Jovano 4:34 - I Biblija ki Arli romani čhib

³⁴ O Isus phenđa lenđe: “O hajbai mlo te ćerav i volja Okolesiri kova bičhalđa man hem te ćerav đi o kraj i buti savi dinđa man.

Biblija pe romani čhib

³⁴ A o Isus phendas lenđe: “Mungro habe si te ćerav e volja okolešći savo bičhalda man thaj te završiv o zadatko savo poverisarda manđe.

E Devleso Lafi ko Gurbetsko dijalekt

³⁴ A o Isus vaćarda lenđe: “Mingro xape si te ćerav so si volja kolesi savo bičhalda man thaj te dovršiv lesi bući.

Jovano 4:34 ပူးပေါင်းရင်းမြစ်များ

Matej 26:39

I dželo hari po dur, pelo mujeja đi phuv hem molinđa pe vaćerindoj: “Dade mleja, te šaj, cide akaja čaša e patnjaja mandar. Ali, nek ovel pali ti volja, a na pali mli.”

Matej 3:15

A o Isus phenđa lese: “Muk akana adava. Valjani amenđe te ćera ađahar te šaj pherđol sa soi pali pravedno volja e Devlesiri.” Tegani o Jovan pristaninđa te krstini le.

Matej 9:19

O Isus uštino hem ple učenikonencar dželo palo leste.

Лука 15:10

Ađahar, vaćerava tumenđe, ovela radost maškaro anđelja e Devlesere zako jekh grešniko kova pokajini pe.”

Лука 19:10

Adalese so, me, o Čhavo e manušesoro, aljum te rodav hem te spasinav e našalden!”

Лука 2:49

A o Isus pučlja len: “Sose rodinđen man? Na džanđen li so valjani te ovav ano čher mle Dadesoro?”

Jovano 17:4

Me tut proslavinđum ki phuv ađahar so završinđum i buti savi dinđan man te ćerav.

Jovano 19:28

Palo adava, o Isus džanđa da pherdilo sa so valjanđa te ovel. A sar te pherđol o Sveto lil, phenđa hem akava: “Žedno injum.”

Jovano 19:30

Kad o Isus čhivđa ano muj i mol, phenđa: “Završimei!” Tegani peravđa plo šero hem muklja pli duša.

Jovano 4:32

A ov phenđa lenđe: “Man isi te hav hajba zako savo tumen na džanen.”

Jovano 5:30

Me korkoro mandar našti ništa te ćerav, nego sudinava ađahar sar so šunava e Dadestar. A mloi sudo pravedno, adalese so na rodava te ovel mli volja, nego i volja Okolesiri kova bičhalđa man.”

Jovano 5:36

A isi man svedočanstvo po baro taro e Jovanesoro – o buća save ćerava. O Dad dinđa man te ćerav len hem on svedočinena adalestar da o Dad bičhalđa man.

Jovano 6:33

Adalese so, e Devlesoroi maro okova kova huljela taro nebo hem dela dživdipe e svetose.”

Jovano 6:38

Adalese so me na huljiljum taro nebo te ćerav mli volja, nego i volja Okolesiri kova bičhalđa man.

Jovano 8:29

A okova kova bičhalđa man, ovi mancar. Na ačhavđa man korkore, adalese so uvek ćerava okova soi lese šukar.”

Delja 20:35

Ko sa dinđum tumen primer: da ađahar valjani te trudinen tumen hem te pomožinen e bizoralenđe, ađahar so ka setinen tumen ko lafija save korkoro o Gospod Isus phenđa: ‘Po blagoslovimei te del pe, nego te lel pe.’”