1 Iovani 2:9 - Rapa Nui

⁹ Te kope kī: ꞌi roto i te māꞌeha a ia, ꞌe te parautiꞌa mau e riri rō ꞌana mo tōꞌona taina, ko te noho iŋa ꞌana ꞌi roto i te pōhāhā.

1 Iovani 2:9 ပူးပေါင်းရင်းမြစ်များ

Iovani 9:41

He pāhono e Ietū: —ꞌĀhani kōrua he nuꞌu matapō mau ꞌā mo te meꞌe o te ꞌAtua, e ko paŋahaꞌa rahi te ūtuꞌa o te kōrua hara. ꞌE, ꞌi te kī e ꞌite rō ꞌana kōrua i te meꞌe o ruŋa i te ꞌAtua, ꞌata paŋahaꞌa te ūtuꞌa o te kōrua hara.

Aŋa o te ꞌĀpōtoro 1:15

ꞌI rā ŋā mahana he vānaŋa a Pētero ki te nuꞌu taka-taka ⌊haka moe i te manaꞌu⌋ ꞌi ruŋa i a Ietū e hoꞌe hānere piti ꞌahuru, he kī:

2 Pētero 1:9

ꞌE te ŋā taina ena ꞌina he ŋā meꞌe ena i a rāua, pa he nuꞌu matakeva ꞌā, ko rehu ꞌana i a rāua: te hara o rāua o muꞌa ꞌā ko haka kore ꞌana.

1 Iovani 1:6

Mo kī o tātou: i a tātou te ora ꞌāpī o te ꞌAtua, ꞌe te parautiꞌa mau ꞌi roto i te pōꞌuri a tātou e noho nei, e reo-reo ꞌana a tātou, ꞌe te noho iŋa o tātou ꞌina he tano ki te roŋo parautiꞌa o te ꞌAtua.

1 Iovani 2:11

ꞌE te kope riri mo tōꞌona taina ꞌi roto i te pōhāhā e noho ꞌe e haꞌere ena, ꞌe ꞌina he ꞌite ki hē e oho ena, ꞌi te meꞌe era ꞌi te pōhāhā ꞌina he takeꞌa haka ꞌou.

1 Iovani 2:4

Te kope kī: «Ko māhani ꞌā a au i te ꞌAtua» ꞌe ꞌina he haꞌatura ki tāꞌana meꞌe kī, he reo-reo e tahi, ꞌe ꞌina he maꞌu i te roŋo parautiꞌa o te ꞌAtua.

1 Iovani 3:10

E ꞌite rō ꞌana ko ai te ŋā poki o te ꞌAtua ꞌe ko ai te ŋā poki ꞌa Rukifero: te kope taꞌe aŋa i te meꞌe tano ꞌe taꞌe haŋa ki tōꞌona taina, taꞌe o te ꞌAtua.

1 Iovani 4:20

Mo kī o te kope e tahi: «E haŋa rō ꞌana a au ki te ꞌAtua» ꞌe ꞌina he haŋa ki tōꞌona taina, he reo-reo e tahi. Te taŋata taꞌe haŋa ki tōꞌona taina, he meꞌe takeꞌa e ia, ¿pē hē ia ana haŋa ki te ꞌAtua, he meꞌe taꞌe takeꞌa e ia?