Mataio 16:20 - A Buk 1896 (Bible Portions)

²⁰ Ma i akanaubat diat a tara na wawera lena, koniku diat a wapua te un i lena a Karisito ia.

Buk Taabu Matakin

²⁰ Ma Iesu i turbaat anuna kum naat na wawer naa koku diat wapua te baa ia Kaarisito.

Mataio 16:20 ပူးပေါင်းရင်းမြစ်များ

Mataio 1:16

Iakob, na tunalik Iosefa, ia ba diara taula ma Maria, ia kuma i buta Iesu, di patapai a yana bulug Karisito.

Mataio 16:16

Ma Simon Petero i wapua i uni lena, A Karisito, na Tu‐ra‐Kalou lalaun ui.

Mataio 17:9

Ba diat wan tatadalua pari kubai tak u ra tagai, Iesu i akanaubat ditul lena, Ba na Tura‐muana pa i turu utbai ko ra mat koniku mutul wapua te u ra lig kuma i pua korom mutul.

Mataio 8:4

Ma Iesu i piri tana, Boboi, Koniku wapua te uni; un wan ku, un weata ui korom a tenapinapet, ma un tari a wetabara ba Moses i piratai, a wakinilagina ia korom diat.

Maarko 8:30

Ma i pirabat diat koniku diat wapua te uni.

Maarko 9:9

Ma ba diat wan tatadalua kubai tak’ u ra tagai, i pirabat ditul koniku ditul wapua ta tara u ra lig diat a bobotai, ditul a pira puanai ku ba na Turu‐ra‐Muana i turu balet ko ra mat.

Ioaanes 1:41

I auaremukapai mun tenalik Simona, ma i piri tana, Miat auarepai a Mesaia (a pipilaina, a Karisito).

Ioaanes 1:45

Filipo i bobopa Natanielu, ma i piri tana, Miat auarepa ia ba Mosese i timu buk un i u ra Wawera, ma diat a kum parofita kai, Iesu a te Nasareta, na tun Iosefa.

Ioaanes 11:27

I urunioat tana, Iu, Tadaru: iau nuru lena, a Karisito ui, na Tun Nara, ia ba in wan pat u na tudu ra maua.