Binabo 19:6 - Buk Taabu Matakin

⁶ Ma iaau walangoro a marurunga baa i welaar ma ra ingaa ra ngaala na kor na taara, a rurunga i ra top na aalataura ma ra pakpagur, i kulkulaai naa, “Aaleluia! Maa anundaat Tadaaru God, ia baa i dekdek aakit i ki na king.

Binabo 19:6 ပူးပေါင်းရင်းမြစ်များ

Mataio 6:13

Koku u ben miaat u ra walwalaam. Un walaaun miaat ko ra Tena Aakaina. Aamen.’

Binabo 1:15

A ru kakina diaar welaar ma ra braas baa di aa tun agomgom taai u ra nguan, ma in ingaana i welaar ma ra rurunga i ra top na aalataura.

Binabo 1:8

A Tadaaru God, ia baa i lalaaun namuga, i lalaaun mi ma in lalaaun namur, ia baa i dekdek aakit i piri naa, “Iaau a Aalpaa ma ra Omegaa.”

Binabo 12:10

Io, iaau walangoro ina ngaala na ingaan raa inaanga u ra maawa i piri naa, “Mi a warwalaaun anu ra nundaat God, anuna dekdek, ma ra nuna mataanitu, ma ra naagagon anu ra nuna Kaarisito diat aa waan paat. Maa a Tena Wetakun baa i taktakuna a kum tateindaat, ia baa i taktakuna diat namataan God u ra mage ma ra marum, di aa ong pari wai.

Binabo 14:2

Ma iaau walangoro a ngaala na rurunga taanginaanga u ra maawa i welaar ma ra unga na top na aalataura, ma welaar ma ra in ingaa ra ngaala na pakpagur. A rurunga baa iaau walangoroi i welaar ma ra taara baa diat ogo anundiat kum gitaa.

Binabo 19:1

Baa i raap a kum utnaa mi, iaau walangoro a ngaala na marurunga welaar ma ra ingaa ra ngaala na kor na taara inaanga u ra maawa diat kulkulaai lenbi, “Aaleluia! A warwalaaun, a minamaar ma ra dekdek anu ra nundaat God ku,

Binabo 19:4

A 24 na mukmuga ma waat na lalaaun na wawaki diat puka pari ma ra urur, ma diat lotu karom God, ia baa i ki u ra nuna kiki na king ma diat piri naa, “Aamen, Aaleluia!”

Binabo 21:22

Pa iaau babo ta ruma na lotu u ra taamaan maa, kabina maa a Tadaaru God, ia baa i dekdek aakit, ma ra Naat na Sip diaar ut maa a ruma na lotu u ra taamaan maa.

Binabo 4:5

Ma in mamame, a pakpagur ma ra rurunga, ditul waan paat ko ra kiki na king. Ma namuga naa ra kiki na king 7 na laam kuaa diat kupkup ma. Diat maa a 7 na nion God.

Binabo 6:1

Iaau baboi baa a Naat na Sip i wawaaka wa a mugaana bulit kon 7 na bulit kuraa u ra buk. Iaau walangoro raa ko ra waat na lalaaun na wawaki i wewataai ma ra in ingaana i welaar ma ra pakpagur lenbi, “Waan urin!”

Binabo 8:5

Namur aangelo i wateng paa balet a laa ma ra nguan ko ra luwu na tuntun wetabaar, ma i ong pari taai nate u ra rakrakaan buaal. A pakpagur, a rurunga, a mamame ma ra guria diat waan paat.