1 Iovani 3:16 - Rapa Nui

¹⁶ A tātou e ꞌite rō ꞌā he aha te meꞌe he haŋa ki te rua ꞌo te ai i vaꞌai rō a Ietū i a ia mo mate mo tātou. Pē ira takoꞌa ꞌā a tātou ana meꞌe mo te tātou taina.

1 Iovani 3:16 ပူးပေါင်းရင်းမြစ်များ

Ēfeto 5:2

E haka rē mo te haŋa e haka tika atu, pa he meꞌe aŋa e Ietū hora vaꞌai era i a ia ki te mate mo tātou. ꞌE tōꞌona mate era, mo te ꞌAtua, pa he tūtia ꞌeo.

Iovani 13:34

»He haka rē atu au i te roŋo ꞌāpī nei: E haŋa kōrua ki te rua. Pa he haŋa nei ōꞌoku mo kōrua, pē ira kōrua ana haŋa ꞌi roto i a kōrua.

Iovani 3:16

»ꞌI te haŋa rahi o te ꞌAtua ki te taŋata taꞌatoꞌa o te ao, he vaꞌai i tāꞌana Poki mau nō era e tahi mo mate, ꞌe nuꞌu nō era mo haka moe i te manaꞌu ꞌi ruŋa, e ko haka tapa e te ꞌAtua mai muri i a ia ꞌe e ko haka ūtuꞌa; he vaꞌai i te ora ꞌāpī ꞌina he hopeꞌa raꞌa.

Rōmano 5:8

Oho iŋa kē ia to te ꞌAtua; hora era ꞌi roto i te hara ꞌana a tātou, i uŋa nō mai i te Kiritō mo mate mo ꞌauhau o te tātou hara. Pē ira i haka takeꞌa mai ai ki a tātou i tōꞌona haŋa.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.

Māteo 20:28

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara».

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

Ēfeto 5:25

E te kenu, e haŋa ki te kōrua ŋā viꞌe, pa he haŋa iŋa ena ꞌā o Ietū ki a tātou, ki te nuꞌu taꞌatoꞌa haka moe i te manaꞌu ꞌi ruŋa i a ia, haka takeꞌa hai vaꞌai iŋa era i a ia ki te mate mo tātou.

Tito 2:13

ꞌātā ka tuꞌu rō mai te meꞌe nui-nui tiaki e tātou: he hoki iŋa haka ꞌou mai o te tātou ꞌAtua pūai ko Ietū Kiritō, kope haka eꞌa i te taŋata mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Rōmano 16:4

Te nuꞌu ena i vaꞌai rō i a rāua ki roto i te ꞌati mo ora ōꞌoku. E māuru-uru rō ꞌā a au i a rāua, ꞌe pē ira takoꞌa te nūnaꞌa taina taꞌatoꞌa taꞌe he hūrio haka moe i te manaꞌu ꞌi ruŋa i a Ietū.

1 Iovani 2:6

Te kope kī: ꞌi muri i te ꞌAtua a ia, e haka tere ia i a ia pē Ietū Kiritō.

Fīripo 2:17

Pa he tūtia vaꞌai e kōrua ki te ꞌAtua mo koa ōꞌona te ꞌati e ꞌamo ena e kōrua ꞌo te ⌊haka moe i te manaꞌu⌋ ꞌi ruŋa i a Ietū ꞌe ꞌo te aŋa o kōrua ki a ia. ꞌE mo haŋa o te ꞌAtua mo ꞌāmui i tōꞌoku mate ki te tūtia vaꞌai e kōrua ki a ia, pa he huri iŋa i te manu tūtia hai vino, e koa nō a au, pa he koa iŋa nei ōꞌoku mo kōrua.

Meꞌe Haka Takeꞌa 5:9

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,

1 Pētero 2:24

A Ietū i ꞌamo ai i te tātou hara ꞌi ruŋa i te tātaurō, ki haka rē ai a tātou i te aŋa i te meꞌe taꞌe tano, ꞌe ki tano ai te tātou noho iŋa ki te mata o te ꞌAtua. Hai ꞌamo e ia i te ꞌati i ora ai tātou.

1 Pētero 1:18

Te ꞌAtua ko toꞌo ꞌana i a kōrua mai roto i te noho iŋa hauhaꞌa kore ravaꞌa e kōrua mai te kōrua tupuna. ꞌE ko ꞌite riva-riva ꞌana e kōrua: taꞌe hai meꞌe pa he piru, meꞌe tōꞌona hauhaꞌa mo te ao nō nei, i ꞌauhau ai mo toꞌo i a kōrua mai te noho iŋa nei,

Fīripo 2:30

A Epafororito, paꞌi, i vaꞌai rō i a ia ki te mate mo aŋa ki a Ietū. Te parautiꞌa, i oho rō mo mate ꞌi te hāꞌūꞌū mai i a au ꞌi te aŋa ꞌina e ko ravaꞌa e kōrua mo aŋa he kore o kōrua o muri i a au.

Iovani 10:11

A au he taŋata hāpaꞌo riva-riva i te māmoe. Te taŋata hāpaꞌo riva-riva i te māmoe he vaꞌai i a ia ki te mate mo tāꞌana māmoe.

1 Tētārōnika 2:8

Pē ira te haŋa o mātou ki a kōrua. ꞌO ira te meꞌe i aŋa o mātou ꞌi roto i a kōrua taꞌe nō he haka ꞌite atu i te ⌊roŋo riva-riva o te ꞌAtua⌋, i aŋa takoꞌa rō i te meꞌe nō era mo hāꞌūꞌū atu, ꞌi te rahi o te mātou haŋa mo kōrua.

1 Iovani 2:9

Te kope kī: ꞌi roto i te māꞌeha a ia, ꞌe te parautiꞌa mau e riri rō ꞌana mo tōꞌona taina, ko te noho iŋa ꞌana ꞌi roto i te pōhāhā.

2 Kōrinto 4:12

A mātou e oho mau rō ꞌā mo mate ꞌo te haka ꞌite i te roŋo riva-riva o ruŋa i a Ietū, ꞌe a kōrua, hai nei meꞌe mau ꞌā, e ravaꞌa ena i te ora ꞌāpī ꞌina he hopeꞌa raꞌa.