meꞌe takeꞌa e ia, ¿pē hē ia ana haŋa ki te ꞌAtua, he meꞌe taꞌe takeꞌa e ia?

1 Iovani 4:7

E te taina, e haŋa a tātou ki te rua ꞌo te ai te meꞌe he haŋa, mai te ꞌAtua e oho mai ena. Te nuꞌu taꞌatoꞌa haŋa ki te rua he ŋā poki o te ꞌAtua, ꞌe ko māhani ꞌā i a ia.

1 Iovani 5:18

Ko ꞌite ꞌana, paꞌi, e tātou ꞌina e tahi poki parautiꞌa o te ꞌAtua noho ꞌi roto i te hara. E hāpaꞌo rō ꞌana e te Poki o te ꞌAtua, ko Ietū Kiritō, ꞌe ꞌina e ko ravaꞌa mo haka puā e Rukifero.

1 Iovani 5:4

A tātou, te ŋā poki o te ꞌAtua, e ko ravaꞌa e te ao haka tere hai manaꞌu taŋata mo haka tapa mai te ara o te ꞌAtua. Hai haka moe, paꞌi, o te tātou manaꞌu ꞌi ruŋa i a Ietū, e rē nei a tātou ki te ao nei.

1 Iovani 5:5

¿Ko ai ia te kope mo rē ki te ao nei? Te kope mōꞌona he parautiꞌa mau ꞌā a Ietū he Poki o te ꞌAtua.