1 Iovani 2:10 - Rapa Nui

¹⁰ Te kope haŋa hai māhatu ki tōꞌona taina, ꞌi roto i te māꞌeha e noho ena, ꞌe ꞌina e tahi meꞌe haka hara i a ia.

1 Iovani 2:10 ပူးပေါင်းရင်းမြစ်များ

Māteo 13:21

Te meꞌe ꞌino nō, he haka moe i te rāua manaꞌu ꞌi ruŋa i rā roŋo mo te hora nō e tahi; ka riri era te nuꞌu mo rāua o ruŋa o te vānaŋa o te ꞌAtua ꞌo ka topa rō era te ꞌati ꞌi te hora haka ꞌatu i a rāua, he rehu rā roŋo, pa he taꞌe hio-hio iŋa o te aka ꞌi te kona ꞌōꞌone taꞌe rahi.

Māteo 18:7

»He ꞌati e tahi mo te nuꞌu o te ao te ai meꞌe rahi nō atu meꞌe uŋa i te taŋata ki roto i te hara. Rā ŋā meꞌe ꞌina e ko taꞌe ai. Ka ai atu pē ira, ¡ko te ꞌaroha ꞌi te kope haka hara i te rua!

Iovani 11:9

He kī e Ietū: —¿Taꞌe ꞌō e hoꞌe ꞌahuru mā piti hora o te ꞌōtea? Te taŋata haꞌere ꞌi te ꞌōtea ꞌina e ko tu-tuki ꞌo te ai e māꞌeha rō ꞌā.

Iovani 12:35

He kī e Ietū: —Mahana taꞌe rahi te mahana toe ka noho atu ena ꞌi roto i a kōrua te mōrī haka māꞌeha i te kōrua manaꞌu. ꞌO ira, ka hāꞌere ꞌi roto i te māꞌeha mai ai atu ꞌana te mōrī, ꞌo ravaꞌa a kōrua e te pōhāhā. Te kope haꞌere, paꞌi, a roto i te pōhāhā, ꞌina he takeꞌa a hē a ia e oho ena.

Iovani 8:31

He kī e Ietū ki te hūrio ⌊haka moe i te manaꞌu⌋ ꞌi ruŋa i a ia: —Mo haka roŋo ꞌe mo haꞌatura mo oho nō kōrua ki tāꞌaku vānaŋa, he nuꞌu hāpī mau ꞌana ia kōrua ꞌāꞌaku;

Rōmano 14:13

ꞌO ira, ꞌina ko kī haka ꞌou e hape rō ꞌā te rua. Te meꞌe nō, e uꞌi kōrua ꞌo haka ꞌaka-ꞌaka i te manaꞌu o te kōrua taina o ruŋa i a Ietū, ꞌo uŋa i a rāua ki roto i te hara hai meꞌe aŋa e kōrua.

Fīripo 1:10

ki aŋa ki oho ai kōrua i te meꞌe riva-riva mau nō. Pē ira he tano te kōrua noho iŋa ki te mata o te ꞌAtua, ꞌe he oho mau rō ꞌai kōrua pē ira ꞌina e tahi hape ꞌātā ki te hoki iŋa mai o Ietū.

2 Pētero 1:10

ꞌO ira, e te taina ē, e vaꞌai tahi kōrua i a kōrua mo tano o te kōrua noho iŋa ki te mata o te ꞌAtua, ki takeꞌa ai e te nuꞌu: he parautiꞌa mau ꞌā a kōrua he nuꞌu haꞌataꞌa e te ꞌAtua māꞌana mo haka moe i te manaꞌu ꞌi ruŋa i a Ietū. Mo aŋa o kōrua pē ira, e ko haka tapa kōrua mai te ara parautiꞌa ki te hora hopeꞌa,

1 Iovani 2:11

ꞌE te kope riri mo tōꞌona taina ꞌi roto i te pōhāhā e noho ꞌe e haꞌere ena, ꞌe ꞌina he ꞌite ki hē e oho ena, ꞌi te meꞌe era ꞌi te pōhāhā ꞌina he takeꞌa haka ꞌou.

1 Iovani 3:14

E ꞌite nei ko eꞌa ꞌana a tātou mai roto i te mate ꞌe ko oꞌo ꞌā ki roto i te ora he here o tātou ki te tātou taina. Te kope taꞌe haŋa ki tōꞌona taina kai eꞌa ꞌana mai te mate.