Matej 6:5 - I Biblija ki Arli romani čhib

⁵ “Hem kad molinena tumen, ma oven sar e dujemujengere kola volinena te molinen pe ano sinagoge hem ko raskrsnice sar te dikhen len o manuša. Čače vaćerava tumenđe, aver nagrada sem adaja naka dobinen.

Biblija pe romani čhib

⁵ O Isus phendas: “kana molin tumen na aven sago e licemerja, save volin te molin pe pe sinagoge thaj pe glavne sokača, te e manuša dićhen len. Čačes phenav tumenđe kaj već primisardine piri nagrada thaj osim godoja aver či primina.

E Devleso Lafi ko Gurbetsko dijalekt

⁵ O Isus vadži vaćarda: “Thaj kana molin tumen, ma te aven sar kola dujemujenđe, save but manđen ke sinagoge thaj ke anglune droma ačhen thaj molin pe te dičhen len e manuša. Čače vaćarav tumenđe, aver nagrada ni ka dobin sem goja tare manuša.

Matej 6:5 ပူးပေါင်းရင်းမြစ်များ

Matej 21:22

Hem sa so rodena ani molitva, ka priminen te verujinđen.”

Matej 23:13

Jao tumenđe, učiteljalen e Zakonestar hem farisejalen, dujemujengere manušalen! Adalese so phandena anglo manuša o udar e nebosere carstvostar. Korkore na đerdinena ano leste, a na mukena te đerdinen ni okola kola mangena te đerdinen.

Matej 23:5

Sa so ćerena, ćerena sar te dikhen len o manuša. Sar kad širinena pumare kutijice e lafencar taro Sveto lil ko čekat ili ko vasta hem ćerena o dorikha save visinena lenđe oto šeja te oven po bare.

Matej 23:6

Volinena te bešen ko najšukar thana ko gozbe hem ko anglune thana ano sinagoge.

Matej 6:1

O Isus phenđa: “Pazinen! Ma ćeren šukaripe anglo manuša, sar te dikhen tumen aver džene, adalese so, te ćerđen ađahar, tumaro Dad kovai ano nebo naka del tumen nagrada.

Matej 6:16

“Kad postinena, ma čeden tumare phova sar e dujemujengere, adalese so on ćerena muja sar te oven dikhle averendar da postinena. Čače vaćerava tumenđe, aver nagrada sem adaja naka dobinen.

Matej 6:2

Adalese, kad deja e čororenđe, ma mothov adava javno. Ađahar ćerena e dujemujengere ano sinagoge hem ko droma sar te hvalinen len o manuša. Čače vaćerava tumenđe, aver nagrada sem adaja naka dobinen.

Matej 9:38

Adalese, molinen e gospodare oti žetva te bičhali e bućarnen ki žetva pli.”

Marko 11:25

Hem kad terđovena te molinen tumen, oprostinen te isi tumen nešto protiv nekaste, te šaj hem tumaro Dad, kovai ano nebo, te oprostini tumare grehija.”

Marko 12:38

I sar sikaj len ine, o Isus phenđa: “Arakhen tumen e učiteljendar e Zakonestar! On volinena te phiren urjavde ano skupa fostanja, hem te pozdravinen len o manuša ko trgija.

Лука 11:43

Jao tumenđe e farisejenđe so volinena te bešen ko anglune thana ano sinagoge hem so volinena kad o manuša, pherde poštujiba premala tumende, pozdravinena tumen ko trgija.

Лука 18:1

Tegani o Isus vaćerđa ple učenikonenđe priča da uvek valjani te molinen pe hem te na odustajinen.

Лука 18:13

A o cariniko, terdindoj odural, na manglja ni te dikhel nakoro nebo, nego khuvela pe ine ko gruđa oti tuga hem vaćeri: ‘Devla, smilujin tut maje, e grešnikose!’

Лука 20:47

Hana o imanje e udovicengoro hem ćerena pe dai pobožna ađahar so molinena bare molitve. On ka oven po zorale kaznime nego avera manuša.”

Лука 6:24

Ali jao tumenđe e barvalenđe, adalese so već leljen tumari uteha!

Jovano 16:24

Đi akana ništa na rodinđen ano mlo anav. Roden hem ka dobinen – te šaj tumari radost ovel pherdi.”

Efežanenđe 6:18

Uvek hem ani đijekh prilika roden hem molinen tumen ano Duho. Hem adalese oven džangavde hem istrajna ano moliba zako sa e Devlesere manuša.

Jakovesko 4:6

Ali ov amenđe mothoj po bari milost. Adalese o Sveto lil vaćeri: “O Devel protivini pe e barikanenđe, a e poniznonenđe mothoj milost.”