Matej 7:6 - I Biblija ki Arli romani čhib

⁶ Ma den e đuklenđe okova soi sveto hem ma frden tumare biserja anglo bale. Adalese so o bale ka gazinen len, a o đukle ka irinen pe hem ka pharaven tumen ko kotora.”

Biblija pe romani čhib

⁶ Na den e džućhelenđe okova so si sveto thaj na čhuden e biserja angle bale, te na uštaven len e pungrenca thaj askal bolden pe protiv tumende thaj te rastrgnon tumen.”

E Devleso Lafi ko Gurbetsko dijalekt

⁶ Ma den o svetipe e džuklenđe, golese so e džukle irindoj ka pharaven tumen ke kotora! Thaj ma čhuden e bisera angle bale, te ma uštaven len.”

Matej 7:6 ပူးပေါင်းရင်းမြစ်များ

Matej 15:26

O Isus phenđa laće: “Nane šukar te lel pe o maro e čhavorendar hem te frdel pe e đuklorenđe.”

Matej 24:10

Tegani but džene ka otperen oti vera, jekh avere ka izdajinen hem ka mrzinen.

Matej 7:5

Dujemujengereja, najangle ikal i greda te jakhatar, i tegani šukar ka dikhe te ikale i trunka te phralesere jakhatar.

Filipljanenđe 3:2

Arakhen tumen okole đuklendar, okolendar kola ćerena bišukar buća, e kasapendar kola rodena o obreziba e telosoro.

2. Petar 2:22

Olenđe ulo okova so phenela o čačikano vaćeriba: “O đuklo irini pe ko plo čhadipe” hem “o thovdo balo džala palem te meljari pe ani čik.”

Otkrivenje 22:15

Avri ačhovena o đukle, o vračarija, o bludnici, o ubice, o idolopoklonici hem sare kola mangena o hovajba hem kola hovavena.