Лука 7:16 - I Biblija ki Arli romani čhib

¹⁶ Tegani sare darandile hem slavinde e Devle vaćerindoj: “Baro proroko iklilo maškar amende!” hem: “O Devel alo te pomožini ple narodose!”

Библия опэр крымски романи чиб

¹⁶ Алаен, кон отхэ сас, лиляс траш, тай о мануша махтадиенас э Дэвлэс: — Баро прароки уло машкарэ амэндэ! О Дэл ало Пэ дюнястэ!

Biblija pe romani čhib

¹⁶ A savora zadivisajle thaj počnisardine te hvalin e Devle alavenca: “Baro proroko avilo maškar amende!” thaj: “O Del avilo ando pomoć pire themešće!”

E Devleso Lafi ko Gurbetsko dijalekt

¹⁶ Savore darajle thaj hvalisade e Devle vaćarindoj: “Baro proroko si maškar amende!” Thaj: “O Dol avilo te pomognil pe manušenđe!”

Лука 7:16 ပူးပေါင်းရင်းမြစ်များ

Matej 15:31

I o manuša inele zadivime so dikhle so okola so našti ine te vaćeren da vaćerena, o sakatime sasljovena, o bange phirena hem o korore dikhena, i lelje te slavinen e Izraelesere Devle.

Matej 21:11

A o narodo vaćerđa: “Akavai o Isus, o proroko taro Nazaret oti Galileja.”

Matej 28:8

I on ki sig džele taro grobo hem ani dar, ali hem ani bari radost prastandile te vaćeren adava lesere učenikonenđe.

Matej 9:8

Kad o narodo dikhlja adava, inele zadivime hem lelje te slavinen e Devle so e manušenđe dinđa esavko autoritet.

Лука 1:65

I uklinđa i dar sa lengere komšijen. Ko sa o bregalo krajo e Judejakoro vaćerđa pe adalestar so ulo.

Лука 1:68

“Slava e Gospodese e Izraelesere Devlese, adalese so alo hem otkupinđa ple narodo!

Лука 19:44

Ka uništinen hem tut hem te dizutnen. Naka ačhaven ni bar upro bar adalese so na pendžarđan o vreme kad o Devel alo te spasini tut.”

Лука 2:20

I o pastirija dželefse slavindoj hem hvalindoj e Devle zako sa okova so šunde hem so dikhle baš ađahar sar so ine lenđe phendo.

Лука 24:19

O Isus pučlja len: “So ulo?” I on phende lese: “Adava so ulo e Isuseja e Nazarećanineja. Ov inele proroko zoralo ano lafija hem ano delja anglo Devel hem anglo sa o narodo.

Лука 5:26

I sare začudinde pe, hvalinde e Devle, pherdile dar hem vaćerde: “Avdive dikhljam bare čudesija!”

Лука 5:8

A kad dikhlja adava o Simon o Petar, pelo ko kočija anglo Isus vaćerindoj: “Dža mandar, Gospode, me injum grešno manuš!”

Лука 7:15

I o mulo beštino hem lelja te vaćeri, i o Isus dinđa le lesere dajaće.

Лука 7:39

Kad adava dikhlja o farisej kova vičinđa le, phenđa ana peste: “Tei akava manuš proroko, ka džanel ine koi hem savi akaja đuvli koja pipini le – dai grešnica.”

Лука 8:37

I sa o narodo oto krajo e gerasakoro zamolinde e Isuse te džal olendar adalese so uklinđa len bari dar. Tegani o Isus đerdinđa ano čamco te irini pe palal.

Лука 9:19

A on phende: “Nesave manuša phenena da tu injan o Jovan o Krstitelj, a avera phenena da tu injan o proroko o Ilija, a nesave avera phenena da tu injan jekh oto avera proroci taro purano vreme kova uštino taro mule.”

Jovano 1:21

I on pučle le: “A kova injan onda? Na li injan o proroko o Ilija?” Ov phenđa: “Na injum.” Tegani pučle le: “Na li injan o Proroko kole adžićeraja?” Ov phenđa: “Na.”

Jovano 1:25

On pučle le: “Sose onda krstineja te na injan o Hrist, ni o Ilija, ni o Proroko?”

Jovano 4:19

A i đuvli phenđa lese: “Gospodarona, dikhava da injan proroko.

Jovano 6:14

Kad o manuša dikhle o čudesno znako savo o Isus ćerđa, phende: “Akavai čače o Proroko savo valjani te avel ko sveto!”

Jovano 9:17

I palem phende e kororese: “Adava manuš phravđa te jaćha. So tu mislineja olestar?” A ov phenđa: “Ovi proroko.”

Delja 5:5

Kad o Ananija šunđa adala lafija, ačhilo ko than mulo, a bari dar uklinđa sarijen kola adava šunde.

Delja 7:37

Adavai okova Mojsije kova phenđa e Izraelconenđe: ‘O Devel tumare manušendar ka vazdel tumenđe proroko sar mande.’

Galatenđe 1:24

Hem slavinde e Devle zbog mande.