Jovano 10:4 - I Biblija ki Arli romani čhib

⁴ Kad ikali sa ple bakren, džala anglo lende, a o bakre džana palo leste, adalese so pendžarena lesoro glaso.

Biblija pe romani čhib

⁴ Kana inkalel pire bakhren, džal angle lende, a e bakhre džan pale leste, kaj pindžaren lesko glaso.

E Devleso Lafi ko Gurbetsko dijalekt

⁴ Kana ikalol sa pe bakren, džal angle lende thaj e bakre džan pale leste, golese kaj pindžaren leso glaso.

Jovano 10:4 ပူးပေါင်းရင်းမြစ်များ

Matej 16:24

Tegani o Isus phenđa ple učenikonenđe: “Ko mangela te džal pala mande, mora te ačhaj pe ple dživdipnastar hem te lel plo krsto hem te phirel pala mande.

Jovano 10:16

Isi man hem avera bakre, kola nane taro akava stado; hem olen valjani te anav. Hem on ka šunen mlo glaso, i ka ovel jekh stado jekhe pastireja.

Jovano 10:27

Mle bakre šunena mlo glaso hem me pendžarava len, hem on džana pala mande.

Jovano 10:3

Olese o stražari phravela o udar, a o bakre šunena lesoro glaso. Ov ple bakren vičini palo anav hem ikali len avri.

Jovano 10:5

Naka džan palo abanđija, nego ka našen olestar, adalese so na pendžarena o glaso e abanđijasoro.”

Jovano 10:8

Sare kola ale angleder mande, oni čora hem razbojnici, ali o bakre na šunde len.

Jovano 12:26

Ko služini maje, mora te phirel pala mande. Kaj injum me, adari ka ovel hem mlo sluga. Mlo Dad ka mothoj čast okolese kova služini maje.

Jovano 13:15

Dinđum tumen primer, hem tumen te ćeren ađahar sar so me ćerđum tumenđe.

Jovano 18:37

Tegani o Pilat phenđa: “Znači, tu injan caro!” A o Isus phenđa: “Ađahari sar so pheneja: Injum caro. Me akalese bijandiljum hem akalese aljum ko sveto: te svedočinav zako čačipe. Đijekh kovai oto čačipe, šunela mlo glaso.”

Jovano 3:29

O mladoženjai okova kasiri i nevesta. A o najšukar amal e mladoženjasoro, kova adžićeri te šunel da o mladoženja avela, radosnoi but kad šunela e mladoženjasoro glaso. I adajai radost mli, hem akana uli pherdi.

Efežanenđe 5:1

I adalese, dikhen te oven sar o Devel, adalese so injen lesere mangle čhave.

1. Petar 2:21

Ko adava injen vičime, adalese so hem o Hrist trpinđa zako tumenđe hem ačhavđa tumenđe primer te džan lesere dromeja.

1. Petar 4:1

Adalese, sar so o Hrist patinđa ano telo, zorjaren tumen hem tumen ano isto razmišljanje. Adalese so, ko god patini ano telo, ačhavđa pe oto grešiba.

1. Petar 5:3

Ma oven sar gospodarija upro okolende kolai tumenđe poverime te brininen lendar, nego oven primer zako stado!