Lukaa 2:13 - Buk Taabu Matakin

¹³ Pa i iwan ku ma a ngaala na kor na aangelo taanginaanga u ra maawa diat waan paat karom a aangelo maa, ma diat pir walaawa paa God lenbi,

Lukaa 2:13 ပူးပေါင်းရင်းမြစ်များ

Lukaa 15:10

Iaau piri taa muaat, lenkaai maa a gaaia naliwan naa ra kum aangelo anun God un raa tena aakaina baa i nukpuku.”

Lukaa 2:12

Ma muaat a babo kup a wakilang lenbi: A naat di pulu taai ma ra kum maalu na naat, ma di wainep taai ku u ra wuwuwung na winangaan ara kum wewagua.”

Lukaa 2:14

“A pir walaawa karom God inaanga nate aakit, ma a maalmaal u ra rakrakaan buaal raap karom diat baa i gaaia un diat.”

Epeso 3:10

Iaku mi, baa i paam a utnaa mi karom a taara baa diat nurnur, i wapuaana anuna ngaala na manaana karom a kum nion, diat baa diat mukmuga ma diat baa diat paam akoto a naagagon u ra maawa.

1 Timoti 3:16

Maia, daat nunura mului naa, a wawer baa daat nurnur uni i ngaatngaat aakit. I lenbi: Kaarisito i waan paat a muaana, a Takado na Nion i wapuaanai naa Kaarisito i takado namataan God, a kum aangelo diat baboi, a wewapua uni i waan weraan karom a kum wuna taara raap, ma mongoro u ra rakrakaan buaal diat nurnur uni, i waan tato ma i ki u ra minamaar.

Ebraaio 1:14

A kum aangelo raap diat a kum nion, baa diat papaam karom God, naka? I tula wa diat kupi diat a waraaut a taara, diat baa diat a lo a warwalaaun.

1 Petero 1:12

God i pir waiaai karom a kum propet naa a kum utnaa mi, wakir in waan paat u ra nundiat kum kilaala na lalaaun, pate. Diat pirpir na propet ku u ra kum utnaa baa God in paami karom muaat. Ma mi, muaat aa walangoro taai ko ra taara baa diat warawaai ma ra Koina Wewapua karom muaat ma ra dekdek i ra Takado na Nion, ia baa di tula pari wai taanginaanga u ra maawa. Ma a kum utnaa mi, a kum aangelo kaai diat nem aakiti naa diat a baboi.

Binabo 5:11

Namur iaau bababo ma iaau walangoro kum ingaa ra mongoro na aangelo baa diat tur lili paa a kiki na king ma waat na lalaaun na wawaki ma ra kum mukmuga. A kum aangelo diat mongoro aakit, pa te in luk laar pa diat.