1 Iovani 3:7 - Rapa Nui

⁷ E te ŋā poki ꞌāꞌaku ē, e uꞌi kōrua ꞌo reo-reo rō atu: te kope aŋa i te meꞌe tī-tika, he taŋata tano ki te mata o te ꞌAtua, pē Ietū.

1 Iovani 3:7 ပူးပေါင်းရင်းမြစ်များ

Māteo 5:20

ꞌĪ a au he kī atu: mo taꞌe ai o te kōrua aŋa iŋa i te meꞌe tī-tika ki te mata o te ꞌAtua ꞌata hau ki te maꞌori o te haka tere ⌊hūrio⌋ ꞌe o te ⌊fariseo⌋, e ko oꞌo kōrua ki roto i te haka tere iŋa ꞌāpī o te ꞌAtua.

Ruka 1:75

hai māhatu maꞌitaki, ꞌe hai aŋa i te meꞌe tī-tika ꞌi muꞌa ōꞌona paurō te mahana ꞌātā ki te tātou mate iŋa».

Aŋa o te ꞌĀpōtoro 10:35

Te taŋata o te henua taꞌatoꞌa haꞌamuri ki a ia ꞌe aŋa i te meꞌe riva-riva e tano rō ꞌā ki tōꞌona mata.

Rōmano 2:13

Taꞌe he nuꞌu tano ki te mata o te ꞌAtua te nuꞌu haka roŋo nō i te haka tere iŋa ꞌa Mōtē. Te nuꞌu tano ki tōꞌona mata he nuꞌu haka roŋo ꞌe haꞌatura ki rā haka tere iŋa.

1 Kōrinto 6:9

¿Kai ꞌite ꞌana hō kōrua: te nuꞌu aŋa i te meꞌe taꞌe tano ki te mata o te ꞌAtua e ko oꞌo ki roto i te nūnaꞌa taŋata haka tere e ia? ꞌIna kōrua ko reo-reo ki a kōrua ꞌā. ꞌIna, paꞌi, o roto i te nūnaꞌa taŋata haka tere e te ꞌAtua te nuꞌu moe i te viꞌe i te taŋata taꞌe he viꞌe ꞌo taꞌe he kenu ꞌāꞌana, ꞌina he nuꞌu haꞌamuri ki te ꞌītoro, he nuꞌu taiꞌata, he ŋāŋata haꞌariro i a rāua pa he viꞌe, he hiku, he toke-toke, he nuꞌu nou-nou, he nuꞌu rava taꞌero, he nuꞌu vānaŋa taꞌe tano mo te rua, ꞌe he nuꞌu toke i te rua hai reo-reo.

Ēfeto 5:6

E uꞌi kōrua ꞌo haka roŋo ki te reo-reo ana kī atu: te nuꞌu aŋa i te ŋā meꞌe ena ꞌina he hape. Te ꞌAtua e ko taꞌe haka ūtuꞌa i te nuꞌu taꞌe haꞌatura ki a ia aŋa i te ŋā meꞌe nei.

Ēfeto 5:9

ꞌE te meꞌe poreko mai te nuꞌu noho ꞌi roto i te māꞌeha he meꞌe riva-riva, tī-tika ꞌe parautiꞌa.

Fīripo 1:11

ꞌE pē ira takoꞌa he poreko mai roto i a kōrua meꞌe rahi te meꞌe riva-riva hai pūai o Ietū Kiritō, ꞌe he haꞌahana-hana ia te taŋata i te ꞌAtua.

ꞌEvereo 1:8

ꞌE ki te Poki i kī ai: «Tuꞌu haka tere iŋa, e te ꞌAtua ē, ꞌina he hopeꞌa raꞌa, ꞌe hai tī-tika koe e haka tere ena.

ꞌEvereo 7:2

He vaꞌai e ꞌAparahama e tahi ꞌapa o te ꞌapa e hoꞌe ꞌahuru o tāꞌana meꞌe taꞌatoꞌa ravaꞌa ꞌi te tamaꞌi, he ꞌapa tano mo vaꞌai ki te oromatuꞌa. Te ꞌīŋoa nei ko Merekitereke e rua haꞌaauraꞌa: e tahi, «he ꞌariki tano ki te mata o te ꞌAtua»; ꞌe te rua, «he ꞌariki o te haumārū»; a ia, paꞌi, he ꞌariki o te kona era ko Tārema, ꞌe te auraꞌa o te ꞌīŋoa nei he haumārū.

Tanatiako 1:22

ꞌE taꞌe nō e haka roŋo i rā roŋo; e aŋa takoꞌa i te meꞌe era e kī atu era. Mo taꞌe aŋa pē ira, e reo-reo ꞌana kōrua ki a kōrua ꞌā.

Tanatiako 2:19

A koe e manaꞌu ena: te ꞌAtua e tahi mau nō, ꞌe he aŋi ꞌā. Ka ai atu pē ira, taꞌe hai ꞌite i rā meꞌe ana tano kōrua ki tōꞌona mata. Te tātane, paꞌi, e ꞌite takoꞌa rō ꞌā ꞌe e rurū rō ꞌana ꞌi te riꞌa-riꞌa.

1 Pētero 2:24

A Ietū i ꞌamo ai i te tātou hara ꞌi ruŋa i te tātaurō, ki haka rē ai a tātou i te aŋa i te meꞌe taꞌe tano, ꞌe ki tano ai te tātou noho iŋa ki te mata o te ꞌAtua. Hai ꞌamo e ia i te ꞌati i ora ai tātou.

1 Iovani 2:1

E te ŋā poki ꞌāꞌaku ē, e pāpaꞌi atu ena a au i te meꞌe nei ꞌo hara kōrua. ꞌE mo hara tāꞌue e tahi o kōrua, e ai rō ꞌana e tahi kope ꞌi muꞌa o te ꞌAtua mo vānaŋa mo te tātou ora ko Ietū Kiritō, ꞌe a ia he kope aŋa i te meꞌe tī-tika.

1 Iovani 2:26

E pāpaꞌi atu ena a au i te ŋā meꞌe nei, ꞌo haka roŋo kōrua ki te nuꞌu reo-reo atu ꞌe ꞌo haka tapa kōrua mai te hāpī parautiꞌa.

1 Iovani 2:29

Ko ꞌite ꞌana e kōrua: a Ietū he kope aŋa i te meꞌe tī-tika. ꞌE e ꞌite takoꞌa: te nuꞌu taꞌatoꞌa aŋa i te meꞌe tī-tika he ŋā poki o te ꞌAtua.

1 Iovani 3:18

E te ŋā poki ꞌāꞌaku ē, ꞌina ko ai te tātou haŋa ki te rua hai haha nō; te tātou haŋa e haka takeꞌa hai meꞌe riva-riva aŋa e tātou.

1 Iovani 3:3

ꞌE taꞌatoꞌa nuꞌu tiaki ki te hoki iŋa mai o Ietū Kiritō, e haka tapa rō ꞌana mai roto i te hara, mo riro o rāua pē Ietū Kiritō, he taŋata hara kore.

1 Iovani 4:17

Hai haŋa ki te rua e takeꞌa ena e maꞌu rō ꞌana a tātou i te haŋa o te ꞌAtua ꞌi roto i te tātou māhatu. Pē ira, ꞌi te mahana o te ture hopeꞌa, e ko haꞌamā tātou ꞌi te meꞌe era te noho iŋa o tātou ꞌi te ao nei pa he noho iŋa era ꞌā o Ietū Kiritō.