Matej 6:3 - I Biblija ki Arli romani čhib

³ Nego, kad deja e čororenđe, te na džanel to levo vas so ćerela to desno.

Biblija pe romani čhib

³ A tu kana des e čorenđe, neka či džanel ćiro levo vas so ćerel ćiro desno vas.

E Devleso Lafi ko Gurbetsko dijalekt

³ Thaj kana de e čororenđe, te ni džanol ćo levo va so ćerol o desno.

Matej 6:3 ပူးပေါင်းရင်းမြစ်များ

Matej 12:19

Naka ćerel kavga ni ka vičini, naka šunđol lesoro glaso ko droma.

Matej 6:2

Adalese, kad deja e čororenđe, ma mothov adava javno. Ađahar ćerena e dujemujengere ano sinagoge hem ko droma sar te hvalinen len o manuša. Čače vaćerava tumenđe, aver nagrada sem adaja naka dobinen.

Matej 6:4

De e čororenđe garavindoj, a to Dad, kova dikhela soi ćerdo ano garavdipe, ka nagradini tut.”

Matej 8:4

Tegani o Isus phenđa lese: “Ma vaćer nikase akalestar, nego dža mothov tut e sveštenikose hem de žrtva, sar so naredinđa o Mojsije, zako svedočanstvo olenđe.”

Matej 9:30

I on lelje te dikhen. Tegani o Isus zorale upozorinđa len vaćerindoj: “Nikase ma vaćeren akalestar.”

Marko 1:44

“Dikh nikase te na vaćere akalestar, nego dža mothov tut e sveštenikose hem de žrtva zako to očistiba, sar so naredinđa o Mojsije, zako svedočanstvo olenđe.”

Jovano 7:4

Adalese so, nijekh kova mangela te ovel pendžarutno, na garaj pe. Kad već ćereja esavke čudesija, mothov tut e svetose.”