Matej 16:16 - I Biblija ki Arli romani čhib

¹⁶ O Simon o Petar phenđa: “Tu injan o Hrist, o Čhavo e dživde Devlesoro!”

Biblija pe romani čhib

¹⁶ A o Simon Petar phendas: “Tu san Hristos, Čhavo e džude Devlesko!”

E Devleso Lafi ko Gurbetsko dijalekt

¹⁶ A o Simon o Petar vaćarda lese: “Tu san o Hrist, Čhavo e džuvde Devleso!”

Matej 16:16 ပူးပေါင်းရင်းမြစ်များ

Matej 1:16

E Jakovese bijandilo o Josif, o rom e Marijakoro koja bijanđa e Isuse vičime Hrist.

Matej 14:33

A o učenici ano čamco pele ko kočija anglo Isus hem phende: “Tu čače injan o Čhavo e Devlesoro!”

Matej 16:15

Tegani o Isus pučlja len: “A so tumen phenena, ko injum me?”

Matej 26:63

A o Isus trainđa. I o prvosvešteniko phenđa lese: “Hava tut sovli upro dživdo Devel, phen amenđe tu li injan o Hrist, o Čhavo e Devlesoro?”

Matej 27:54

A kad e rimesoro kapetani hem okola kola oleja arakhena ine e Isuse dikhle o zemljotres hem sa so ulo, but darandile hem phende: “Čače akava manuš inele e Devlesoro Čhavo!”

Matej 4:3

Tegani alo koro leste o beng kova kušini hem phenđa lese: “Te injan o Čhavo e Devlesoro, vaćer akale barenđe te oven maro.”

Marko 14:61

A o Isus trainđa hem ništa na vaćerđa. Tegani o prvosvešteniko pučlja le: “Tu li injan o Hrist, o Čhavo e Blagoslovime Devlesoro?”

Лука 2:11

Avdive, ani e Davidesiri diz bijandilo tumenđe o Spasitelj kovai o Hrist o Gospod.

Jovano 1:49

Tegani o Natanail phenđa lese: “Rabi, tu injan o Čhavo e Devlesoro! Tu injan o Caro e Izraelesoro!”

Jovano 11:27

A oj phenđa lese: “Oja, Gospode! Verujinava da tu injan o Hrist, o Čhavo e Devlesoro, kova valjanđa te avel ko sveto.”

Jovano 20:31

Ali akavai pisime te verujinen dai o Isus o Hrist, o Čhavo e Devlesoro, hem te šaj, verujindoj, ovel tumen dživdipe ano lesoro anav.

Jovano 6:57

Sar so man bičhalđa o dživdo Dad, hem me živinava zbog o Dad, ađahar hem okova kova hala man ka živini zbog mande.

Jovano 6:68

A o Simon o Petar phenđa lese: “Gospode, kaste te dža? Te lafija dena večno dživdipe,

Jovano 6:69

hem amen poverujinđam hem džanaja da tu injan o Sveco e Devlesoro.”

Delja 14:15

“Manušalen, so ćerena adava? Hem amen samo injam manuša sar tumen. Amen propovedinaja tumenđe o Šukar lafi, te ciden tumen taro akala beskorisna stvarija hem te irinen tumen e dživde Devlese, kova ćerđa o nebo hem i phuv, o more hem sa soi ano lende.

Delja 8:36

I sar džana ine dromeja ađahar, resle đi ko nesavo pani, i o evnuho phenđa: “Ače pani! So šaj te ačhaj man adalestar te ovav krstime?”

Delja 8:37

Delja 9:20

hem odmah lelja ko sinagoge te propovedini dai o Isus o Čhavo e Devlesoro.

Rimljanenđe 1:4

a palo Duho kova posvetini hem uštibnaja taro mule inele mothovdo sar Čhavo e Devlesoro ano sa o zoralipe. Ovi o Isus Hrist, amaro Gospod.

1. Timotej 3:15

sar te šaj, te zadržinđum man, džane sar valjani te ponašini pe o manuš e Devlese ano čher, savoi i khanđiri e dživde Devlesiri, stubo hem temelji e čačipnasoro.

1. Timotej 4:10

Zako adava trudinaja amen hem maraja amen, adalese so amari nada čhivđam ano dživdo Devel, kovai Spasitelji sa e manušengoro, najangle okolengoro kola verujinena.

1. Jovan 4:15

Ko priznajini dai o Isus o Čhavo e Devlesoro, o Devel živini ano leste hem ov ano Devel.

1. Jovan 5:20

A džanaja da o Čhavo e Devlesoro alo hem dinđa amen godi te pendžara e čačikane Devle. A amen injam ano čačikano Devel, ano lesoro Čhavo o Isus Hrist. Ovi o čačikano Devel hem o večno dživdipe.

1. Jovan 5:5

Koi pobedniko upreder o sveto te nane okova kova verujini dai o Isus o Čhavo e Devlesoro?

Otkrivenje 7:2

Tegani dikhljum avere anđeo sar avela taro istok. Peja legarđa o pečati e dživde Devlesoro. Ov zorale glasoja vičinđa okole štare anđelenđe kolenđe inele dindi vlast te anen šteta e phuvjaće hem e morese: