1 Iovani 4:6 - Rapa Nui

⁶ ꞌE a tātou o te ꞌAtua. Te kope māhani i te ꞌAtua ki a tātou e haka roŋo mai ena, ꞌe te kope taꞌe o te ꞌAtua e ko haka roŋo mai. Hai meꞌe nei e ꞌite ena e tātou ko ai te kope i a ia te Vārua kī i te parautiꞌa ꞌe ko ai te kope i a ia te vārua kī i te reo-reo.

1 Iovani 4:6 ပူးပေါင်းရင်းမြစ်များ

Ruka 10:22

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō, ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite».

Iovani 10:16

»E ai takoꞌa rō ꞌana tāꞌaku māmoe taꞌe o roto o te ꞌāua nei; e haka taka-taka takoꞌa a au i a rāua. E haka roŋo rō a rāua ki tōꞌoku reꞌo ꞌe he riro mau rō ꞌāvai e tahi nō nūnaꞌa māmoe, ꞌe e tahi nō taŋata hāpaꞌo māmoe.

Iovani 10:27

Tāꞌaku māmoe, paꞌi, e aŋi-aŋi rō ꞌana i tōꞌoku reꞌo, ꞌe ko ꞌite ꞌana e au ko ai ko ai. A rāua e oho rō mai ꞌana ꞌi muri i a au.

Iovani 10:3

Te kope ꞌauario i te ꞌōpani he mātaki i te ꞌōpani ki te taŋata hāpaꞌo māmoe. He raŋi e rā taŋata ki tāꞌana māmoe e tahi e tahi hai ꞌīŋoa ꞌe he aŋi-aŋi e te māmoe i tōꞌona reꞌo. He toꞌo ia e rā taŋata i tāꞌana māmoe mai roto i te ꞌāua puru.

Iovani 13:20

ꞌĪ a au he kī atu: Te kope here ꞌi roto i tōꞌona māhatu i te kope uŋa e au e here takoꞌa ꞌana i a au ꞌi roto i tōꞌona māhatu, ꞌe te kope here i a au ꞌi roto i tōꞌona māhatu e here takoꞌa ꞌana i te kope uŋa mai i a au».

Iovani 15:26

»Ki tuꞌu mai tū kope hāꞌūꞌū era, he ⌊Vārua Maitai⌋ hāpī i te Parautiꞌa mo uŋa mai e au mai tōꞌoku Matuꞌa, ko ia te mataꞌite mo kī atu i te parautiꞌa o ruŋa i a au.

Iovani 16:13

Ki tuꞌu mai te Vārua o te parautiꞌa, he haka aŋi-aŋi he oho atu i te parautiꞌa taꞌatoꞌa o te ꞌAtua. Taꞌe hai manaꞌu ōꞌona ꞌā ka vānaŋa atu ena, hai meꞌe i ŋaroꞌa e ia, ꞌe he haka ꞌite takoꞌa atu he aha te meꞌe ka topa ena.

Iovani 18:37

He ꞌui ia e Pirato: —¿Ka kī ꞌō he ꞌariki mau ꞌā a koe? He pāhono e Ietū: —Nā e koe ko kī ꞌā: he ꞌariki au. I oho mai ai ꞌe i poreko ai a au ꞌi te ao nei mo haka ꞌite i te parautiꞌa. Te nuꞌu taꞌatoꞌa o te parautiꞌa he haka roŋo mai.

Iovani 20:21

He kī haka ꞌou ia e Ietū: «¡Ka ai ꞌi ruŋa i a kōrua te haumārū o te ꞌAtua! Pa he uŋa iŋa mai era e te Matuꞌa i a au, pē ira a au ka uŋa nei i a kōrua».

Iovani 8:19

He ꞌui ia e rā nuꞌu: —¿ꞌI hē tuꞌu matuꞌa? He pāhono e Ietū: —A kōrua ꞌina kai ꞌite ko ai a au, ꞌe ko ai tōꞌoku Matuꞌa. ꞌĀhani e ꞌite rō ꞌana e kōrua ko ai a au, ko ꞌite takoꞌa ꞌana ko ai tōꞌoku Matuꞌa.

