Kolose 2:9 - Buk Taabu Matakin

⁹ Maa a lalaaun raap anun God i ki raap ut un Kaarisito baa i waan paat a muaana.

Kolose 2:9 ပူးပေါင်းရင်းမြစ်များ

Mataio 1:23

“Baboi, a tauraara na tabuan in kipbaala ma in buta paa a naat muaana ma din waatungi naa Emaanuel,” Aais 7:14 a kukuraaina naa, “God i ki ungaai ma daat.”

Lukaa 14:22

Namur taana a tultul i piri naa, ‘Tadaaru, iaau aa paam taa a kum utnaa raap baa u wetulaa kupi, iaku raa kum kolo liklik kuraa utbaai naruma.’

Lukaa 3:22

ma a Takado na Nion i waan pari, i ung a panina welaar ma ra ina buna, ma i ki taau nate un Iesu. Ma in ingaan raa taanginaanga u ra maawa i piri lenbi, “Ui Natunglik, a naat na wakwakaak, iaau gaaia aakit un ui.”

Ioaanes 1:14

A Pirpir i waan paat i muaana mulu, ma i ki naliwan taa miaat. Miaat aa babo taa anuna minamaar, a minamaar anun Natuna raa ot ku, baa i waan kon Tamaana, i teng ma ra maarmaari ma ra lingtatuna.

Ioaanes 1:16

I teng ma ra maarmaari, ma ko ra nuna ngaala na maarmaari, i wadaan daat ma ra mongoro na koina utnaa baa i waanwaan paat karom daat.

Ioaanes 10:30

Mir ma Tamaang, mir raa ku.”

Ioaanes 10:38

Mi iaau paam ut anuna kum pinapaam, iaku pa muaat nurnur un iaau. Muaat a nurnur kabina u ra kum pinapaam iaau paami, kupi muaat a nunurai naa Tamaang i ki un iaau, ma iaau ki un Tamaang.”

Ioaanes 14:20

Baa a bung maa in waan paat, muaat a nunurai naa iaau ki un Tamaang, ma muaat kaai muaat ki un iaau, ma iaau ki un muaat.

Ioaanes 17:21

Iaau aaraaring baa diat raap baa diat nurnur un iaau, diat a raa ku. Tamaang, welaar ma u ki un iaau ma iaau ki un ui, i koina baa diat ma daar, daat a raa ku, kupi a taara u ra rakrakaan buaal diat a nurnur naa u tula wa iaau urin.

Ioaanes 2:21

Baa Iesu i pirpir u ra ruma anun God, i pirpir welwelaar ut u ra panina.

Aapostolo 17:29

“Baa daat a kum natnatun God, pa i koina kupi daat a nuki naa God i welaar ma ra taabataaba na goled, baa silwa, baa waat, baa a taara diat nuk apaat paai ma diat paami ku ma ra limaandiat.

2 Korinto 5:19

Un Kaarisito, God i maraam ma ra taara u ra rakrakaan buaal. Pa in nuk paa balet ma anundiat mangamangaan aakaina kupi in naagagon diat uni. Bari ia a pirpir na wemaraam baa i taar taai taa miaat.

Kolose 1:19

Maa God i nemi naa anuna lalaaun raap in ki un Natuna.

1 Timoti 3:16

Maia, daat nunura mului naa, a wawer baa daat nurnur uni i ngaatngaat aakit. I lenbi: Kaarisito i waan paat a muaana, a Takado na Nion i wapuaanai naa Kaarisito i takado namataan God, a kum aangelo diat baboi, a wewapua uni i waan weraan karom a kum wuna taara raap, ma mongoro u ra rakrakaan buaal diat nurnur uni, i waan tato ma i ki u ra minamaar.

Tito 2:13

baa daat ki walaang ma ra nurnur kup a bung na gaaia baa in waan paat. A bung baa anundaat ngaala na God Iesu Kaarisito anundaat Tena Walaaun in waan paat ma ra nuna minamaar.

1 Ioaanes 5:20

Daat aa nunurai naa Natun God ia waan paat, ma ia tabaara ta daat ma ra manaana, kupi daat a nunura a lingtatuna na God. Daat lalaaun u ra lingtatuna na God, kabina maa daat lalaaun un Natuna Iesu Kaarisito. Ma ia a God lingtatuna, ma ra lalaaun takum.

1 Ioaanes 5:7

Io, tuldi ditul wewapua kaapa uni: