Lukaa 7:30 - Buk Taabu Matakin

³⁰ Iaku maa a kum Parisaaio ma ra kum tena wawer u ra kum Naagagon pa diat nem a aakapi baa God i taari kup diat, maa pa diat mulaaot u ra baapitaaiso anun Ioaanes.

Lukaa 7:30 ပူးပေါင်းရင်းမြစ်များ

Mataio 22:35

Ma raa paan diat, a tena manaana u ra kum Naagagon, i walaari ma ra wetiri lenbi,

Lukaa 13:34

“Ierusalem, Ierusalem, ui baa u aakaak doko a kum propet, ma diat baa di tultula wa diat karom ui u duka doko wa diat ku ma ra kum waat. Mongoro na pakaan iaau nem na burung baat ungaai a kum natnatum welaar ma ra kareke baa i burung baat ungaai a kum natnatuna natudaangi ra ru bibiaana, iaku pa muaat nemi.

Lukaa 20:6

Iaku baa daat a piri naa, ‘Ko ra taara,’ a taara raap diat a duka doko daat, maa diat nurnur un Ioaanes naa ia a propet.”

Lukaa 7:31

Ma Iesu i piri balet naa, “Aawa duk maa ang welaara a taaun taara mai mi? Diat welaar ma ra aawa?

Aapostolo 20:27

Maa pa iaau burut, iaau pir araap taa a nuknukin God karom muaat.

A Buk anun Paaulo karom a taara Rom 10:21

Iaku, u ra taara Israael, Aaisaia i pir a pirpir anun God, lenbi, “A kum bungbung raap iaau wewataai na maarmaari kup diat, iaku pa diat taraam, diat a kum tena wabulbul.” Aais 65:2

2 Korinto 6:1

Miaat papaam ungaai ma God, ma miaat aaring muaat, kupi koku muaat ole biaa ku a maarmaari mi anun God karom muaat.

Galaatia 2:21

A maarmaari anun God karom iaau i ngaatngaat aakit, ma pang maadek biaa wai ku. Baa gun God in waatung te naa ia a tena takado u ra mur Naagagon, io, Kaarisito i maat biaa ku.”

Epeso 1:11

A kum utnaa raap baa God i laana paami, i paami welaar ut ma ra nuna nemnem. Io, namuga utbaai i pilak pa miaat a taara Iudaia, kupi miaat a lalaaun un Kaarisito.