Ioaanes 3:34 - Buk Taabu Matakin

³⁴ Ia baa God i tula wai, i pirpir ma ra pirpir anun God, ma God i taar araap taa a Takado na Nion karomi.

Ioaanes 3:34 ပူးပေါင်းရင်းမြစ်များ

Mataio 12:18

“Bari ia anung tultul baa iaau aa pilak paai, ia anung naat na wakwakaak, iaau gaaia aakit uni. Ang waruk taa a Niong uni, ma in wapuaana a naagagon baa i takado karom a kum taara baa wakir a taara Iudaia.

Lukaa 4:18

“A Nio ra Tadaaru i ki un iaau, maa ia pilak pa iaau kupi ang warawaai ma ra Koina Wewapua karom a kum iba na taara. Ia tula wa iaau kupi ang warawaai lenbi, din palaa wa diat baa di aa wi baat ta diat, din wababo balet a kum pula, din walaangalaanga wa diat baa diat kariaana a mawaat baa di aa paam taai un diat,

Ioaanes 1:16

I teng ma ra maarmaari, ma ko ra nuna ngaala na maarmaari, i wadaan daat ma ra mongoro na koina utnaa baa i waanwaan paat karom daat.

Ioaanes 15:26

“Ang tula wa a Tena Wewaraaut karom muaat kon Tamaang, ia a Takado na Nion baa in wapuaana a lingtatuna. Baa in waan paat in wewapua un iaau.

Ioaanes 16:7

Iaau pir a lingtatuna taa muaat naa, in koina karom muaat baa ang waan. Baa pang waan, a Tena Wewaraaut pa in waan paat karom muaat. Iaku baa ang waan, io, ang tula wai urin karom muaat.

Ioaanes 3:17

God pa i tula wa Natuna urin u ra rakrakaan buaal kupi in taar a naagagon na binabaalu karom a rakrakaan buaal. I tula wai ku kupi in walaaun a rakrakaan buaal.

Ioaanes 5:26

God a kabi ra lalaaun ma i taari kaai karom Natuna, ia kaai a kabi ra lalaaun.

Ioaanes 7:16

Iesu i baalu diat naa, “A wawer mi iaau wawer mai, wakir anung, anun ia baa i tula wa iaau urin.

Ioaanes 8:40

Muaat nem na aak doko iaau ku, baa iaau wapua muaat u ra lingtatuna baa iaau walangoroi kon God. Aabaraam pa i paam ta utnaa lenmi.

Ioaanes 8:47

Ia baa i waan paat kon God i walangoro a kum pirpir anun God. Iaku muaat, wakir muaat waan paat kon God, mi ia a kabina baa pa muaat walangoroi.”

Aapostolo 10:38

Muaat nunurai naa God ia taar taa a Takado na Nion ma ra dekdek karom Iesu, a te Naasaret. Baa i waanwaan taltalili, i paampaam a koina pinapaam, ma i walaangalaanga pa diat, baa diat ki u ra naagagon anun Saataan. Iesu i paam a kum utnaa mi kabina maa God i ki ungaai mai.

A Buk anun Paaulo karom a taara Rom 8:2

Kabina maa, baa iaau ki un Kaarisito Iesu, a naagagon anu ra Takado na Nion, baa i laana taar a lalaaun, i walaangalaanga pa iaau ko ra naagagon anu ra aakaina mangamangaan baa i taar a minaat taang.

Epeso 3:8

Ma iaau, iaau kinalik aakit taan diat raap a taara anun God. Iaku i maari iaau ma i taar taa a pinapaam mi taang, kupi ang warawaai karom a kum taara baa wakir a taara Iudaia u ra kum ngaatngaat na utnaa anun Kaarisito, baa pa in raap laar paai.

Kolose 1:19

Maa God i nemi naa anuna lalaaun raap in ki un Natuna.

Kolose 2:9

Maa a lalaaun raap anun God i ki raap ut un Kaarisito baa i waan paat a muaana.

Binabo 21:6

Ma i piri taang lenbi, “Ia raap! Iaau a Aalpaa ma ra Omegaa, a turpaaina ma ra tintinipina. Ia baa i maruk ang wainimi ma ra palaa ko ra mataana daanim, a palaa na lalaaun, baa pa in kuli.

Binabo 22:1

Io, aangelo i waiaa taa a daanim na lalaaun karom iaau, i kaapakaapa welaar ma ra galaas. I aalir paat ko ra kiki na king anun God, anundiaar ma ra Naat na Sip.