Matej 4:12 - I Biblija ki Arli romani čhib

¹² A kad o Isus šunđa so e Jovane e Krstitelje phandle, irinđa pe ki Galileja.

Biblija pe romani čhib

¹² Kana o Isus ašundas kaj phangline e Jovano savo bolelas, bolda pe ande galilejsko regija.

E Devleso Lafi ko Gurbetsko dijalekt

¹² Kana šunda o Isus kaj si o Jovane o Krstitelj ano phanglipe, đelo ani Galileja.

Matej 4:12 ပူးပေါင်းရင်းမြစ်များ

Matej 11:2

A kad o Jovan o Krstitelj ano phandlipe šunđa adalestar so o Hrist ćerela, bičhalđa ple učenikonen

Matej 14:3

A o Irod phenđa adava adalese so angleder dolinđa e Jovane, phandlja le hem frdinđa le ano phandlipe, adalese so o Jovan phenela lese ine da na tromal te lel romnjaće e Irodijada, ple phralesere e Filipesere romnja.

Marko 1:14

Palo adava so o Jovan inele čhivdo ano phandlipe, o Isus dželo ki Galileja hem propovedinđa o Šukar lafi e Devlesoro.

Marko 6:17

Adalese so, korkoro o Irod angleder bičhalđa te dolen e Jovane hem te frden le ano phandlipe, adalese so o Jovan phenela lese ine da na tromal te lel romnjaće e Irodijada, ple phralesere e Filipesere romnja, sava već lelja romnjaće.

Лука 23:5

Ali on na ačhavde te vičinen: “Ple sikavibnaja vazdela pobuna maškaro manuša ki sa i phuv e Jevrejengiri. Lelja te ćerel adava ani regija Galileja hem alo čak đi akate ani diz Jerusalim!”

Лука 3:20

Tegani o Irod ćerđa aver bišukaripe: čhivđa e Jovane ko phandlipe.

Лука 4:14

I o Isus irinđa pe ki regija Galileja ano zoralipe e Duhosoro, i šundilo o glaso olestar ko sa o krajo.

Лука 4:31

I o Isus huljilo ani e galilejakiri diz Kafarnaum, i sikavđa e manušen ko savato.

Jovano 1:43

Tejsa dive o Isus odlučinđa te džal ki regija Galileja, i arakhlja e Filipe hem phenđa lese: “Phir pala mande!”

Jovano 2:11

Ađahar o Isus plo prvo čudesno znako ćerđa ani Kana e Galilejakiri, hem mothovđa pli slava, i lesere učenici verujinde ano leste.

Jovano 3:24

Adava inele angleder so e Jovane frdinde ano phandlipe.

Jovano 4:43

Palo adala duj dive, o Isus dželo adathar ki Galileja.

Jovano 4:54

Adava inele dujto čudesno znako savo o Isus ćerđa ani Galileja. Ćerđa le kad alo tari Judeja.