8 বুসুনায় ব্রাকা, ননোক বেবাকৗন শুং গসৗন মাৰাব সায়মৗন মৗমৗঙি দুঃখৱায় দুঃখ মান্নি, ভৗইয়ো হাসানি দয়া গাসায়ঙি আৰা নন্তম সায়।
আৱা অৗপিনি স্বাৱো যেগেনান হাসা, প্রভুৱা নগমনা খিৰনি ম্রাদো উগুনান হাসা;
চাংবান সুত আৰা দাপাংঙি লায়মৗন অৗপিন ধন সম্পতি বানায়ৰৗন, হৌৰিয়াদোনা হাসায়মৗন লাওঙি মাৰাবদোনি গৗমৗনসে উৱো ৰুবুংঙি সায়া।
ব্রাকৌ, “সিপায়দোনি যিহোৱা ঈশ্বৰা ই ক্রৌ ব্রাকতা, ননোক খৗন্তৗক বিচাৰ গাসায়, আৰা বেবাকৗন অৗপিন আপানি ভৗইদোমৗন দয়া আৰা হাসানি চৗদুগ তৗনৗক;
উগুৰৗন আং যেগেনান নৗঙো দয়া গাসায়ৌ, নৗংবান উগুনান নিনি চৗকিৰ লৗগৗৱো দয়া গাসায় নিগচা নাতুং?’
নাত্নে সাকসা শমৰীয়া মাৰাব উ লামতিয়া লৗইতোঙায় উ হাদামায় সকায়ৌ, আৰা উৱো নৗকৗইমৗন হাপাগ সাঔ।
বৗংছি দিনায়ঙি পৰব সকফৗইমৗন, অনোক বেবাকৗন গসা হাদামায় তয়তানা।
সানসা চিনিং নিং সীদোনায় গাচাপৗয়ৌ; আৰা জুলিয়ৱা পৌলনি পাতাং দয়া সায়মৗন উৱো লৗগৗ-বায়দোনাঙা লৗইমৗন শুং কৗঞ্চৗকতিন গৗমৗন হুকুম লাৱৌ।
উ হাদামায় উ চিকা হৗতৗংঙায় পুব্লিয় মুঙায়ঙি তাংগাম মাৰাবনি তৗক্রৗই হাʼ তৱা; উম্রা নিঙো পেনেমসা লালাংমৗন সানথাম লাগেত জুখু পুজৗইতানা।
বিশ্বাস গাসায়তানি মাৰাবদো শুং-মন গসৗন সায়মৗন তৱৌ। অনোক সাকসানান অৗপিনি সম্পতিয়ো অৗপিনি ব্রাকচৌ, নাত্নে বেবাকৗন গসৗন তাকৌ।
ভৗই ভৗই হাসাজিন্নিয়ায় নৗঙো আঙো আদৰ গাসায়; সন্মান লাওঙিয়ায় নৗঙো আঙো গুচুংজিন।
যাতে ননোক মন গসৗন শুং গসৗন নাঙি প্রভু যীশু খ্রীষ্টনি আৱা ঈশ্বৰো দুৰুকৗইমৗন পাঙা,
অৗ ভৗইদো, নাঙি প্রভু যীশু খ্রীষ্টনি মুঙায় ননোকো আয়সাউ, যাতে ননোক বেবাকৗন গসৗন ক্রৌ ব্রাকা, আৰা ননোঙি মাজাৰায় কদেকজিন্নি তাʼসায়ৗন, নাত্নে অৗগ্রৗম সায়মৗন গসৗন শুং আৰা গসৗন বিচাৰ গাসায়।
উম্প্রিং গসা কান ডালায়া দুখ মানৰৗন, উমৗন অৗগ্রৗম বেবাক কান ডালায়োন দুখ মানা।
বেবাক নন্তম, আৰা কৗঞ্চৗকঙিমৗন, তৗক্রৗই সৗইঙিমৗন চলায়; হাসানায় নৗঙো আঙো ক্ষমা লাওজিন,
