1 Iovani 2:12 - Rapa Nui

¹² E te ŋā poki ē, nuꞌu haka moe iho i te manaꞌu ꞌi ruŋa i a Ietū ē, e pāpaꞌi atu ena a au ꞌo te ai hai Ietū Kiritō te kōrua hara i haka kore ai e te ꞌAtua.

1 Iovani 2:12 ပူးပေါင်းရင်းမြစ်များ

Aŋa o te ꞌĀpōtoro 10:43

»Te perofeta taꞌatoꞌa o muꞌa ꞌā ko vānaŋa era ꞌana o ruŋa i a Ietū, ꞌe ko kī era ꞌā: hai meꞌe ka aŋa era e ia, te hara o te nuꞌu taꞌatoꞌa haka moe i te manaꞌu ꞌi ruŋa i a ia ka haka kore ena e te ꞌAtua.

Aŋa o te ꞌĀpōtoro 13:38

»ꞌO ira, e kuā taina ē, e ꞌite: hai Ietū e haka kore ena e te ꞌAtua i te hara. Te nuꞌu taꞌatoꞌa haka moe i te manaꞌu ꞌi ruŋa i a Ietū, he nuꞌu tano ki te mata o te ꞌAtua, ꞌe, ko haka kore ꞌā e ia i te rāua hara, he meꞌe taꞌe ravaꞌa hai haꞌatura ki te ⌊haka tere iŋa ꞌa Mōtē⌋.

Ēfeto 1:7

Hai toto tehe era o Ietū ꞌi ruŋa i te tātaurō te ꞌAtua ko haka rehu ꞌana i te tātou hara, ꞌe ko haka kore ꞌana i te ūtuꞌa mai ruŋa i a tātou ꞌo te ai o tātou ꞌa Ietū Kiritō. I aŋa ai i te meꞌe nei e te ꞌAtua he riva rahi ōꞌona ꞌina he hāito ꞌi ruŋa i a tātou. ꞌE ꞌāꞌana takoꞌa i vaꞌai mai i te mārama-rama mo aŋi-aŋi e tātou i te parautiꞌa o ruŋa i a ia.

Aŋa o te ꞌĀpōtoro 4:12

Te eꞌa mai roto i te ūtuꞌa o te hara ꞌe te ai o te ora ꞌāpī ꞌina he hopeꞌa raꞌa vaꞌai e te ꞌAtua, mai i a Ietū mau nō ana ravaꞌa. Te ꞌAtua, paꞌi, ꞌina kai vaꞌai ki te rua kope i te aŋa nei.

Kōrosa 1:14

kope hai toto tehe era ōꞌona ꞌi ruŋa i te tātaurō i ꞌauhau ai i te tātou hara mo haka eꞌa i a tātou mai roto i te pōhāhā ꞌe mo haka rehu e te ꞌAtua i te tātou hara.

1 Iovani 1:7

ꞌE mo noho o tātou ꞌi roto i te mōrī, pa he oho iŋa o te ꞌAtua, i a tātou te ora ꞌāpī o te ꞌAtua, ꞌe te toto o tāꞌana poki ena ko Ietū e haka kore rō ꞌana i te tātou hara.

1 Iovani 1:4

mo ko-koa tahi o tātou ꞌo te haka moe takoꞌa o kōrua i te manaꞌu ꞌi ruŋa i a ia.

Ruka 24:47

ꞌe hai ꞌīŋoa ōꞌona ka haka ꞌite ka oho ena ki te nuꞌu, mai Hērutarema ki te henua taꞌatoꞌa o te ao, mo huri o te manaꞌu ki te ꞌAtua ki haka kore ai i te hara.

Ruka 5:20

I takeꞌa era e Ietū i te rahi o te rāua haka moe iŋa i te manaꞌu ꞌi ruŋa i a ia mo te ora o tū taŋata era, he kī ki tū māui-ui era: «E hoa, ko haka kore ꞌā tuꞌu hara».

1 Iovani 2:21

E pāpaꞌi atu ena a au taꞌe ꞌo te taꞌe ꞌite o kōrua i te hāpī parautiꞌa, ꞌo te ai e ꞌite rō ꞌana e kōrua. ꞌE, ko ꞌite takoꞌa ꞌana e kōrua ꞌina e tahi reo-reo eꞌa mai roto i te hāpī parautiꞌa.

1 Iovani 2:7

E te taina, taꞌe o ruŋa i te roŋo ꞌāpī a au e pāpaꞌi atu ena, o ruŋa i te roŋo tuai, he roŋo ko ꞌite era ꞌana e kōrua mai te hora haka moe era ꞌā i te manaꞌu ꞌi ruŋa i a Ietū: e haŋa ki te rua.

1 Iovani 2:1

E te ŋā poki ꞌāꞌaku ē, e pāpaꞌi atu ena a au i te meꞌe nei ꞌo hara kōrua. ꞌE mo hara tāꞌue e tahi o kōrua, e ai rō ꞌana e tahi kope ꞌi muꞌa o te ꞌAtua mo vānaŋa mo te tātou ora ko Ietū Kiritō, ꞌe a ia he kope aŋa i te meꞌe tī-tika.

1 Iovani 1:9

ꞌE mo kī o tātou ki te ꞌAtua i te tātou hara, he haka kore e ia, ꞌe he haka maꞌitaki i te meꞌe taꞌatoꞌa taꞌe tano o roto i te tātou māhatu, ꞌi te ai ōꞌona he ꞌAtua aŋa i te meꞌe tī-tika ꞌe haka tano i tāꞌana meꞌe kī.

Ēfeto 4:32

E ai kōrua he nuꞌu riva, māhatu ꞌaroha, ꞌite i te haka rehu i te meꞌe taꞌe tano aŋa atu e te rua, pa he haka rehu iŋa era e te ꞌAtua i te kōrua hara hai Ietū Kiritō.

1 Kōrinto 6:11

Tētahi o kōrua i aŋa rō i te ŋā meꞌe nei ꞌi muꞌa ꞌā. ꞌE, hora nei, ꞌi te ai o te tātou Pūꞌoko Haka Tere ko Ietū Kiritō hai haka moe i te manaꞌu ꞌi ruŋa i a ia, te ꞌAtua ko haka kore ꞌana i te kōrua hara, ko haꞌataꞌa ꞌana i a kōrua māꞌana, ꞌe ko haka riro ꞌana he nuꞌu tano ki tōꞌona mata ꞌi te ai o te ⌊Vārua Maitai⌋ ꞌi roto i a kōrua.