Matej 5:47 - I Biblija ki Arli romani čhib

⁴⁷ Te pozdravinena samo tumare manušen, so ćerena po šukar averendar? Adava ćerena hem okola kola na džanen e Devlese.

Biblija pe romani čhib

⁴⁷ Ako pozdravin samo tumare phralen, zar ćeren vareso naročito? Zar či ćeren godova vi okola kaj či pinđaren e Devle.

E Devleso Lafi ko Gurbetsko dijalekt

⁴⁷ Thaj ako pozdravin samo tumare phralen, so ćere po šukar averendar? Ni li ćeren gova e manuša save ni pačan e Devle?

Matej 5:47 ပူးပေါင်းရင်းမြစ်များ

Matej 10:12

So đerdinena ko adava čher, vaćeren: ‘Mir akale čhereste’.

Matej 5:20

Adalese vaćerava tumenđe, na ovela li tumari pravednost po bari oti pravednost e učiteljengiri e Zakonestar hem e farisejengiri, nisar naka šaj te đerdinen ano carstvo e nebosoro!”

Matej 5:46

Adalese so, te mangena samo okolen kola tumen mangena, savi nagrada šaj te adžićeren? Na li ađahar ćerena hem o carinici?

Matej 5:48

Adalese tumen oven savršena sar soi savršeno tumaro Dad kovai ano nebo.”

Лука 6:32

Te mangena samo okolen kola tumen mangena, savi pohvala šaj te dobinen? Adalese so hem o grešnici mangena okolen kola olen mangena.

Kološanenđe 4:14

Pozdravini tumen hem o manglo doktori o Luka hem o Dimas.

Kološanenđe 4:15

Pozdravinen e phraljen ani Laodikeja hem e Nimfana hem i khanđiri olaće ano čher.

1. Petar 2:20

Adalese so, so isi pohvalno ano adava te kazninena tumen zako tumare grehija, a tumen adava strpljivo trpinena? Ali, te trpinena ćerindoj šukar, hem injen istrajna ano adava, adavai pohvalno anglo Devel.