1 Iovani 1:6 - Rapa Nui

⁶ Mo kī o tātou: i a tātou te ora ꞌāpī o te ꞌAtua, ꞌe te parautiꞌa mau ꞌi roto i te pōꞌuri a tātou e noho nei, e reo-reo ꞌana a tātou, ꞌe te noho iŋa o tātou ꞌina he tano ki te roŋo parautiꞌa o te ꞌAtua.

1 Iovani 1:6 ပူးပေါင်းရင်းမြစ်များ

Māteo 7:22

ꞌI te mahana o tāꞌana ture hopeꞌa, nuꞌu rahi te nuꞌu ka kī mai ena: “E te mātou Pūꞌoko Haka Tere ē, i haka ꞌite i oho rō mātou hai ꞌīŋoa ōꞌou i te vānaŋa haka ꞌite mai e te ꞌAtua, i haka eꞌa rō i te tātane mai roto i te taŋata ꞌe i aŋa takoꞌa rō meꞌe rahi nō atu mana hai ꞌīŋoa ōꞌou”.

Iovani 11:10

ꞌE, mo haꞌere ꞌi te pō, he tu-tuki ꞌi te taꞌe māꞌeha.

Iovani 12:35

He kī e Ietū: —Mahana taꞌe rahi te mahana toe ka noho atu ena ꞌi roto i a kōrua te mōrī haka māꞌeha i te kōrua manaꞌu. ꞌO ira, ka hāꞌere ꞌi roto i te māꞌeha mai ai atu ꞌana te mōrī, ꞌo ravaꞌa a kōrua e te pōhāhā. Te kope haꞌere, paꞌi, a roto i te pōhāhā, ꞌina he takeꞌa a hē a ia e oho ena.

Iovani 12:46

I oho mai ai a au ki te ao nei pa he mōrī haka māꞌeha i te manaꞌu o te taŋata ꞌo noho te nuꞌu haka moe i te manaꞌu ꞌi ruŋa i a au ꞌi roto i te pōhāhā.

Iovani 8:12

Ko roa atu ꞌā te hora he vānaŋa haka ꞌou a Ietū ki te taŋata, he kī pē nei ē: —A au he mōrī haka māꞌeha i te manaꞌu o te taŋata o te ao; te kope oho mai ki a au e ko oho a roto i te pōhāhā. He ai i a ia te mōrī vaꞌai i te ora ꞌāpī ꞌina he hopeꞌa raꞌa.

Iovani 8:55

ꞌE, ꞌina kai māhani a kōrua i a ia. Ko au te meꞌe i māhani. Mo kī atu ōꞌoku kai māhani a au i a ia, pē kōrua ꞌā tōꞌoku reo-reo. Te parautiꞌa, paꞌi, ko māhani ꞌana e au i a ia; e haka roŋo ꞌe e haꞌatura rō ꞌana a au ki tāꞌana vānaŋa.

1 Timoteo 4:2

hāpī e te nuꞌu reo-reo riva a te haho ꞌā ꞌe taꞌe ŋaroꞌa haka ꞌou i te mamae ꞌi roto i a rāua ꞌo te aŋa i te meꞌe taꞌe tano.

Tanatiako 2:14

E te taina ōꞌoku ē, ka haka topa rā te manaꞌu: ¿e hauhaꞌa rō ꞌā te kī iŋa o te kope e tahi e haka moe rō ꞌā a ia i te manaꞌu ꞌi ruŋa i te ꞌAtua, ꞌe ꞌina ꞌāꞌana meꞌe riva-riva aŋa mo haka takeꞌa he aŋi ꞌā tāꞌana meꞌe kī era? Te haka moe iŋa o te manaꞌu pē rā, ¿e toꞌo mau rō i a ia mai roto i te hara?

Tanatiako 2:16

ꞌe he kī e tahi o kōrua: «Ka oho riva-riva; e haka mahana koe, e kai ki te mākona», ꞌe ꞌina e tahi ꞌāꞌana meꞌe i vaꞌai mo te ꞌati o rā kope, ¿e hauhaꞌa rō ꞌā hō tāꞌana meꞌe kī era?

Tanatiako 2:18

Nā e kī rō atu e te kope e tahi: «Tuꞌu meꞌe he haka moe i te manaꞌu ꞌi ruŋa i te ꞌAtua, ꞌe tōꞌoku, he meꞌe riva-riva aŋa». ꞌĪ a au he kī atu: «Ka haka takeꞌa mai rā tuꞌu haka moe iŋa ena i te manaꞌu ꞌi ruŋa i te ꞌAtua ꞌina he meꞌe riva-riva aŋa, ꞌe māꞌaku e haka takeꞌa atu, hai meꞌe riva-riva aŋa, i tōꞌoku haka moe iŋa i te manaꞌu ꞌi ruŋa i te ꞌAtua».

1 Iovani 1:10

ꞌE mo kī o tātou ꞌina a tātou kai hara, e kī ꞌana ia a tātou i te reo-reo o te ꞌAtua, ꞌe ꞌina a tātou he haŋa parautiꞌa ki tāꞌana vānaŋa.

1 Iovani 1:3

E haka ꞌite atu ena o ruŋa i tū kope takeꞌa ꞌe ŋaroꞌa era e mātou, mo ravaꞌa takoꞌa e kōrua i te ora ꞌāpī nei i a mātou, he ora i te ꞌAtua Matuꞌa ꞌe i tāꞌana Poki ko Ietū Kiritō,

1 Iovani 1:8

Mo kī o tātou ꞌina a tātou he hara, e reo-reo ꞌana a tātou ki a tātou ꞌā, ꞌe ꞌina kai aŋi-aŋi i te roŋo parautiꞌa o te ꞌAtua.

1 Iovani 2:4

Te kope kī: «Ko māhani ꞌā a au i te ꞌAtua» ꞌe ꞌina he haꞌatura ki tāꞌana meꞌe kī, he reo-reo e tahi, ꞌe ꞌina he maꞌu i te roŋo parautiꞌa o te ꞌAtua.

1 Iovani 4:20

Mo kī o te kope e tahi: «E haŋa rō ꞌana a au ki te ꞌAtua» ꞌe ꞌina he haŋa ki tōꞌona taina, he reo-reo e tahi. Te taŋata taꞌe haŋa ki tōꞌona taina, he meꞌe takeꞌa e ia, ¿pē hē ia ana haŋa ki te ꞌAtua, he meꞌe taꞌe takeꞌa e ia?