1 Iovani 4:10 - Rapa Nui

¹⁰ Ko te meꞌe nei te meꞌe he haŋa parautiꞌa: he uŋa mai o te ꞌAtua i tāꞌana Poki pa he tūtia mo haka kore o te tātou hara, taꞌe ꞌō ko te haŋa nei o tātou ki a ia.

1 Iovani 4:10 ပူးပေါင်းရင်းမြစ်များ

1 Iovani 2:2

A Ietū i vaꞌai rō i a ia pa he tūtia mo tātou, ki haka kore ai e te ꞌAtua i te tātou hara, ꞌe taꞌe nō i te hara o tātou, i te hara takoꞌa o te nuꞌu taꞌatoꞌa o te ao.

1 Iovani 4:19

A tātou e haŋa nei ꞌo te ai ꞌi raꞌe te ꞌAtua i haŋa mai ai.

Iovani 15:16

»Taꞌe hai haŋa o kōrua i ai ena he nuꞌu hāpī ꞌāꞌaku. ꞌĀꞌaku kōrua i haꞌataꞌa ꞌe ko uŋa ꞌā mo ꞌata rahi te kōrua hua iŋa, te auraꞌa, mo ꞌata rahi te kōrua meꞌe riva-riva aŋa, ꞌe mo taꞌe ŋaro nā meꞌe ki te hora hopeꞌa. ꞌE te meꞌe no-noꞌi e kōrua hai ꞌīŋoa ōꞌoku he vaꞌai atu e te Matuꞌa.

Iovani 3:16

»ꞌI te haŋa rahi o te ꞌAtua ki te taŋata taꞌatoꞌa o te ao, he vaꞌai i tāꞌana Poki mau nō era e tahi mo mate, ꞌe nuꞌu nō era mo haka moe i te manaꞌu ꞌi ruŋa, e ko haka tapa e te ꞌAtua mai muri i a ia ꞌe e ko haka ūtuꞌa; he vaꞌai i te ora ꞌāpī ꞌina he hopeꞌa raꞌa.

1 Iovani 3:1

Ka haka topa rā te kōrua manaꞌu ꞌi te rahi o te haŋa o te ꞌAtua Matuꞌa ki a tātou e kī mai ena e ia he ŋā poki tātou ꞌāꞌana, ꞌe he aŋi ꞌā, ꞌāꞌana mau ꞌā a tātou. ꞌO ira te nuꞌu o te ao haka tere hai manaꞌu taŋata e taꞌe māhani ena ki a tātou, he taꞌe māhani o rāua ki te ꞌAtua.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.

1 Pētero 2:24

A Ietū i ꞌamo ai i te tātou hara ꞌi ruŋa i te tātaurō, ki haka rē ai a tātou i te aŋa i te meꞌe taꞌe tano, ꞌe ki tano ai te tātou noho iŋa ki te mata o te ꞌAtua. Hai ꞌamo e ia i te ꞌati i ora ai tātou.

Iovani 6:51

Ko au mau ꞌana te haraoa ora topa mai era mai te raŋi; te kope kai i te haraoa nei he ravaꞌa i te ora ꞌāpī ꞌina he hopeꞌa raꞌa. ꞌE nei haraoa he hakari mau nei ꞌā ōꞌoku. He vaꞌai e au mo ravaꞌa e te taŋata o te henua taꞌatoꞌa i te ora ꞌāpī».

Iovani 13:34

»He haka rē atu au i te roŋo ꞌāpī nei: E haŋa kōrua ki te rua. Pa he haŋa nei ōꞌoku mo kōrua, pē ira kōrua ana haŋa ꞌi roto i a kōrua.

ꞌEvereo 2:17

Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.

1 Iovani 5:11

ꞌE ko te meꞌe nei te meꞌe i kī e te ꞌAtua: ko vaꞌai mai ꞌana e ia ki a tātou i te ora ꞌāpī ꞌina he hopeꞌa raꞌa, ꞌe nei ora i tāꞌana Poki.