Matej 5:7 - I Biblija ki Arli romani čhib

⁷ Bahtalei o milosrdna, adalese so o Devel ka mothoj lenđe milosrđe!

Biblija pe romani čhib

⁷ Blago okolenđe save si milosrdne, kaj o Del smiluilape lenđe!

E Devleso Lafi ko Gurbetsko dijalekt

⁷ Blagoslovime si e milostiva, golese kaj o Dol ka smiluilpe pe lende.

Matej 5:7 ပူးပေါင်းရင်းမြစ်များ

Marko 11:25

Hem kad terđovena te molinen tumen, oprostinen te isi tumen nešto protiv nekaste, te šaj hem tumaro Dad, kovai ano nebo, te oprostini tumare grehija.”

Лука 6:35

Nego, mangen tumare neprijateljen, ćeren lenđe šukaripe hem den len ko zajam bizo nisavo adžićeriba te irini pe tumenđe adava! I o Devel ka del tumen bari nagrada. I ka oven čhave e Najbaresere, adalese soi ov šukar hem premalo nezahvalna hem premalo bišukar.

Rimljanenđe 11:30

Sar so tumen nekad injenle neposlušna e Devlese, a akana zbog olengiri neposlušnost priminđen milosrđe e Devlestar,

Efežanenđe 4:32

Oven šukar hem milosrdna jekh premalo avereste hem oprostinen jekh averese sar so o Devel ano Hrist oprostinđa tumenđe.

Kološanenđe 3:12

Adalese so injen e Devlesere izabirime manuša, sveta hem mangle, urjen tumen ano milosrđe, ani ljubaznost, ani poniznost, ani krotkost hem ani strpljivost.

1. Timotej 1:13

iako angleder injumle hulitelji, progonitelji hem nasilniko. Ali ov smilujinđa pe maje, adalese so adava ćerđum ano bidžandipe, sar neverniko.

1. Timotej 1:16

Ali, adalese mothovđa pe milost maje, e najbare grešnikose, te šaj upra mande o Hrist Isus mothoj pli bari strpljivost, sar primer okolenđe kola ka verujinen ano leste te priminen o večno dživdipe.

Jakovesko 2:13

Adalese so, o sudo naka ovel milosrdno okolese kova hem korkoro na inele milosrdno. A o milosrđe nadvladini e sudo.

Jakovesko 3:17

A i mudrost savi avela taro nebo, najanglei čisto, onda miroljubivo, nežno hem pokorno, pherdi milosrđe hem šukar plodija, na ćerela razlika maškaro manuša hem nane dujemujengiri.

1. Petar 2:10

Angleder na injenle narodo, a akana injen e Devlesoro narodo. Angleder na priminđen e Devlesiri milost, a akana priminđen la.