1 Iovani 4:11 - Rapa Nui

¹¹ E te taina, mo ai pē ira te haŋa iŋa mai o te ꞌAtua ki a tātou, e haŋa takoꞌa a tātou ki te rua.

1 Iovani 4:11 ပူးပေါင်းရင်းမြစ်များ

Kōrosa 3:13

ꞌIna kōrua ko hōrou ko riri mo te rua; e haka rehu te meꞌe taꞌe tano aŋa atu. Pa he haka rehu iŋa e te ꞌAtua i te kōrua hape, pē ira ana haka rehu takoꞌa i te hape o te rua.

Iovani 13:34

»He haka rē atu au i te roŋo ꞌāpī nei: E haŋa kōrua ki te rua. Pa he haŋa nei ōꞌoku mo kōrua, pē ira kōrua ana haŋa ꞌi roto i a kōrua.

1 Iovani 3:23

ꞌE te roŋo ꞌāꞌana: he haka moe i te tātou manaꞌu ꞌi ruŋa i tāꞌana Poki ko Ietū Kiritō ꞌe he haŋa a tātou ki te rua, pa he meꞌe haka ꞌite mai era e ia.

Ruka 10:37

He pāhono e tū taŋata maꞌori haka tere hūrio era: —Ko te taŋata haka ꞌaroha era i a ia. He kī e Ietū: —Ka oho ia koe ka aŋa takoꞌa pē ira.

Ēfeto 4:31

E haka kore mai i a kōrua te ŋā meꞌe nei: he manaꞌu he oho o ruŋa i te meꞌe taꞌe tano aŋa atu e te rua, he hū he riri mo te rua, he tātake, he vā-vā, ꞌe he taꞌatoꞌa nō huru o te meꞌe taꞌe tano aŋa ki te rua.

1 Iovani 2:7

E te taina, taꞌe o ruŋa i te roŋo ꞌāpī a au e pāpaꞌi atu ena, o ruŋa i te roŋo tuai, he roŋo ko ꞌite era ꞌana e kōrua mai te hora haka moe era ꞌā i te manaꞌu ꞌi ruŋa i a Ietū: e haŋa ki te rua.

1 Iovani 3:11

He roŋo nei te roŋo ŋaroꞌa e kōrua mai te hora haka moe era i te kōrua manaꞌu ꞌi ruŋa i a Ietū: e here tātou ki a tātou ꞌā.

1 Iovani 4:7

E te taina, e haŋa a tātou ki te rua ꞌo te ai te meꞌe he haŋa, mai te ꞌAtua e oho mai ena. Te nuꞌu taꞌatoꞌa haŋa ki te rua he ŋā poki o te ꞌAtua, ꞌe ko māhani ꞌā i a ia.

2 Iovani 1:5

ꞌE hora nei, ꞌī a au he ani atu ki a kōrua: e haŋa tātou ki te rua. Te roŋo nei he haŋa ki te rua taꞌe o te hora nei, he meꞌe ko haka ꞌite mai era ꞌā mai te hora haka moe i te manaꞌu ꞌi ruŋa i a Ietū.