19 যিৰূশালেমায়ঙি মাৰাবদো ব্রাকৌ, “হায় হায়! আং বিগিনা বৗই বিয়া! ইনি কান খৗব কষ্ট মান্তা; তেওবান আং ব্রাকৌ, ইয়ো ইনি ৰোগ আং ইয়ো সৗয়োন নিগিনা।
আং বোম্বা সায়মৗন পাংতানা; আতাঙা নৗঙৗন উৱো বানায়তানা।
উম্প্রিং আং ব্রাকৌ, “ইয়ৗন ইনি ৰোগ; নাত্নে বৗলনাংনি জাগৰা চতংনি বৗসৗৰদো আং শুংশুঙা।”
যি মাৰাবা যাকোবনি বংশায়প্রিং অৗপিন মাহাং গাবাংমৗন তান্তানা, আং উ প্রভুনা সামায়মৗন পাংঙা, আৰা উনা সাম্মা।
নৗং অনোঙা ই ক্রৌ দুন: “সান ফাৰ ইনি মৗকৗৰায়প্রিং চিকা ক্রৗইমৗন পাঙৗন, তাʼতামায়ৗন; আতাঙা ইনি জৗতি গানা মিচাল স্বামিচিক খৗব কান্দাতৌ, আৰা খৗব দুখ গানা তক মাসানায় বৗয়ৌ।
অৗ যিহোৱা ঈশ্বৰ, যুদিওবান নিঙি দোষদোন নিঙি পাতাং সৗক্ষী লাওতা, তেওবান নৗং অৗপিন মুং চৗইমৗন কৗম তৗৰৗয়া; আতাঙা নিঙি সাৰচাং লৗইঙি বৗদৗয়ৌ নিং নিনি আকেষায় পাপ গাসায়ৌ।
ইস্রায়েলনি আশানি হাদাম অৗ যিহোৱা ঈশ্বৰ, যিম্রাদো নৗঙো বাকায়া অনোক বেবাকৗন পুনুক নিগিনা; যিম্রাদো ইনায়প্রিং পিজান সায়নাঙা, অনোঙি মুং হাʼৱায় সুকঙি সায়ঙা, আতাঙা অনোক হেংতোঙি চিকানি সিম্বুক গানা যিহোৱা ঈশ্বৰো বাকায়ৌ।
অৗ ইনি হাপাগ! অৗ ইনি হাপাগ! ইনি শুঙায় ই কষ্ট মান্তা, ইনি অন্তৰায় ইনি হাপাগ দুক দুক সায়তা, আং অৗগচ্রৗপ পাং মাঞ্চা; আতাঙা অৗ ইনি শুং, নৗং কৰংনি হুৰাং আৰা নৰায় লুকঙি হুৰাং নায়তা।
আতাঙা আং সাকসা স্বামানতোঙি মিচিকনি হুৰাং, স্বা ক্রামবা মানতোঙি ম্রানি আৱায়তোঙি হুৰাং নাঔ; “আং সর্ব্বনাশ! আতাঙা মাৰাব গাথাতনি মাৰাবদোনি মাহাঙায় ইনি চৗল্পাক শুং মাঞ্চা সায়ৌ,” ইগিনা ব্রাকৗইমৗন ফেনসা পিলৌ বৗততোঙি, চেকেং সাংতোঙি সিয়োন-স্বামিচিকনি হুৰাং নাঔ।
ইনি জৗতি গানা স্বামিচিকনি কান্দাতনি গৗমৗন আং খৗব কান্দাতৌ, আং হাপাগ সাঔ।
হায় হায়! ইনি দৗখৗমায় চিকা, আৰা ইনি মৗকৗৰ অৗংনিং সিম্বুক গানা সায়ৰৗন, ইনি জৗতি গানা স্বামিচিকনি চিʼতানদোনি গৗমৗন সান-ফাৰ হেপ মানমৗন!
উম্রা ফাৰায় খৗব হেপা; উনি মৗকৗৰ মুচি উনি ফায়তাবায় পাঙা; উনি হাসান মাৰাবদোনি মাজাৰায় উৱো কৗঞ্চৗং লাওঙি সাকসাবা তংচা; উনি বেবাক লৗগৗদো উৱো গশ্লায়ৌ, অনোক উনি মুগ্দৗই সায়ৌ।
ইনি জৗতি গানা স্বামিচিকনি চিʼনি-মানি গৗমৗন, ইনি মৗকৗৰায়প্রিং চিকানি দাণ্ডা বৗততা।
আং যিহোৱা ঈশ্বৰনি ৰাহাওনি ভাৰ পায়ঙা, আং উনি আকেষায় পাপ গাসায়ৌ, বুসুনায় উম্রা ইনি লিলুকঙি পাতাং সায়মৗন ইনি বিচাৰো দুসুনা, উম্রা আঙো গুদুনমৗন চৗথৗংঙায় লাহানা, উম্প্রিং আং উনি পেনেম কৗম নৗকঙা।