1 Iovani 4:7 - Rapa Nui

⁷ E te taina, e haŋa a tātou ki te rua ꞌo te ai te meꞌe he haŋa, mai te ꞌAtua e oho mai ena. Te nuꞌu taꞌatoꞌa haŋa ki te rua he ŋā poki o te ꞌAtua, ꞌe ko māhani ꞌā i a ia.

1 Iovani 4:7 ပူးပေါင်းရင်းမြစ်များ

Iovani 13:34

»He haka rē atu au i te roŋo ꞌāpī nei: E haŋa kōrua ki te rua. Pa he haŋa nei ōꞌoku mo kōrua, pē ira kōrua ana haŋa ꞌi roto i a kōrua.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

1 Kōrinto 8:3

ꞌE te kope kī e te ꞌAtua ꞌāꞌana, he kope haŋa rahi ki a ia.

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

Karatia 4:9

ꞌE hora nei, he hora ko toꞌo ꞌana a kōrua i te ꞌAtua parautiꞌa mo ꞌAtua o kōrua, ꞌo, te tī-tika mau, he hora ko toꞌo ꞌana i a kōrua pa he ŋā poki ꞌāꞌana, ¿he aha ia kōrua e haka rē ena mo haka tere haka ꞌou atu e te ŋā meꞌe ena ꞌina rāua pūai ꞌe mo haka riro haka ꞌou atu i a kōrua he ꞌekaravo o rāua?

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

2 Timoteo 1:7

Te ⌊Vārua Maitai⌋ vaꞌai mai era e te ꞌAtua taꞌe he Vārua haka ꞌaka-ꞌaka i te manaꞌu; he Vārua pūai, haka haŋu, haka poreko i te haŋa ki te rua, ꞌe haka ꞌite i te haka topa riva-riva i te manaꞌu.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Iovani 2:10

Te kope haŋa hai māhatu ki tōꞌona taina, ꞌi roto i te māꞌeha e noho ena, ꞌe ꞌina e tahi meꞌe haka hara i a ia.

1 Iovani 2:29

Ko ꞌite ꞌana e kōrua: a Ietū he kope aŋa i te meꞌe tī-tika. ꞌE e ꞌite takoꞌa: te nuꞌu taꞌatoꞌa aŋa i te meꞌe tī-tika he ŋā poki o te ꞌAtua.

1 Iovani 2:3

A tātou e ꞌite nei e māhani rō ꞌana ki te ꞌAtua hai haꞌatura o tātou ki te roŋo o te ꞌAtua.

1 Iovani 2:4

Te kope kī: «Ko māhani ꞌā a au i te ꞌAtua» ꞌe ꞌina he haꞌatura ki tāꞌana meꞌe kī, he reo-reo e tahi, ꞌe ꞌina he maꞌu i te roŋo parautiꞌa o te ꞌAtua.

1 Iovani 2:7

E te taina, taꞌe o ruŋa i te roŋo ꞌāpī a au e pāpaꞌi atu ena, o ruŋa i te roŋo tuai, he roŋo ko ꞌite era ꞌana e kōrua mai te hora haka moe era ꞌā i te manaꞌu ꞌi ruŋa i a Ietū: e haŋa ki te rua.

1 Iovani 3:9

ꞌIna e tahi poki parautiꞌa o te ꞌAtua noho ꞌi roto i te hara ꞌo te ai ꞌi roto i a ia te manaꞌu o te ꞌAtua; ꞌina he haŋa haka ꞌou mo hara ꞌi te ai ōꞌona o te ꞌAtua.

1 Iovani 4:11

E te taina, mo ai pē ira te haŋa iŋa mai o te ꞌAtua ki a tātou, e haŋa takoꞌa a tātou ki te rua.

1 Iovani 4:12

Ka ai atu ꞌina e tahi kope i takeꞌa i te ꞌAtua, mo haŋa o tātou ki te rua, he noho te ꞌAtua ꞌi roto i a tātou, ꞌe tōꞌona haŋa he takeꞌa ꞌi ruŋa i te tātou haka tere iŋa.

1 Iovani 4:16

Pē ira a tātou e ꞌite nei: te ꞌAtua e haŋa rahi rō mai ꞌana ꞌe tōꞌona haŋa iŋa mai e ko pau. Te ꞌAtua, paꞌi, he haŋa. Te kope noho ꞌi roto i te haŋa he kope haŋa ki te ꞌAtua ꞌe ki te rua, ꞌe ararua ko te ꞌAtua a ia e noho ena.

1 Iovani 4:20

Mo kī o te kope e tahi: «E haŋa rō ꞌana a au ki te ꞌAtua» ꞌe ꞌina he haŋa ki tōꞌona taina, he reo-reo e tahi. Te taŋata taꞌe haŋa ki tōꞌona taina, he meꞌe takeꞌa e ia, ¿pē hē ia ana haŋa ki te ꞌAtua, he meꞌe taꞌe takeꞌa e ia?

1 Iovani 4:8

ꞌE te kope taꞌe haŋa ki te rua, ꞌina he māhani i te ꞌAtua; te ꞌAtua, paꞌi, he haŋa.

1 Iovani 5:1

Nuꞌu nō era mo rāua he parautiꞌa mau ꞌā a Ietū he ⌊Kiritō⌋ he ŋā poki rāua o te ꞌAtua. ꞌE te kope haŋa ki te ꞌAtua Matuꞌa e haŋa takoꞌa ki tāꞌana ŋā poki.

2 Iovani 1:5

ꞌE hora nei, ꞌī a au he ani atu ki a kōrua: e haŋa tātou ki te rua. Te roŋo nei he haŋa ki te rua taꞌe o te hora nei, he meꞌe ko haka ꞌite mai era ꞌā mai te hora haka moe i te manaꞌu ꞌi ruŋa i a Ietū.