1 Iovani 4:18 - Rapa Nui

¹⁸ Te kona ꞌi ira te haŋa, ꞌina he riꞌa-riꞌa. Te taŋata e riꞌa-riꞌa ena ꞌi te manaꞌu he haka ūtuꞌa i a rāua, ꞌe te haŋa parautiꞌa o te ꞌAtua he haka kore i te riꞌa-riꞌa. Te kope riꞌa-riꞌa ia, ꞌina kai aŋi-aŋi riva-riva ꞌā i te pūai o te haŋa o te ꞌAtua mōꞌona.

1 Iovani 4:18 ပူးပေါင်းရင်းမြစ်များ

Māteo 9:34

ꞌE he kī e te fariseo: «O te pūꞌoko haka tere mau ꞌā o te tātane i vaꞌai ki a ia i te mana mo haka eꞌa i te tātane».

Rōmano 8:15

Te Vārua vaꞌai mai e te ꞌAtua taꞌe he vārua haka riro i a tātou he ꞌekaravo riꞌa-riꞌa ꞌi te kope haka aŋa i a ia, he Vārua haka riro i a tātou he ŋā poki o te ꞌAtua. Hai ia e kī ena a tātou ki te ꞌAtua: «¡E koro ōꞌoku ē!».

2 Timoteo 1:7

Te ⌊Vārua Maitai⌋ vaꞌai mai era e te ꞌAtua taꞌe he Vārua haka ꞌaka-ꞌaka i te manaꞌu; he Vārua pūai, haka haŋu, haka poreko i te haŋa ki te rua, ꞌe haka ꞌite i te haka topa riva-riva i te manaꞌu.

ꞌEvereo 12:28

ꞌO ira, ki māuru-uru tātou ki te ꞌAtua ꞌo te ai o tātou ꞌi roto i te nūnaꞌa taŋata haka tere e ia, he meꞌe e ko ŋaro ki te hora hopeꞌa, ꞌe ki haꞌamuri tātou ki a ia hai māhatu ꞌe hai moꞌa, pa he meꞌe haŋa e ia.

Tanatiako 2:19

A koe e manaꞌu ena: te ꞌAtua e tahi mau nō, ꞌe he aŋi ꞌā. Ka ai atu pē ira, taꞌe hai ꞌite i rā meꞌe ana tano kōrua ki tōꞌona mata. Te tātane, paꞌi, e ꞌite takoꞌa rō ꞌā ꞌe e rurū rō ꞌana ꞌi te riꞌa-riꞌa.

1 Iovani 4:12

Ka ai atu ꞌina e tahi kope i takeꞌa i te ꞌAtua, mo haŋa o tātou ki te rua, he noho te ꞌAtua ꞌi roto i a tātou, ꞌe tōꞌona haŋa he takeꞌa ꞌi ruŋa i te tātou haka tere iŋa.