Лука 4:41 - I Biblija ki Arli romani čhib

⁴¹ A butendar da iklile o demonja vičindoj hem vaćerindoj: “Tu injan o Čhavo e Devlesoro!” O Isus pretinđa len hem na muklja lenđe te vaćeren adalese so džande dai ov o Hrist.

Библия опэр крымски романи чиб

⁴¹ Аякхажэ ли о шэйтаня никлёнас андар бут мануша бэбэряса: — Ту — о Чяво э Дэвлэско! Ай о Исус на мукелас лэн тэ пхэнэн, вай он джянэнас, кай Ов — Христос.

Biblija pe romani čhib

⁴¹ A vi e bilačhe duhurja inkljenas andar e but e manuša thaj čhonas muj thaj phenenas: “Tu san Čhavo e Devlesko!” A vo pretilas lenđe thaj zabranisarda lenđe te na ćeren svato, kaj von džanenas kaj si vo o Hristo.

E Devleso Lafi ko Gurbetsko dijalekt

⁴¹ Tare pherdo manuša iklile e benga thaj dije vika vaćarindoj: “Tu san o Čhavo e Devleso!” Al o Isus darada len te ma vaćaren khanikase golese kaj džanglje kaj si vov o Hrist.

Лука 4:41 ပူးပေါင်းရင်းမြစ်များ

Matej 26:63

A o Isus trainđa. I o prvosvešteniko phenđa lese: “Hava tut sovli upro dživdo Devel, phen amenđe tu li injan o Hrist, o Čhavo e Devlesoro?”

Matej 4:3

Tegani alo koro leste o beng kova kušini hem phenđa lese: “Te injan o Čhavo e Devlesoro, vaćer akale barenđe te oven maro.”

Matej 8:16

Kad peli i rat, ande koro leste bute manušen ano kolende inele o demonja hem ov lafeja ispudinđa e duhen hem sasljarđa sa e nambormen.

Matej 8:29

Otojekhvar vičinde: “So mangeja amendar, Čhaveja e Devlesereja? Akari li aljan te mučine amen angleder nego so valjani?”

Matej 8:4

Tegani o Isus phenđa lese: “Ma vaćer nikase akalestar, nego dža mothov tut e sveštenikose hem de žrtva, sar so naredinđa o Mojsije, zako svedočanstvo olenđe.”

Marko 1:25

A o Isus ukorinđa le vaćerindoj: “Phand to muj hem ikljov olestar!”

Marko 1:32

Kad peli i rat, kad o kham huljilo, ande koro leste sa e nambormen hem e manušen ano kolende inele o demonja.

Marko 1:34

hem o Isus sasljarđa buten kola inele namborme oto razna nambormipa. Ispudinđa hem bute demonen, ali na muklja lenđe te vaćeren, adalese so džande koi ov.

Marko 3:11

Kad dikhena le ine o manuša kola inele opsednutime e bišukare duhencar, perena ine anglo leste hem vičinena: “Tu injan o Čhavo e Devlesoro!”

Лука 4:39

I o Isus terdino uzalo late, naredinđa e jagaće hem oj muklja la. I odmah uštini hem lelja te poslužini len.

Jovano 20:31

Ali akavai pisime te verujinen dai o Isus o Hrist, o Čhavo e Devlesoro, hem te šaj, verujindoj, ovel tumen dživdipe ano lesoro anav.

Jakovesko 2:19

Tu verujineja da isi samo jekh Devel? Šukar ćereja. Ali hem o bišukar duhija adava verujinena hem tresinena!