1 Iovani 4:16 - Rapa Nui

¹⁶ Pē ira a tātou e ꞌite nei: te ꞌAtua e haŋa rahi rō mai ꞌana ꞌe tōꞌona haŋa iŋa mai e ko pau. Te ꞌAtua, paꞌi, he haŋa. Te kope noho ꞌi roto i te haŋa he kope haŋa ki te ꞌAtua ꞌe ki te rua, ꞌe ararua ko te ꞌAtua a ia e noho ena.

1 Iovani 4:16 ပူးပေါင်းရင်းမြစ်များ

Iovani 6:69

ꞌE a mātou e haka moe rō ꞌana i te manaꞌu ꞌi ruŋa i a koe ꞌe ko ꞌite ꞌā: he kope moꞌa uŋa mai koe e te ꞌAtua.

Iovani 9:3

He pāhono e Ietū: —I ai ena pē nā mo haka takeꞌa ꞌi ruŋa i a ia i te pūai o te ꞌAtua, taꞌe ꞌō he hara ōꞌona, ꞌe taꞌe he hara o tōꞌona matuꞌa.

1 Kōrinto 2:9

E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋: «Te ꞌAtua ko haka riva-riva ꞌā mo te nuꞌu haŋa ki a ia i te meꞌe ꞌina he kope raꞌe i takeꞌa, i ŋaroꞌa ꞌe korohaŋa i manaꞌu».

1 Iovani 3:1

Ka haka topa rā te kōrua manaꞌu ꞌi te rahi o te haŋa o te ꞌAtua Matuꞌa ki a tātou e kī mai ena e ia he ŋā poki tātou ꞌāꞌana, ꞌe he aŋi ꞌā, ꞌāꞌana mau ꞌā a tātou. ꞌO ira te nuꞌu o te ao haka tere hai manaꞌu taŋata e taꞌe māhani ena ki a tātou, he taꞌe māhani o rāua ki te ꞌAtua.

1 Iovani 3:16

A tātou e ꞌite rō ꞌā he aha te meꞌe he haŋa ki te rua ꞌo te ai i vaꞌai rō a Ietū i a ia mo mate mo tātou. Pē ira takoꞌa ꞌā a tātou ana meꞌe mo te tātou taina.

1 Iovani 3:24

Te nuꞌu haꞌatura ki tāꞌana roŋo, ꞌi roto i a ia e noho ena, ꞌe a ia ꞌi roto i rā nuꞌu. E ꞌite nei a tātou: ꞌi roto o tātou e noho ena hai ⌊Vārua Maitai⌋ vaꞌai mai era e ia.

1 Iovani 4:7

E te taina, e haŋa a tātou ki te rua ꞌo te ai te meꞌe he haŋa, mai te ꞌAtua e oho mai ena. Te nuꞌu taꞌatoꞌa haŋa ki te rua he ŋā poki o te ꞌAtua, ꞌe ko māhani ꞌā i a ia.