16 বেবাক শাস্ত্ৰৱোন ঈশ্বৰনি ফেন তৱা,
ইনি নাংতিয়া যিহোৱা ঈশ্বৰনি আত্মাৱা ক্রৌ ব্রাকৌ, উনি ক্রৌ ইনি তৗলৗয়ায় তৱা;
নৗং শিক্ষা লাওঙি গৗমৗন নিনি হাসানি আত্মা অনোঙায় দান গাসায়তানা, আৰা অনোঙি হতংঙায়ঙি নিনি মান্না নৗং মুদুইংচান, আৰা অনোঙি নৗঙনাওঙি গৗজৗৰনি গৗমৗন অনোঙা চিকা লাওতানা।
আং যাতে নিনি আকেষায় পাপ গাসায়চা, উনান গৗমৗন আং নিনি ক্রৌৱো ইনি মনায় ৰুবুঙৌ।
নিনি ক্রৌ মাহাঙায় জিসিং লাৱা; উৱৗন মচৰক পেনেম বুদ্ধি লাৱা।
বৗন্তৗই মাৰাবা উতুংমৗন অৗপিনি লামো পিতাৰ গাসায়ঙা? নিনি ক্রৌ গানা উবায় শুং মন গৗথৗইঙি দ্বাৰায় গাসায়ঙা।
পেনেম লাম বাকায়ঙি গৗমৗন দুখ লাওঙি শৗস্তি তৱা; যি মাৰাবা দেপ্রেঙি নৗতৗমচা, উম্রা চিʼনা।
যি মাৰাবনি নাচৰা চৗল্পাকনাং দেপ্রেংঙিদো নৗতৗমা, উম্রা গেননাংদোনি মাজাৰায় পাঙা।
আতাংনা হুকুম সায়ৌ বৗতি, আৰা উ নিয়মো চৗথৗং গানা সায়া, আৰা শিক্ষা লাওঙি তৗৰৗং লাওঙো চৗল্পাকনি লাম গানা সায়া।
অৗ যাকোবনি বংশ, ইয়ো উতুং ক্রৌ? যিহোৱা ঈশ্বৰনি আত্মা ধৈর্য্য তংচা নাতুং? ইদো উনি কৗম নাতুং? নন্তম বাবে চলায় মাৰাবা ইনি ক্রৌৱায় উপকাৰ গাসায়চৌ নাতুং?”
উম্রা ক্রৌ নৗতৗমচৌ, তৗৰৗংলাওঙি লাসাচৌ, যিহোৱা ঈশ্বৰনায় গৗথৗইচৌ, আৰা অৗপিনি যিহোৱা ঈশ্বৰনি খৗতৗয়ায় চাপচৌ।
উম্প্রিং উম্রা অনোকো ব্রাকৌ, “উনান গৗমৗন স্বৗর্গৗ ৰাজ্যঙি শিষ্য সায়ঙি বেবাক আইননি তৗৰৗংগিৰৱাৰা ইগিনা সাকসা নৗগৌগিৰ গানা যে অৗপিনি চাসাঙায়প্রিং পিদান আৰা মায়চাম জিনিষদো গুদুনা।”
যীশুৱা অনোকো ব্রাকৌ, “ননোক হেঙান শস্তৰায় পঢ়ায়চান নাতুং? ‘যি লহঙো গাদ্রোঙি মাৰাবদো বাকায়তানা, উৱৗন কনায়ঙি লহং তাংগাম সায়ৌ; ইয়ো প্রভুনায়প্রিং সায়ৌ, ইয়ো নাং নৗকৗইতোঙায় অবাক মান নিগিনি!’
উম্রা অনোকো ব্রাকৌ, “উগুৰৗন দায়ুদৱা বিগিনা আত্মানি দ্বাৰায় উৱো ‘প্রভু’ ব্রাকা? দায়ুদ ব্রাকৌ,
নাত্নে উগুনা তৗৰৗইৰৗন বিগিনা তাকায়মৗন ইগিনা ঘটায় নিগা ব্রাকঙি শস্তৰায় ব্রাকতানি ক্রৌৱো পলায়ঙা?”
নাত্নে শুংসেতগিৰদোনি শস্তৰায় ক্রৌ পলায় গৗমৗন ই বেবাকন সায়ৌ।” উম্প্রিং বেবাক শিষ্যদো উৱো বাকায় তান্তৗইমৗন জৗৰনাঙৌ।
যীশু অনোকো ব্রাকৌ, “ননোক শাস্ত্রইঙি বিষিন আৰা ঈশ্বৰনি বৗল দাসমাঞ্চাৱোন ননোঙি ভূল দংচা নাতুং?
