1 Petero 3:11 - Buk Taabu Matakin

¹¹ In tapuku ko ra aakaina ma in paam a koina mangamangaan. In baat kup a aakapi na maalmaal ma in ongor kupi in murmuri.

1 Petero 3:11 ပူးပေါင်းရင်းမြစ်များ

Mataio 5:45

kupi muaat a kum natu ra Tamaamuaat, baa i ki inaanga u ra maawa. Maa i taar taa a mage kupi in kaapa karom a kum aakaina taara ma ra kum koina taara kaai, ma i taar taa a baata karom a kum tena takado ma karom diat kaai baa pa diat takado.

Mataio 5:9

Diat baa diat laana wamaalmaal a taara, diat daan, maa God in waatung diat naa a kum natnatuna.

Mataio 6:13

Koku u ben miaat u ra walwalaam. Un walaaun miaat ko ra Tena Aakaina. Aamen.’

Maarko 14:7

A kum iba na taara diat lalaaun ungaai ut ma muaat. Baa muaat nemi kupi muaat a paam a koina karom diat, muaat a paami ku. Iaku iaau, pang ki takum naa muaat.

Lukaa 1:79

In puaa un diat baa diat ki u ra baboto, ma u ra baboto na minaat, kupi in muga daat u ra aakapi na maalmaal.”

Lukaa 6:35

Iaku muaat a maari anumuaat kum ebaar, ma muaat a paam a koina karom diat. Ma baa a taara diat nemi naa diat a lo kumun ta utnaa kon muaat, io, muaat a taari ku taan diat, ma koku muaat nemi naa diat a baalui. Baa muaat a paami lenmaa, anumuaat wedok in ngaala aakit, ma muaat a kum natun God a Ngaala Aakit, maa i maari diat baa pa diat laana waatung wakaak karomi, ma diat kaai baa a kum tena aakaina.

Lukaa 6:9

Io, Iesu i piri taan diat naa, “Ang tiri muaat: Aawa maa a kum Naagagon i piri naa din paami u ra Bung Saabaat? Din paam a koina baa din paam aakaina, din walaaun te baa din baanaakaka te?”

Ioaanes 17:15

Pa iaau aaring ui kupi un rakaan wa diat ko ra rakrakaan buaal, pate. Iaku iaau aaring ui kupi un baboura baat diat ko ra Tena Aakaina.

A Buk anun Paaulo karom a taara Rom 12:18

Koku muaat pet angaanga a taara, iaku muaat a ki na maalmaal ma diat.

A Buk anun Paaulo karom a taara Rom 14:17

Maa a mataanitu anun God wakir a utnaa na winangaan ma ra ininim. A mataanitu anun God ia a takado na mangamangaan, a maalmaal ma ra gaaia u ra Takado na Nion.

A Buk anun Paaulo karom a taara Rom 14:19

Io, daat a ongor dekdek kup a maalmaal, ma kupi daat a wadekdek a nurnur anundaat wetwetalaai.

A Buk anun Paaulo karom a taara Rom 5:1

Io, u ra nundaat nurnur ut God ia waatung daat naa daat takado namataana. Io mi, kabina u ra nundaat Tadaaru Iesu Kaarisito, daat ki na maalmaal ma God.

A Buk anun Paaulo karom a taara Rom 7:19

Maa a utnaa baa i koina baa iaau nemi naa ang paami, pa iaau paami. Iaku aakaina mangamangaan baa pa iaau nemi naa ang paami, ia maa iaau laana paami.

A Buk anun Paaulo karom a taara Rom 7:21

Io, iaau babo a mangaana lalaaun mi i naagagon iaau: Baa iaau nem na paam a koina, aakaina ku maa i waan paat.

A Buk anun Paaulo karom a taara Rom 8:6

Io, te baa a nuknukina i murmur ku aakaina nemnem i ra panina in maat ku. Iaku, te baa a Takado na Nion i muga a nuknukina, in lalaaun ma in kariaana a maalmaal.

Galaatia 5:22

Iaku, a kum wai ra Takado na Nion bari diat: A maarmaari, a gaaia, a maalmaal, a kini wowowon, a wewaraaut karom te ingen, a takado na mangamangaan, a lingtatuna na pinapaam anun te,

Galaatia 6:10

Io, baa daat pet laar paai kupi daat a paam a koina karom te, i koina kupi daat a paami. Daat a paam a koina muga karom diat a kum tena nurnur, ma namur karom a taara ingen kaai.

Kolose 3:15

I koina baa a maalmaal baa Kaarisito i tabaara muaat mai in muga muaat u ra numuaat lalaaun. Maa muaat a kum pakpakaana ko ra panin Kaarisito, ma God i wataa pa muaat kupi muaat a ki ungaai ma ra maalmaal. I koina baa muaat a laana waatung wakaak karom God.

1 Timoti 6:18

Un wapua diat kupi diat a paam a koina, ma diat a tadaaru ma ra kum koina pinapaam. Diat a wetwetabaar ma diat a waraaut ta taara kaai.

Ebraaio 12:14

Muaat a ongor kupi muaat a ki na maalmaal ma ra taara raap, ma muaat a murmur a gomgom na mangamangaan. Baa a lalaaun anun te pa i gomgom, pa in babo a Tadaaru.

Ebraaio 13:16

Koku muaat dumaanai kupi muaat a paam a kum kokoina pinapaam ma muaat a tabaara a taara. Baa muaat paami lenmaa, i welaar ma ra wetabaar karom God baa i gaaia uni.

Iaakobo 4:17

Ia baa i nunurai naa in paam a koina, iaku maa pa i paami, ia paam wa mangamangaan aakaina.

1 Petero 3:12

Maa a Tadaaru i baboura a kum tena takado, ma i walangoro anundiat kum niaaring. Iaku i taar taa in tamaruna karom diat baa diat paam aakaina.” Kele 34:12-16

3 Ioaanes 1:11

Tepaang, koku u murmur aakaina mangamangaan mi, un murmur ku a koina. Ia baa i paam a koina, ia anun God, ma ia baa i paam aakaina, pa i nunura God.