Iaakobo 5:6 - Buk Taabu Matakin

⁶ Muaat naagagon aakaka a kum tena takado ma muaat aak doko diat, iaku diat ut pa diat baalu muaat.

Iaakobo 5:6 ပူးပေါင်းရင်းမြစ်များ

Mataio 21:38

Iaku baa a taara na pinapaam diat babo paa natunalik diat pirpir ungaai paa naa, ‘Ia ma baa in kiaana tamaana, bari ma ia i waan urin. Muaat iaap, daat a aak dokoi, kupi anundaat ma a wanua na waain.’

Mataio 27:20

A kum ngaala na tena wetabaar karom God ma a kum mukmuga diat wowo taa a kor na taara kupi diat a aaring kup Baaraabaas, ma kupi din aak doko wa Iesu.

Mataio 5:39

Iaku iaau, iaau piri taa muaat naa, koku muaat baalu aakaina anun te baa i paami karom muaat. Baa te i paar taa a papaara ot na waam, un puku taa raa papaar bulung karomi.

Aapostolo 22:14

Ma Aanania i piri karom iaau naa, ‘God anu ra nundaat wuna taara taanga namuga ia pilak ta ui, kupi un nunura anuna nemnem, ma un babo a Tena Takado, ma un walangoro anuna pirpir ko ra waana.

Aapostolo 7:52

Woi na kum propet maa anumuaat wuna taara taanga namuga pa diat baanaakaka diat? Diat aak doko diat, baa diat pirpir muga u ra winawaan paat urin anu ra Tena Takado, ia baa mi muaat wagu paai, ma muaat aak doko wai,

Aapostolo 8:32

Bi ia, a kum pirpir na Buk Taabu maa i luki: “Di beni welaar ma ra sip, kupi din aak dokoi. Pa i pirpir, welaar ma ra naat na sip i tur wowowon karom ia baa i gelei.

Ebraaio 10:38

Te ku baa i nurnur, ang waatungi naa anung tena takado ma in lalaaun. Ma baa ia waan talili ko ra nurnur, pang gaaia uni.” Aab 2:3-4

Iaakobo 2:6

Iaku muaat, muaat baana wawirwir ku a kum iba na taara. Lelawaai, pa muaat nunurai duk naa a kum tadaaru na muaana diat laana naagagon aakaka muaat ma ra dekdek baa diat paam akotoi? Ma diat aalaal pa muaat kupi muaat a tur u ra naagagon.

Iaakobo 4:2

Muaat nem a kum utnaa, iaku pa muaat paam akotoi. Muaat aak doko a taara, ma muaat nuknuk aakaka kup a utnaa anundiat, iaku pa muaat paam akoto a utnaa baa muaat nemi. Muaat wengangaar ma muaat weium. Pa muaat paam akoto a kum utnaa muaat nemi, maa kabina pa muaat aaring God kupi.

1 Petero 4:18

A Buk Taabu i piri lenbi, “In dekdek ut karom a takado na taara kupi din walaaun pa diat. Io, in lelawaai ma karom a kum aakaina taara ma diat baa pa diat nurnur un God?” Pir 11:31