Binabo 11:17 - Buk Taabu Matakin

¹⁷ Diat piri naa, “Miaat waatung wakaak karom ui a Tadaaru God baa u dekdek aakit, u lalaaun namuga ma u lalaaun mi, maa u ra ngaala na dekdekim u aa turpaa anum kini na king.

Binabo 11:17 ပူးပေါင်းရင်းမြစ်များ

Mataio 11:25

U ra pakaana bung maa, Iesu i piri naa, “Tamaang, ui a Tadaaru i ra maawa ma ra rakrakaan buaal raap, iaau pir walaawa pa ui, maa u walipa a kum utnaa mi ko ra kum tena manaana ma kon diat baa diat malem, ma u pir waiaai ku karom diat baa diat welaar ma ra kum naat liklik.

Lukaa 10:21

U ra pakaana bung maa Iesu i teng ma ra gaaia ko ra Takado na Nion ma i piri naa, “Tamaang, ui a Tadaaru i ra maawa ma ra rakrakaan buaal raap, iaau pir walaawa pa ui, maa u walipa a kum utnaa mi ko ra kum tena manaana ma kon diat baa diat malem, ma u pir waiaai ku karom diat baa diat welaar ma ra kum naat liklik. Maia, Tamaang, maa u nemi ut lenmaa.

Ioaanes 11:41

Io, diat tul karaai wa ina waat. Iesu i tataada unaanga nate, ma i piri lenbi, “Tamaang, iaau waatung wakaak karom ui, maa u aa walangoro iaau.

2 Korinto 2:14

Iaku iaau waatung wakaak karom God, kabina baa Kaarisito i muga miaat welaar ma ra king baa i uwia, ma i waraaut miaat kupi miaat a wewapua u ra kum taamaan raap ma ra Koina Wewapua un Kaarisito. A Koina Wewapua i welaar ma ra utnaa i aangawian wakwakaak karom diat baa diat walangoroi.

2 Korinto 9:15

Daat a waatung wakaak aakit karom God u ra nuna ngaala na wetabaar baa pa te in pir palaa laar paai.

1 Timoti 1:12

Iaau waatung wakaak karom Kaarisito Iesu anundaat Tadaaru, baa i nurnur un iaau ma i taar taa a dekdek taang, ma i pilak pa iaau kupi ang papaam karomi.

Binabo 1:4

Iaau Ioaanes, iaau timtimu karom muaat a kum tena nurnur un 7 na taamaan irong u ra papaar Aasia. A maarmaari ma ra maalmaal karom muaat kon ia baa i lalaaun namuga, i lalaaun mi ma in lalaaun namur, ma ko ra 7 na nion kaai baa diat turtur namuga naa ra nuna kiki na king,

Binabo 1:8

A Tadaaru God, ia baa i lalaaun namuga, i lalaaun mi ma in lalaaun namur, ia baa i dekdek aakit i piri naa, “Iaau a Aalpaa ma ra Omegaa.”

Binabo 11:15

A we-7 na aangelo i ip anuna in tawuru, io mongoro na ngaala na ingaa ra taara inaanga u ra maawa diat piri lenbi, “A mataanitu u ra rakrakaan buaal ia tapuku kupi a mataanitu ma anu ra nundaat Tadaaru ma anuna Kaarisito. In ki na king takum, pa in raap ma pa in raap.”

Binabo 15:3

Diat kele a kelekele anun Moses, a tultul anun God, ma ra kelekele anu ra Naat na Sip lenbi, “Tadaaru God u dekdek aakit, anum kum pinapaam diat ngaala ma di kakaian aakit un diat. Ui a King anu ra kum wunwuna taara raap, anum kum mangamangaan diat takado ma diat lingtatuna.

Binabo 16:14

Ditul a tula nio ra kum tabaraan ma ditul paampaam a kum utnaa na kakaian ma ditul waan taltalili kup a kum king ko ra rakrakaan buaal raap, kupi ditul a ben ungaai diat kup a wineium u ra ngaala na bung anun God, ia baa i dekdek aakit.

Binabo 16:5

Ma iaau walangoro aangelo baa i baboura a pakaana taai ma ra kum daanim, i piri naa, “God, ui u lalaaun namuga ma u lalaaun mi, a Tena Gomgom ui, u takado u ra kum naagagon na binabaalu mi.

Binabo 16:7

Ma iaau walangoro in ingaan raa taanginaanga u ra luwu na tuntun wetabaar i piri naa, “Maia, Tadaaru God u dekdek aakit, anum kum naagagon diat lingtatuna ma diat takado.”

Binabo 18:8

Bi ia kabina baa a kum kinadik mi, a minaat, a tapunuk ma ra minolo diat a waan paat karomi un raa bung ot ku. Ma din tun wai ma ra nguan maa a Tadaaru God i dekdek aakit, ia baa in taar taa a naagagon na binabaalu karomi.

Binabo 19:11

Iaau babo a maawa ia tapaapa ma iaau babo a kabaang na os i tur namuga taang. Ma ia baa i ki nate uni di waatungi naa “Ia baa i dowot u ra nuna pinapaam” ma “Ia baa i lingtatuna.” Anuna naagagon ma anuna wineium i takado.

Binabo 19:6

Ma iaau walangoro a marurunga baa i welaar ma ra ingaa ra ngaala na kor na taara, a rurunga i ra top na aalataura ma ra pakpagur, i kulkulaai naa, “Aaleluia! Maa anundaat Tadaaru God, ia baa i dekdek aakit i ki na king.