Iovani 8:23

He kī e Ietū: —O raro nei a kōrua, ꞌe o ruŋa era a au; o te ao nei a kōrua; ꞌe taꞌe a au o te ao nei.

Rōmano 1:1

He ꞌaroha atu a au, a Pauro, tāvini o Ietū Kiritō, haꞌataꞌa e ia mo ꞌāpōtoro mo haka ꞌite mo oho i te ⌊roŋo riva-riva o te ꞌAtua⌋

Rōmano 11:8

Pa he meꞌe kī ꞌi ruŋa i te Pāpaꞌi Moꞌa: «Te ꞌAtua i haka hio-hio rō i te rāua manaꞌu; i vaꞌai rō i te mata taꞌe takeꞌa, ꞌe i te tariŋa taꞌe ŋaroꞌa, ꞌe pē nei mau ꞌā a rāua ꞌātā ki ꞌaŋarīnā».

1 Kōrinto 14:37

Mo manaꞌu o te kope e tahi e vānaŋa ꞌana a ia i te meꞌe haka ꞌite e te ꞌAtua, ꞌe he kope haka tere a ia e te Vārua Maitai, e ꞌite pē nei ē: tāꞌaku meꞌe nei e pāpaꞌi atu ena he roŋo o te tātou Pūꞌoko Haka Tere ko Ietū Kiritō.

2 Kōrinto 10:7

E haka topa te kōrua manaꞌu o ruŋa i te meꞌe ko ꞌite riva-riva ꞌā e kōrua o ruŋa i a mātou. Nā, paꞌi, ꞌi roto i a kōrua te nuꞌu kī: a rāua he tāvini parautiꞌa o te Kiritō. E ꞌite e te nuꞌu era: a mātou takoꞌa he tāvini o te Kiritō.

2 Tētārōnika 1:8

Ka tuꞌu mai ena mo haka ūtuꞌa i te nuꞌu hārui hai tuaꞌivi i te ꞌAtua ꞌe taꞌe haꞌatura ki te roŋo riva-riva o ruŋa o Ietū, Pūꞌoko Haka Tere o tātou.

1 Timoteo 4:1

Ko haka ꞌite riva-riva ꞌā e te ⌊Vārua Maitai⌋ pē nei ē: ka hāhine ena te ŋā mahana hopeꞌa era, tētahi taŋata e ko haŋa haka ꞌou mo haka roŋo ki te hāpī parautiꞌa o te ꞌAtua. Ka haka roŋo ena ki te hāpī reo-reo o te tātane

2 Pētero 3:2

E manaꞌu kōrua ki te meꞌe kī e te perofeta ꞌi muꞌa ꞌana ꞌe ki te meꞌe hāpī atu e te ⌊ꞌāpōtoro⌋ o ruŋa i te roŋo o te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

1 Iovani 4:1

E te taina, ꞌina kōrua ko manaꞌu he parautiꞌa te vānaŋa o te nuꞌu taꞌatoꞌa kī e vānaŋa ꞌana a rāua i te meꞌe haka vānaŋa e te ꞌAtua. Te meꞌe o kōrua mo aŋa he haka ꞌatu ana ai te vārua era ꞌi roto i a rāua o te ꞌAtua mau ꞌā; e rahi rō ꞌana, paꞌi, te perofeta reo-reo ꞌi te ao.

1 Iovani 4:4

E ŋā poki, o te ꞌAtua a kōrua, ꞌe ko rē ꞌana ki te ŋā haꞌavare era ꞌo te ai te Vārua ena i a kōrua ꞌata pūai ki te vārua o te ao nei.

1 Iovani 4:8

ꞌE te kope taꞌe haŋa ki te rua, ꞌina he māhani i te ꞌAtua; te ꞌAtua, paꞌi, he haŋa.

1 Iovani 5:19

A tātou ko ꞌite takoꞌa ꞌana: o te ꞌAtua a tātou, ka ai atu ꞌa Rukifero te haka tere i te ao nei.

Hura 1:17

E te taina, e uꞌi ꞌo rehu te vānaŋa kī ꞌi muꞌa ꞌā e te ⌊ꞌāpōtoro⌋ o te tātou Pūꞌoko Haka Tere ko Ietū Kiritō