দায়ুদবান পিতাৰ আত্মানি দ্বাৰায় আপৗন ই ক্রৌ ব্রাকতানা: “ ‘প্রভুৱা ইনি প্রভুৱো ব্রাকতানা, “নিনি শুতুৰদো নিনি চাপ্লাগ নাৰায় তানচা লাগেত, ইনি জাগৰা পাতাং আম্বাক।” ’
যি মাৰাবদোনাঙায় ঈশ্বৰনি ক্রৌ সকফৗইতানা, উৱৗন যুদি ঈশ্বৰ ব্রাকতানা (আৰা শাস্তৰায়ঙি ক্রৌৱোতু তালায় মাঞ্চা)।
আতাঙা চাংবা সাৰচা চৗদুগ তৗনৗকাৰৗন, উম্রা চৗথৗঙো কিঞ্চিয়া; আৰা উনি কৗম যাতে দোষী সায়চা, উন গৗমৗন উম্রা চৗথৗং নাঙা ফৗইচা।
“অৗ ভৗইদো, যীশুৱো লৌঙ গৗমৗন লাম তৗনৗং মাৰাব যি যিহুদা, উনি বিষিনায় পিতাৰ আত্মাৱা দায়ুদনি হতঙায় যা ক্রৌ ব্রাকতানা উ শস্তৰায় ক্রৌ পলায়ঙি নিগা।
উম্রা প্রভুনি লাম বিষিনায় তৗৰৗংতানা আৰা আত্মায় জাগায়মৗন, যীশুনি পেনেম ক্রৌ ব্রাকায়মৗন তৗৰৗং লাওতানা; নাত্নে যোহননি বাপ্তিষ্মসৗন দাসামান্তানা।
আতাং পেনেম ক্রৌ কৗৰচৗইমৗন ননোঙা দুনৌ আৰা ৰৗজিদোনায় উম্রা নৗগৌ নৗগৌৱায় তৗৰৗংলাওং গৗমৗন জিখৗম বালায়চান;
আতাঙা আং ননোঙা ঈশ্বৰনি বেবাক ক্রৌৱোন দাসামানতিন গৗমৗন কৗৰমৗন তানৗইচান।
ইগিনান অনোঙি মত মিলৗইচৗইমৗন অনোক বিদায় লানি সায়ৌ; লৗইঙি অৗগচাক পৌলা ই ক্রৌসৗন ব্রাকৌ: “পিতাৰ চৗল্পাকৱা যিশয়া শুংসেতগিৰনি দ্বাৰায় ননোঙি অৗগিনি মাৰাবদোনাঙায় ই ক্রৌ ব্রাকতানা!
আতাঙা অৗগচাকৱায় যা ক্রৌ সুকঙি সায়তানা, নাং সৗইমৗন আৰা তমোং মাসানি আশা মাসান গৗমৗন, নাং তৗৰৗইং গৗমৗনসে উ বেবাকন সুকঙি সায়তানা।
গেন তংচাৱো গেন লাওঙি, স্বাবেকদোনি তৗৰৗংগিৰ ব্রাকৗইমৗন শুংশুংতা,
ইয়ো বেবাং পাতাংতিয়া বৗদৗই! অৗগচাক ইয়ৗন যে ঈশ্বৰনি ক্রৌৱো অনোঙায় গৗথৗই লাওং সায়তানা;
উৱো লেকান সায়ৌ ব্রাকায়মৗন যে খৗলি উনি গৗমৗনসৗন সুকঙি সায়চান, নাঙি গৗমৗনবান সুকঙি সায়ৌ।
নাত্নে বেবাক মাৰাবনা পেনেমন গৗমৗন পিতাৰ আত্মা তৗনৗকমান্নি গুণ লাওঙি সায়ৌ।
আৰা বিশ্বাসায়ৗন আতাং জৗতিদো ধার্মিক ব্রাকৗইমৗন লেকানি সায়ৌ, শাস্ত্রই ইয়ো অৗগচাকৗন নৗকৗইমৗন অব্রাহাম নাঙায় অৗগচাকৗন পেনেম ক্রৌ দুনতানা, যে ৰকম “নিনায় বেবাক জৗতিয়ান বৰ মাসানি সায়ঙা।”
“পুমায়ঙি বিষিনদো নাঙি যিহোৱা ঈশ্বৰনি ৰসং; নাত্নে নাং যেনো ই নিয়মনি বেবাক ক্রৌ গানা কৗম তৗৰৗইয়া ইনান গৗমৗন তৗনৗকতানি বিষিনদো নাঙি আৰা নাঙি স্বাজংদোনি যুগ যুগাং লাগেত ৰসং পাংঙা।
উম্রা নৗনা তৗৰৗং লাওঙি গৗমৗন, স্বৗর্গায়প্রিং নৗনা অৗপিনি হুৰাং নাতিনৌ, আৰা বাসমাতায় অৗপিনি আচাংকা বাৰ গদা নৗনা তৗনৗকৌ; আৰা নৗং বাৰ মাজাৰায়প্রিং উনি ক্রৌ নাঅৗউ।
আৰা নন্তম মনমৗন নিনি আকেষায়ঙি মাৰাবদো চলায় মান্নি সায় নিগা; সায়মানা উবায় ঈশ্বৰ অনোকো শুং তালায়তিনা;
নৗং ই পেনেম ক্রৌৱো প্রচাৰ গাসায়, সমায় তয়তোঙায় আৰা সমায় তংচায় দ্বিপসিং লাওঙি সায়; পুৰা সৗইমৗন পাঙি আৰা দেপ্রেংলাওঙিমৗন লেত, ব্রাক আৰা জাগায়লাও।
বিশ্বাস সায়তানা, আশা গাসায়ঙি বিষিনায় খৗন্তৗক গেন, নৗকচা বিষিনায় পৰমান মান্নি।
উনান গৗমৗন পিতাৰ আত্মা ব্রাকতান গানা, “তিনিংঙৗন যুদি ননোক উনি ক্রৌ নৗতৗমা,
আতাঙা ঈশ্বৰনি ক্রৌৱো চৗল্পাকনাং আৰা কৗম তৗৰৗয়া, আৰা বেবাক পাসাং-পুসুং ফানাং হান্দানি চৗইবা মাতা, চৗল্পাক আৰা আত্মা, গৗংতৗই আৰা চৗৰৗম ই বেবাকন গকৗই ৰাওৱা শুই লাৱা আৰা হাপাগ শুঙায়ঙি চিন্তৗইঙি আৰা শুংশুঙিয়োবান দাসমানা।