বেবাক সাৰচা ক্রৌ, ৰাগ সায়ঙি, শৗস্তি লাওঙি, নিন্দৗইঙি, ই বেবাক হিংসা তৗৰৗই নাপমি ননোঙায়প্রিং পিজান সায়ৗন;
আৰা ননোক নৗঙো আঙো পেনেম তাকঙি আৰা নন্তম হাপাগ শুঙায়ঙি মাৰাব সায়মৗন, ঈশ্বৰা যেগেনা খ্রীষ্টনায় ক্ষমা লাৱৌ, উগুনান ননোকবান নৗঙো আঙো ক্ষমা লাও।
ননোক আকেষায় এবা ইতিন তাʼদুৰুক; নাত্নে নন্তম মনায় বেবাকৗন অৗপিনি চৗইবা আতাঙো পেনেম ব্রাকৗইমৗন মানায়;
উন গৗমৗন ফৗই, নাং যি লামায় সকফৗয়ৌ, উ গসৗন লামায়ৗন চলায়নাংঙা।
উনান গৗমৗন ননোক, ঈশ্বৰ বাসায়তানি মাৰাবদোনি, পিতাৰ হাসানি মাৰাবদোনি, মাগাপমি গানা দয়ানাং হাসানি, কৗঞ্চৗকঙি শুং নন্তম, মচৰক আৰা সৗইমৗন পাঙি, ইদো বেবাকন কান;
ভৗই ভৗই হাসাজিন্নিয়ায় পাং।
আতাঙা যি মাৰাব দয়া গাসায়চৌ, বিচাৰায় উৱোবান দয়া গাসায় সায়চানা; দয়ান বিচাৰ জিনিংমৗন দুৰুকা।
নাত্নে পিৰায়প্রিং ফৗইঙি গেন, উৱো পৰথমায় পিতাৰ, জিখৗমায় শান্তি লাওঙি, মচৰক চৗদুগ, নন্তম চৗদুগ, দয়া ইগিনা পেনেম থৗইমৗন ফুঙা, সন্দেহ তংচা আৰা বাসায়চা।
চৗই, যি মাৰাবা সৗয়ৌ, অনোকো নিং সাবাস ব্রাকা। ইয়োবনি সৗইঙি বিষিনায় ননোক নাঔ, আৰা প্রভুনি কৗমনি থৗই নৗকৌ যে, প্রভুৱা খৗব হাসা আৰা দয়ানাং।
ননোক খৗন্তৗকনি হুকুম মানায়মৗন চালাক তংচা ভৗই হাসানি গৗমৗন অৗপিন আপানি চৗল্পাকৱো পিতাৰ গাসায়ৌ ব্রাকৗইমৗন হাপাগ শুংমৗন নৗঙো আঙো মন লাওমৗন হাসা;
বেবাকন সমান চৗই, ভৗই বেবাকন হাসা, ঈশ্বৰনা খিৰ, ৰাজানা মান লাও।
উনান গৗমৗন অৗ বৗন্তৗইদো, ননোক তাংগামদো মানায়, আৰা ননোক বেবাকৗন নিনি ইনি পেনেম সায়ঙি গৗমৗন নন্তমমৗন সৗঙায় গামচা হা; আতাঙা ঈশ্বৰা অহং মাৰাবদো দাৱালা, নাত্নে নন্তম মাৰাবদোনা বৗদৗল দান লাৱা।
আতাঙা ইদো ননোঙায় তৱাৰৗন, আৰা জৗব্লৗপৗইমৗন পাংৰৗন,
নিং ভৗইদো হাসান গৗমৗন, চিʼনায়প্রিং চৗল্পাকৱাঙা পাতৌ, ইয়ো দাসমানা। চাংবা হাসচাৰৗন, উম্রা চিʼনায়ৗন পাংতা।