1 Iovani 1:3 - Rapa Nui

³ E haka ꞌite atu ena o ruŋa i tū kope takeꞌa ꞌe ŋaroꞌa era e mātou, mo ravaꞌa takoꞌa e kōrua i te ora ꞌāpī nei i a mātou, he ora i te ꞌAtua Matuꞌa ꞌe i tāꞌana Poki ko Ietū Kiritō,

1 Iovani 1:3 ပူးပေါင်းရင်းမြစ်များ

Iovani 17:11

»E ko noho haka ꞌou au ꞌi te ao nei; ko rāua te meꞌe ka noho ena. He hoki atu a au ki muri i a koe. E Koro Moꞌa ē, e hāpaꞌo koe i a rāua hai pūai ena ōꞌou, pūai vaꞌai mai era e koe, mo riro o rāua e tahi mau nō pē tātou.

Iovani 17:21

Tāꞌaku meꞌe haŋa, e Koro ē: mo here mo oho nō o rāua ꞌi roto i a rāua pē tāua ꞌā, ꞌe mo taꞌe haꞌataꞌa o rāua mai muri i a tāua, pa he taꞌe haꞌataꞌa iŋa nei ōꞌoku mai muri i a koe, ki ꞌite ai e te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai.

Iovani 17:25

»E Koro riva ē, te taŋata o te ao nei taꞌe haka moe i te manaꞌu ꞌi ruŋa i a au kai ꞌite ko ai koe, ko au te meꞌe i ꞌite. Te nuꞌu hāpī nei ꞌāꞌaku ko ꞌite ꞌā: ꞌāꞌau a au i uŋa mai.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Iovani 19:35

O te kope ꞌāꞌana i takeꞌa i ꞌaꞌamu i te meꞌe nei, ꞌe he parautiꞌa tāꞌana vānaŋa. Ko ꞌite riva-riva ꞌana e kī ꞌā a ia i te parautiꞌa, ki riro ai te meꞌe taꞌatoꞌa nei he parautiꞌa takoꞌa mo kōrua.

Aŋa o te ꞌĀpōtoro 13:32

»ꞌE ꞌī e mātou e haka ꞌite atu ena ki a kōrua i te roŋo riva-riva nei: te hōrea kī era e te ꞌAtua ki te mātou tupuna, he hūrio,

Aŋa o te ꞌĀpōtoro 13:41

“Ka haka roŋo mai, e te nuꞌu haka ka-kata ꞌi te meꞌe kī e te ꞌAtua ē, e māere rō ꞌe e mā-mate rō kōrua. ꞌI te kōrua noho iŋa, e aŋa rō e au i te meꞌe, ka ꞌaꞌamu atu ena e te nuꞌu, he manaꞌu kōrua taꞌe he parautiꞌa”».

Aŋa o te ꞌĀpōtoro 2:42

ꞌE a rāua e maꞌu e oho nō ꞌana i te meꞌe taꞌatoꞌa hāpī e te ꞌāpōtoro, ꞌe te aŋa takoꞌa he haka taka-taka mo pure ꞌe mo mo-more i te haraoa mo manaꞌu i te mate iŋa o Ietū.

Aŋa o te ꞌĀpōtoro 20:27

Ko haka ꞌite tahi atu ꞌana, paꞌi, a au i te meꞌe haŋa o te ꞌAtua; ꞌina kai naꞌa atu e tahi meꞌe.

Aŋa o te ꞌĀpōtoro 4:20

A māua, paꞌi, e ko tano mo taꞌe vānaŋa o ruŋa o te meꞌe takeꞌa ꞌe ŋaroꞌa e māua.

Rōmano 15:27

Te meꞌe nei i aŋa ai hai manaꞌu o rāua, ka ai atu he meꞌe mau ꞌana mo aŋa e rāua. Pa he haka ꞌite iŋa era ꞌā e te hūrio o ruŋa i te rāua hauhaꞌa, he roŋo riva-riva o te ꞌAtua, ki te nuꞌu taꞌe he hūrio, pē ira takoꞌa ꞌana te nuꞌu taꞌe hūrio ana hāꞌūꞌū ꞌi te hora nei hai hauhaꞌa o rāua o te ao nei mo te hūrio haka moe i te manaꞌu ꞌi ruŋa i a Ietū.

