1 Iovani 2:7 - Rapa Nui

⁷ E te taina, taꞌe o ruŋa i te roŋo ꞌāpī a au e pāpaꞌi atu ena, o ruŋa i te roŋo tuai, he roŋo ko ꞌite era ꞌana e kōrua mai te hora haka moe era ꞌā i te manaꞌu ꞌi ruŋa i a Ietū: e haŋa ki te rua.

1 Iovani 2:7 ပူးပေါင်းရင်းမြစ်များ

Māteo 5:43

»A kōrua ko ŋaroꞌa ꞌana te kī iŋa pē nei ē: “E here kōrua ki te rua, ꞌe ꞌina ko haŋa ki te nuꞌu maꞌu i te riri mo kōrua”.

Iovani 13:34

»He haka rē atu au i te roŋo ꞌāpī nei: E haŋa kōrua ki te rua. Pa he haŋa nei ōꞌoku mo kōrua, pē ira kōrua ana haŋa ꞌi roto i a kōrua.

Aŋa o te ꞌĀpōtoro 17:19

He maꞌu ia i a Pauro ki muꞌa o te nūnaꞌa taŋata ra-rahi o rā kona, he Areopako, ꞌe he kī: «E haŋa rō ꞌana a mātou mo vānaŋa mai ōꞌou o ruŋa i te hāpī ꞌāpī haka ꞌite oho e koe.

ꞌEvereo 6:9

E te taina haŋa rahi ē, ka ai atu meꞌe paŋahaꞌa te mātou meꞌe kī atu, e ꞌite riva-riva rō ꞌā e mātou: a kōrua pa he henua hua o te kai riva-riva tano o te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa.

1 Iovani 2:24

ꞌO ira, e hāpaꞌo ꞌe e haka tere kōrua hai hāpī ŋaroꞌa mai te hora haka moe era ꞌā i te kōrua manaꞌu ꞌi ruŋa i a Ietū. Mo aŋa pē ira, e ko topa kē a kōrua mai muri i te ꞌAtua Poki ꞌe mai muri i te ꞌAtua Matuꞌa.

1 Iovani 3:11

He roŋo nei te roŋo ŋaroꞌa e kōrua mai te hora haka moe era i te kōrua manaꞌu ꞌi ruŋa i a Ietū: e here tātou ki a tātou ꞌā.

1 Iovani 3:2

E te taina, he ŋā poki tātou o te ꞌAtua. Ka ai atu ꞌina a tātou kai takeꞌa vave ꞌā pē hē te tātou huru pe muꞌa ka oho ena, a tātou e ꞌite rō ꞌana pē nei ē: ka tuꞌu haka ꞌou mai ena a Ietū Kiritō, te tātou huru pē ia ꞌā ꞌi te meꞌe era he takeꞌa iho mau e tātou i a ia.

1 Iovani 3:21

E te taina, mo taꞌe haka ꞌite mai o te tātou māhatu e hape rō ꞌā a tātou, ꞌina ia he meꞌe mo haꞌamā o tātou ꞌi muꞌa i te ꞌAtua,

1 Iovani 3:23

ꞌE te roŋo ꞌāꞌana: he haka moe i te tātou manaꞌu ꞌi ruŋa i tāꞌana Poki ko Ietū Kiritō ꞌe he haŋa a tātou ki te rua, pa he meꞌe haka ꞌite mai era e ia.

1 Iovani 4:1

E te taina, ꞌina kōrua ko manaꞌu he parautiꞌa te vānaŋa o te nuꞌu taꞌatoꞌa kī e vānaŋa ꞌana a rāua i te meꞌe haka vānaŋa e te ꞌAtua. Te meꞌe o kōrua mo aŋa he haka ꞌatu ana ai te vārua era ꞌi roto i a rāua o te ꞌAtua mau ꞌā; e rahi rō ꞌana, paꞌi, te perofeta reo-reo ꞌi te ao.

1 Iovani 4:11

E te taina, mo ai pē ira te haŋa iŋa mai o te ꞌAtua ki a tātou, e haŋa takoꞌa a tātou ki te rua.

1 Iovani 4:21

He roŋo haka rē mai era nei e Ietū Kiritō: te kope haŋa ki te ꞌAtua e haŋa takoꞌa ki tōꞌona taina.

1 Iovani 4:7

E te taina, e haŋa a tātou ki te rua ꞌo te ai te meꞌe he haŋa, mai te ꞌAtua e oho mai ena. Te nuꞌu taꞌatoꞌa haŋa ki te rua he ŋā poki o te ꞌAtua, ꞌe ko māhani ꞌā i a ia.