9 সাজা মাসানি সায়বেনেন বাকায় মাসানি সায়চান।
মাহাং দফত মাস্তানি ম্রাদো নৗং ব্রাক, উন্নতি সায় নিগা; আৰা চৗদৗৰায়ঙি ম্রাদো উম্রা পায়চোকঙা।
“ইনি বৗন্তৗই সমায়ায়প্রিঙৗন অনোক আঙো তৗক্রৗইসৗন দুখ লাৱৌ। তেওবেনেন ইনি পিৰায় জিনিঙৗইচান।
অৗ ইনি ঈশ্বৰ, অৗ ইনি ঈশ্বৰ, নৗং আঙো আতাঙা বাকায়ৌ? ইনি মুক্তি আৰা হত্রাকতোঙি ক্রৌৱায়প্রিং আতাঙা পিজানায় তৱা?
আতাঙা প্রভুৱা খৗন্তৗক বিচাৰ পেনেম মানা, আৰা সাধু ম্রাদো বাকায়চা; নাত্নে লঙ্গৰদোনি বংশদো তাʼমানি সায়ঙা।
অৗ ইনি চৗল্পাক, নৗং আতাঙা ৰেবাকতা? ইনি হাপাগশুঙায় আতাঙা তলং-পচং সায়ৌ? ঈশ্বৰনায় আশা গদং; আতাঙা আং আৰা উৱো আয়সানা; উম্রা ইনি হামসা লাওঙি, আৰা ইনি ঈশ্বৰ।
অৗ ইনি চৗল্পাক, নৗং আতাঙা ৰেবাকতা? ইনি হাপাগ শুঙায় আতাঙা তলং-পচং সায়তা? ঈশ্বৰনায় আশা গদং; আৰা লাবসা আং উৱো প্রশংসা গাসায়ঙা, উম্রা ইনি মুক্তি লাওঙি।
যি মাৰাবদো নিনি মুং দাসমানা, অনোক নিনায় বিশ্বাস দাপাংঙা; আতাঙা অৗ প্রভু নৗং নৗঙো লামতোঙি ম্রাদো নৗং বাকায়চান।
আতাংনা ধার্মিক মাৰাবা সিন বাৰ ক্রৗই বেনেনবান আবাৰ চাপা, নাত্নে দুষ্টদো বিপদৱায় ক্রৗইৰৗন নষ্ট সায়া।
নৗং চিকানি মাজাৰতিয়া লৗইৰৗন আং নৗংমৗন পাংঙা, আৰা নৗং চিকাঝোৰদোনি মাজাৰতিয়া লৗইৰৗনবান উদো নৗঙো দৗগ্রৗমচানা; আৰা বাৰনি মাজাৰতিয়া লৗইৰৗন নৗং হামচানা, উনি বাৰ তৗলৗইমৗন হামচানা।
নৗঙো আৰা বাকায় মাস্তানি ব্রাং সায়চানা, এবা নিনি হাসঙো বাকায়তানি হাসং ব্রাকৗইমৗন আৰা ব্রাং সায়চানা; নাত্নে নৗং হেফসীবা (উনায় আং সন্তুষ্ট) ব্রাকৗইমৗন মুংদাংকা সায়ঙা, আৰা নিনি হাসং বিয়ৌ সায়তানি, ব্রাকৗইমৗন মুং দাংকা সায়ঙা; আতাঙা প্রভুৱা নিনায় সন্তুষ্ট সায়ৌ, আৰা নিনি হাসং বিয়ৌ সায়তানি সায়ঙা।
অৗ ইনি মুগ্দৗই, ইনি পিৰায় খুসী তাʼগাসায়; যুদিবান আং কৗৰৗইয়া, তেওবান আং আৰা চাপমা, আৰা যুদিবান আং আন্ধাৰায় আম্বাকতা, তেওবান ইনি পাতাং যিহোৱা ঈশ্বৰা ইনি চৗথৗং সায়ঙা।
আতাংনা, যদিও ডিমিৰফাং পাৰচা, এবা আঙুৰ ফাঙায় থৗই থৗইচা, যদিও জলপায় ফাঙায় থৗই লাওং গংচা, আৰা পাথাৰদায় হাʼ আবাদ সায়চানা, নʼৰায়প্রিং পুৰুনভেৰ তামান সায়ঙা, আৰা গুলায় মুশুনি পাল সায়চানা,
আং ননোঙা যিয়ো দুনতানা, ইনি উ ক্রৌৱো শুংশুং, চৗকিৰা অৗপিনি গিৰান চৗইবা চুংচা; মাৰাবদো যুদি আঙো সাজা লাওৱৌ, উগুৰৗন ননোকোবান সাজা লাওঙা; অনোক যুদি ইনি ক্রৌ নৗতৗমমৗন, উগুৰৗন ননোঙি ক্রৌবান নৗতৗমমৗন।
খ্রীষ্টনি হাসানিয়ায়প্রিং চাং নাঙো কদেং মান্না? দুঃখ মাসানি, এবা বিপদ, এবা শৗস্তি, এবা আকাল, এবা মলং, এবা চৗল্পাং গৗমৗন খিৰ নিগিনি, এবা হান্দা, ইদো মান কনায়?
নাত্নে নন্তমৱাৰো কৗঞ্চৗকতিন্নি ঈশ্বৰা তীতৱা বালফানি দ্বাৰায় নিঙো কৗঞ্চৗকতিনৌ।
খৗন্তৗকৗন খ্রীষ্ট যীশুনায় আয়সানমৗন চলায়ঙি মাৰাবদো, তাড়না মাসানা।
ননোঙি চলন চৗদুগ ধননি পাতাং লোভ তাʼসায়ৗন; ননোঙায় যিয়ো তৱা, উবায়ৗন খুসী মানায়মৗন পাং; আতাঙা উৱৗন ব্রাকতানা, “আং নৗঙো হেঙান বাকায়চানা, আৰা হেঙানান গজকচানা।”
