Lukaa 3:14 - Buk Taabu Matakin

¹⁴ Ma raa kum tena wineium diat tiri naa, “Ma miaat, aawa maa miaat a paami?” Ma i baalu diat naa, “Koku muaat pet na kaankaan biaa paa ku a maani ko ra taara, ma koku muaat wetakun warwaruga, muaat a gaaia paa ku anumuaat wedok.”

Lukaa 3:14 ပူးပေါင်းရင်းမြစ်များ

Mataio 8:5

Baa Iesu i waan paat irong Kaapernaaum, raa mukmuga anu ra kum tena wineium taangirong Rom i waan karomi ma i aaringi baa in waraauti.

Lukaa 19:8

Saakaio i tur ma i piri taa ra Tadaaru lenbi, “Baboi, Tadaaru, raa kukur u ra nung utnaa na wuwuwung ang tabaara a kum iba na taara mai, ma baa iaau aa waruga paa ta utnaa kon te, ang baalui balet ta waat na pakaan.”

Lukaa 3:10

A kor na taara diat tiri naa, “Aawa maa miaat a paami?”

Lukaa 3:13

Ma i baalu diat naa, “Koku muaat lo a tatakom i ngaala taa ra toto di aa naagagon taai.”

Aapostolo 10:7

Baa a aangelo maa i pirpir karomi ia waan, Konelio i wataa paa rudi ko ra nuna kum tultul, ma raa dowot na tena lotu ko ra nuna taara na wineium.

Pilipoi 2:15

kupi muaat a laangalaanga ko ra kum wetakun ma muaat a gomgom, a kum natnatun God, baa pa ta niraara un muaat, naliwan taa ra taara baa pa diat takado ma a magiraandiat i aaka aakit. Muaat a baarabaara naliwan taan diat welaar ma ra kum naangnaang baa diat wabaara a rakrakaan buaal,

Pilipoi 4:11

Pa iaau piri lenmi kabina maa iaau iba, pate. Maa iaau aa wawer paa kupi a nuknuking in ngo u ra kum mangaana kini baa in baraata iaau.

Tito 2:3

Lenkaai maa, un wer a kum tabuan baa di buta muga diat taam, kupi diat a laa u ra aakapi na urur u ra nundiat lalaaun, koku diat pirura, koku diat a kum tena ininim, diat a wer a taara u ra utnaa baa i koina.

Binabo 12:10

Io, iaau walangoro ina ngaala na ingaan raa inaanga u ra maawa i piri naa, “Mi a warwalaaun anu ra nundaat God, anuna dekdek, ma ra nuna mataanitu, ma ra naagagon anu ra nuna Kaarisito diat aa waan paat. Maa a Tena Wetakun baa i taktakuna a kum tateindaat, ia baa i taktakuna diat namataan God u ra mage ma ra marum, di aa ong pari wai.