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 1:9

ꞌE te ꞌAtua e ko taꞌe haka tano i tāꞌana meꞌe kī. ꞌĀꞌana, paꞌi, i haꞌataꞌa i a kōrua mo nuꞌu o tāꞌana Poki ko Ietū Kiritō, Pūꞌoko Haka Tere o tātou.

1 Kōrinto 15:1

Hora nei, e te taina ē, e haŋa rō ꞌana a au mo manaꞌu o kōrua ki te ⌊roŋo riva-riva o te ꞌAtua⌋ haka ꞌite atu e au, maꞌu hio-hio e kōrua ꞌi roto i te kōrua māhatu.

Ēfeto 3:6

Rā parautiꞌa ko te meꞌe nei: mo haka moe o te nuꞌu taꞌe hūrio i te manaꞌu ꞌi ruŋa i a Ietū, mo rāua takoꞌa te haꞌamaitai ena o te ꞌAtua mo tōꞌona taŋata he itaraera. ꞌI te hora nei, te ⌊hūrio⌋ ꞌe te nuꞌu taꞌe hūrio ⌊haka moe i te manaꞌu⌋ ꞌi ruŋa i a Ietū he nūnaꞌa mau nō e tahi, ꞌe te meꞌe taꞌatoꞌa hōrea e te ꞌAtua mo te hūrio mo rāua takoꞌa, ꞌi te meꞌe era a rāua takoꞌa, paꞌi, ꞌa Ietū Kiritō.

Fīripo 1:7

Taꞌe he meꞌe mo māere te manaꞌu ōꞌoku i te ŋā meꞌe nei mo kōrua; e maꞌu rō ꞌana, paꞌi, au i a kōrua ꞌi roto i tōꞌoku māhatu. A kōrua, paꞌi, ka ai a au ꞌi roto i te hare maꞌuꞌaurī ꞌo ꞌi muꞌa o te nuꞌu ra-rahi e haka aŋi-aŋi ꞌā pē nei ē: he parautiꞌa mau ꞌā te ⌊roŋo riva-riva o te ꞌAtua⌋, ko te hokorua iŋa nō mai ꞌā kōrua ꞌi tāꞌaku aŋa vaꞌai mai e te ꞌAtua hai riva rahi ōꞌona.

Fīripo 2:1

E te taina, mo ai e pūai rō ꞌā a kōrua ꞌo te ai o kōrua ꞌa Ietū Kiritō, mo ai e ŋaroꞌa rō ꞌana e kōrua i te ora ꞌo te haŋa atu ōꞌona ki a kōrua, mo ai e koa rō ꞌana a kōrua ꞌo te ai o te ⌊Vārua Maitai⌋ ꞌi roto i a kōrua, ꞌe mo ai he nuꞌu māhatu ꞌaroha kōrua,

Fīripo 3:10

ꞌE hora nei, tāꞌaku meꞌe haŋa he māhani riva-riva he oho ōꞌoku i te ⌊Kiritō⌋ ꞌe he ŋaroꞌa ꞌi roto i a au tōꞌona aŋa iŋa mai hai pūai, pa he aŋa iŋa era o te ꞌAtua hai pūai hora haka ora era i a Ietū mai te mate. ꞌE, takoꞌa, he ꞌite ōꞌoku mo haꞌaoromaꞌi, pē ia, i te ꞌati mo aŋa i te meꞌe haŋa o te ꞌAtua, ꞌe ꞌātā mo mate ꞌo te ai ōꞌoku ꞌa Ietū Kiritō, ana haŋa te ꞌAtua.

Kōrosa 1:13

O te ꞌAtua, paꞌi, i haka eꞌa i a tātou mai te rima o te kope te haka tere iŋa ꞌi roto i te pōhāhā, ꞌe he haka noho i a tātou ꞌi roto i te haka tere iŋa o tāꞌana Poki haŋa rahi ko Ietū Kiritō,

1 Tētārōnika 1:10

ꞌE e ꞌaꞌamu takoꞌa rō ꞌana rā nuꞌu pē hē kōrua e tiaki ena ki te hoki iŋa mai mai te raŋi o tāꞌana Poki ko Ietū, kope haka ora e te ꞌAtua mai te mate, ꞌe kope haka eꞌa i a tātou mai te ūtuꞌa taparahi-taꞌata, ūtuꞌa nā e tuꞌu rō mai.

1 Timoteo 6:2

ꞌE mo ai te taŋata haka aŋa i a rāua he kope haka moe i te manaꞌu ꞌi ruŋa i a Ietū, ꞌina ko taꞌe moꞌa ꞌo te ai he taina haka moe i te manaꞌu ꞌi ruŋa i a Ietū. Te tano mau: e ꞌata aŋa riva-riva ꞌo te ai te kope era ki a ia e tāvini era he taina haŋa rahi. E Timoteo, ka hāpī te meꞌe pāpaꞌi atu ena e au ꞌe ka kī ki te taina: hai meꞌe nei a rāua ana haka tere.

ꞌEvereo 2:12

I kī rō, paꞌi, e ia ꞌi ruŋa i te Pāpaꞌi Moꞌa: «E vānaŋa rō a au o ruŋa i a koe ki tōꞌoku taina, ꞌe e hīmene rō atu a au ꞌi vāeŋa o te nuꞌu haꞌamuri atu».

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

1 Pētero 5:1

Hora nei e haŋa rō ꞌana a au mo hatu ki te ŋā pūꞌoko haka tere ena o kōrua o te nuꞌu ⌊haka moe i te manaꞌu⌋ ꞌi ruŋa i a Ietū. A au he pūꞌoko haka tere takoꞌa, pē rāua, ꞌe he mataꞌite o te ꞌati topa era ꞌi ruŋa i te ⌊Kiritō⌋. Pē rāua e oꞌo takoꞌa rō a au ꞌi roto i tōꞌona nui-nui ka haka takeꞌa ena, te auraꞌa, i a au takoꞌa, pe muꞌa ka oho ena, te huru riva ōꞌona.

2 Pētero 1:16

Te hāpī haka ꞌite atu era e mātou o ruŋa i te pūai nui-nui o te tātou Pūꞌoko Haka Tere ko Ietū Kiritō ꞌe o ruŋa i tōꞌona hoki iŋa mai, taꞌe he ꞌaꞌamu e tahi. Hai mata mau nei ꞌā o mātou i takeꞌa ai i tōꞌona pūai nui-nui.

1 Iovani 1:1

ꞌĪ a au he pāpaꞌi atu o ruŋa i te Vānaŋa i a ia te ora ꞌāpī ꞌina he hopeꞌa raꞌa. A ia ko ai era ꞌā ꞌi raꞌe ki te haꞌamata iŋa o te ao, ꞌe, ka ai atu pē ira, i takeꞌa rō ꞌe i ŋaroꞌa rō e mātou i a ia. He aŋi ꞌā, ko takeꞌa ꞌā ꞌe ko haka puā ꞌā e mātou.

1 Iovani 1:5

Te roŋo hāpī mai era e Ietū Kiritō ꞌe e haka ꞌite atu ena e mātou: te ꞌAtua he Mōrī ꞌe ꞌina he meꞌe pōꞌuri ꞌi ruŋa i a ia.

1 Iovani 1:7

ꞌE mo noho o tātou ꞌi roto i te mōrī, pa he oho iŋa o te ꞌAtua, i a tātou te ora ꞌāpī o te ꞌAtua, ꞌe te toto o tāꞌana poki ena ko Ietū e haka kore rō ꞌana i te tātou hara.