8 আৰা যি মাৰাবা মুশুৱো শৌঙা, উবান চিকামৗন অৗপিন সকোক গৗন্না, অৗম্বুনা, আৰা ৰাসানলৗই লাগেত শুৱানাং সায়মৗন পাংঙা।
আৰা যাৰা উদোনি চিʼতানি কান লালাঙা, উম্রা অৗপিন কান সকোক গৗন নিগিনা, আৰা ৰাসান লৗই লাগেত শুৱা সায়মৗন পাংঙা।
আৰা যা মাৰাবা উদো শৌঙা, উম্রা অৗপিন কান সকোক বাত নিগিনা, আৰা চিকায় অৗম্বুন নিগিনা, আৰা উনি জিখৗমায় তৗম্বুৱায় দাং মাসানা।
“হাসংঙায়ঙি মাৰাব সায় এবা পৗৰবৗসী সায় চাংবা অৗপিন চিʼতানি, এবা খিৰসৗম চংঙা কাকতানি চঙো স্বাহৰৗন উম্রা অৗপিন কান সকোক বাত নিগিনা, চিকায় অৗম্বুন নিগিনা, আৰা ৰাসানলৗই লাগেত শুৱা সায়মৗন পাংঙা; উম্প্রিংসে পিতাৰ সায়ঙা।
ইয়ৗন অনোক পালায় নিগিনি বুসুঞ্চা বিধি সায়ঙা। আৰা যাবা উ কৗৰচৗইঙি চিকা শাত্রাকা, উম্রা অৗপিন কান সকোক বাতনা; আৰা যাবা উ কৗৰচৗইঙি চিকা লৌৱা, উবান ৰাসানলৗই লাগেত শুৱানাং সায়মৗন পাংঙা।
উনি জিখৗমায় তাংগিৰা অৗপিন কান সকোক বাতনা, আৰা অৗম্বুনা, উম্প্রিংসে বাঁদায় দাং মাসনা; তেওবান তাংগিৰা ৰাসানলৗই লাগেত শুৱানাং সায়মৗন পাংঙা।
উম্প্রিং চাংবা পিতাৰ মাৰাবা উ মুশুনি ফুঞ্জি ৰুবুংমৗন, বাঁদানি বৗৰায় উতুংবা পিতাৰ হাদামায় তান্না; উৱো ইস্রায়েল স্বাজংদোনি মণ্ডলীনি গৗমৗন শুৱা ৰৗতনি চিকানি গৗমৗন তান্নি সায়ঙা; উৱৗন পাপনি বলি।