Matej 11:20 - I Biblija ki Arli romani čhib

²⁰ Tegani o Isus lelja te ukorini e manušen taro dizja ano save ule but lesere čudesija so na pokajinde pe.

Biblija pe romani čhib

²⁰ Askal o Isus lijas te ukoril e manušen andar e gava ande save sas majbut lešće čudurja kaj či pokajisajle.

E Devleso Lafi ko Gurbetsko dijalekt

²⁰ Tegani lija o Isus te koril e manušen ane forura ane save ćerda embare čudura, golese so von ni pokaisajle:

Matej 11:20 ပူးပေါင်းရင်းမြစ်များ

Matej 12:41

Ko dive oto baro sudo, o manuša kola živinde ani purani diz Niniva ka ušten protiv akaja generacija hem ka osudinen la, adalese so on pokajinde pe kad o Jona propovedinđa, a akatei tumencar neko po baro e Jonastar, a tumen pana na pokajinđen tumen!

Marko 16:14

Palo adava, o Isus mothovđa pe anglo dešujekh učenici sar hana ine maro zajedno. I ukorinđa len so na inolen vera hem soi lengere vile steđime, adalese so na verujinde okolenđe kola dikhle le palo lesoro uštiba taro mule.

Marko 9:19

A o Isus phenđa lenđe: “O, biverakiri generacijo! Pana kobor valjani te ovav tumencar? Pana kobor valjani te trpinav tumen? Anen adale čhavore kora mande!”

Delja 17:20

Šunaja so vaćereja nesave stvarija savei čudna amenđe, i mangaja te džana so šaj te ovel adava.”

Jakovesko 1:5

Te nekase falini mudrost, nek rodel la e Devlestar kova sarijenđe dela phravde vileja hem nikas na ukorini, hem ka del pe lese.

Otkrivenje 16:11

hem te den armanja e nebosere Devle zbog pumare dukha hem o čirevija, ali na pokajinde pe zako pumare delja.

Otkrivenje 16:9

O manuša thabile oto baro tatipe hem dinde armanja e Devle kas isi vlast upreder akala nevolje. A palem, na pokajinde pe hem na dinde lese slava.

Otkrivenje 2:21

Dinđum la vreme te pokajini pe, ali oj na mangela te pokajini pe zako plo blud.