Mataio 8:18 - Buk Taabu Matakin

¹⁸ Baa Iesu i babo a kor na taara diat tur lili paai, i piri taa ra nuna kum naat na wawer naa diat a waan urong un raa papaara taai kikil.

A Buk 1896 (Bible Portions)

¹⁸ Ba Iesu i bobo diat a kum tara‐na‐kaiya diat turu liuta i, i piri lena din wan u ra papara u rog iai.

Mataio 8:18 ပူးပေါင်းရင်းမြစ်များ

Mataio 14:22

Io, Iesu i tula wa anuna kum naat na wawer kupi diat a kaa u ra mon ma diat a muga kup raa papaara taai kikil, ma ia i ki utbaai kupi in tula wa a taara.

Mataio 8:1

Baa Iesu i waan pari taanginaanga u ra taangaai, mongoro na taara diat murmuri.

Maarko 4:35

Io, baa ia maluraap u ra bung maa, Iesu i piri taa ra nuna kum naat na wawer naa, “Daat a waan bolo urong un raa papaara taai kikil.”

Maarko 5:21

Iesu i kaa u ra mon ma i waan talili balet urong un raa papaara taai kikil. Baa i ki nakono a ngaala na kor na taara diat liur baat paai.

Maarko 6:45

Namur Iesu i tula gagaa wa anuna kum naat na wawer kupi diat a kaa u ra mon ma diat a muga urong Betsaaida un raa papaara taai kikil. Ma ia i ki utbaai kupi in tula wa a taara.

Maarko 8:13

Io, i kaa balet u ra mon, ma i waan paa kon diat urong un raa papaara taai kikil.

Lukaa 8:22

Raa bung Iesu ma ra nuna kum naat na wawer, diat kaa u ra mon, ma i piri taan diat naa, “Daat a waan bolo urong un raa papaara taai kikil.” Ma diat waan.

Ioaanes 6:15

Baa Iesu ia nunurai naa diat nem na waan karomi kupi diat a wowo paai kupi in king, io, i waan ingen paa kon diat unaanga nate un raa taangaai.