Binabo 18:3 - Buk Taabu Matakin

³ Ia puka, kabina maa a kum wunwuna taara raap diat aa inim paa a dekdek na waain i ra nuna paamuk na mangamangaan. A kum king ko ra rakrakaan buaal diat paam aakaina mai. Ma a kum tena wiura ko ra rakrakaan buaal diat tadaaru ma ra ngaala na wuwuwung ko ra nuna kum aakaina mangamangaan, baa pa i wawirwir mai.”

Binabo 18:3 ပူးပေါင်းရင်းမြစ်များ

Lukaa 7:25

Aawa maa muaat waan kupi muaat a baboi? A muaana baa i mong ma ra in koina maalu? Pate. Baboi, diat baa diat mong ma ra ngaatngaat na maalu, ma diat daan ma ra kum kokoina utnaa, diat ki u ra kum ruma na king.

1 Timoti 5:11

Ma u ra kum walaa na tabuan baa diat dekdek utbaai, koku timu koto a iaandiat. Baa anundiat nemnem na tinaulaa i tur balet, diat waan ingen kon Kaarisito.

Binabo 14:8

A weru aangelo i murmur ma i piri naa, “A ngaala na taamaan Baabilon ia puka! Ia puka! Ia baa i wainim a kum wunwuna taara raap ma ra dekdek na waain i ra nuna paamuk na mangamangaan.”

Binabo 17:2

A kum king taanga u ra rakrakaan buaal diat paam aakaina mai. Ma a taara u ra rakrakaan buaal diat longlong ko ra waain i ra nuna paamuk na mangamangaan.”

Binabo 18:19

Diat a lamira a kum kabu u ra kum lorindiat ma diat a tapunuk, diat a luan ma diat a kulkulaai naa, ‘A ngaala na taamaan Baabilon ia aaka! Ia aaka! Diat baa diat babo maani ko ra kum paraau, diat tadaaru ko ra nuna kum ngaala na wuwuwung! 60 minit ot ku ma ia aaka raap!

Binabo 18:23

Pain ta kaapa na laam balet ma in baara naam. Pain te balet ma in walangoro taa in ingaan ta matakina tinaulaa, a baarmaan ma ra tauraara naam. Namuga anum kum tena wiura diat a kum ngaala na tadaaru u ra rakrakaan buaal. U ben araara paa a kum wunwuna taara raap ma ra num malira.

Binabo 18:7

I paam akoto a ngaala na minamaar ma a kini na tadaaru, io, din taar a ngaala na kinadik ma ra ngaala na tapunuk taana. I nuki un ia ut lenbi, ‘Iaau a kwin, ma iaau ki u ra nung kiki na kwin. Wakir iaau a walaa, pang tapunuk laar paai.’

Binabo 18:9

“A kum king ko ra rakrakaan buaal, baa diat paam aakaina ungaai ma ra paamuk na tabuan maa, ma diat kakale ungaai u ra nuna kum wuwuwung ko ra kum aakaina mangamangaan, baa diat a babo in tubal ko ra nguan baa di tun a tabuan maa uni, diat a tapunuk ma diat a luan.