Epeso 4:20 - Buk Taabu Matakin

²⁰ Iaku muaat, baa di wer ta muaat un Kaarisito, wakir di wer muaat u ra kum mangamangaan lenmi.

Epeso 4:20 ပူးပေါင်းရင်းမြစ်များ

Mataio 11:29

Muaat a lo anung ina kip, ma muaat a wawer kon iaau, maa anung mangamangaan i wowowon ma iaau laana wakinalik pa iaau. Muaat a lo ina kip bi kupi a niomuaat in ngo.

Lukaa 24:47

ma din warawaai u ra iaana karom a kum wunwuna taara raap turpaai inaanga Ierusalem. Din warawaai karom diat naa diat a nukpuku ma God in una wa anundiat kum aakaina mangamangaan.

Ioaanes 6:45

A kum propet diat aa timu taai lenbi, ‘God in wer diat raap.’ Aais 54:13 Io, diat raap baa diat walangoro Tamaang ma diat wawer koni, diat a waan karom iaau.

Epeso 4:21

Iaau nunurai naa di aa wer ta muaat un Iesu ma muaat aa walangoro paai, io, muaat nunura a lingtatuna baa i ki uni.

1 Ioaanes 2:27

A Takado na Nion baa Kaarisito i taar taai taa muaat, ia ki un muaat, ma pa muaat iba balet ma kup te baa in wer muaat. Maa a Takado na Nion i wer muaat u ra kum utnaa raap. Ma a utnaa baa i wer muaat uni i lingtatuna, ma wakir a warwaruga. Io, muaat a nuk akoto a wawer mi kupi muaat a ki takum karom Kaarisito.