Ebraaio 4:7 - Buk Taabu Matakin

⁷ I kaapa naa aakapi i paapa utbaai, kabina maa mongoro na kilaala namur taan diat baa pa diat taraam, God i pirpir utbaai u ra nuna taamaan na ningo. I pirpir ma ra waan Dewid lenbi, “Umari, baa muaat walangoro in ingaana, koku muaat wadekdek a balaamuaat.” Kele 95:7-8 Baa God i piri “umari” i kukuraaina naa ia ung taa raa bung balet kupi a taara diat a ruk u ra nuna taamaan na ningo.

Ebraaio 4:7 ပူးပေါင်းရင်းမြစ်များ

Mataio 22:43

Iesu i piri taan diat naa, “Baa lenmaa, i lawaai maa a Takado na Nion i mugain Dewid kupi in waatung Kaarisito naa ‘anung Tadaaru’? Maa i piri naa,

Maarko 12:36

A Takado na Nion i mugain Dewid ma i piri lenbi, ‘A Tadaaru i piri karom anung Tadaaru, “Un ki u ra papaara ot na limaang, tuk baa ang uwia paa anum kum ebaar kupi diat a ki natudaangi ra num naagagon.” ’ Kele 110:1

Lukaa 20:42

Maa Dewid ut i piri u ra Kum Kelekele u ra Buk Taabu lenbi, ‘A Tadaaru i piri karom anung Tadaaru, “Un ki u ra papaara ot na limaang

Aapostolo 2:29

“A kum tateng liklik, ang pirpir kaapa karom muaat un Dewid, a tabundaat taanga namuga. Ia maat ma di aa punang wai, ma anuna babaang na minaat kuri ut naan daat tuk mi.

Aapostolo 2:31

Dewid ia nunura muga a utnaa baa in waan paat, ma i pir a pirpir mi u ra lalaaun balet anun Kaarisito, baa pa di maadek wai u ra tung na minaat ma a panina pa i mareng.

Aapostolo 28:25

Io, diat weolol naliwan taan diat. Baa diat tur na winawaan, Paaulo i pir a tintinip na pirpir balet taan diat naa, “A lingtatuna ut maa a Takado na Nion i piri u ra waa ra propet Aaisaia, karom anumuaat wuna taara taanga namuga naa,

Ebraaio 3:15

Welaar ma di aa pir taai u ra Buk Taabu lenbi, “Umari baa muaat walangoro in ingaana, koku muaat wadekdek a balaamuaat, welaar ma ra kum taptabumuaat namuga diat paami, baa pa diat taraam karom iaau.” Kele 95:7-8