Jakovesko 5:16 - I Biblija ki Arli romani čhib

¹⁶ Adalese, vaćeren tumare grehija jekh averese hem molinen jekh averese te oven sasljarde. I molitvai e pravednikosiri zorali hem but šaj te ćerel.

Biblija pe romani čhib

¹⁶ Prema godova mothon tumare bezeha jek avrešće thaj molin tumen jek pale avreste te šaj saston. But šaj e molitva e pravednikošći kaj si moćno thaj delotvorno.

E Devleso Lafi ko Gurbetsko dijalekt

¹⁶ Gija, vaćaren jekh averese tumare grehura thaj molin jekh averese te saston! But šaj i molitva e pravednikosi thaj voj si zurali.

Jakovesko 5:16 ပူးပေါင်းရင်းမြစ်များ

Matej 21:22

Hem sa so rodena ani molitva, ka priminen te verujinđen.”

Matej 3:6

Priznajinena ine pumare grehija, a ov krstini len ine ani len Jordan.

Marko 1:5

But manuša avena ine koro leste tari sa i regija Judeja hem taro Jerusalim. Priznajinena ine pumare grehija, a ov krstini len ine ani len Jordan.

Лука 9:6

I on džele taro gav ko gav, vaćerindoj o Šukar lafi hem sasljarindoj e nambormen ko sa o thana.

Jovano 9:31

Džanaja da o Devel na šunela e grešnonen, ali šunela okolen kolai pobožna hem kola ćerena lesiri volja.

Delja 10:38

Džanen zako Isus taro Nazaret, kole o Devel pomazinđa e Svetone Duhoja hem e zoralipnaja. Ov dželo taro than ko than hem ćerđa šukaripe, sasljarindoj sa okolen kola inele tali vlast e bengesiri, adalese so o Devel inele oleja.

Delja 19:18

But okolendar kola poverujinde avena ine hem phravdeste priznajinena pumare bišukar delja.

Delja 8:24

A o Simon phenđa: “Molinen tumen e Gospodese maje te na arakhi man ništa adalestar so phenđen.”

Rimljanenđe 3:10

Sar soi pisime ano Sveto lil: “Nane nijekh pravedno, nijekh;

Rimljanenđe 5:19

Adalese so, sar so palo neposlušnost jekhe manušesoro but džene ule grešna, ađahar hem pali poslušnost jekhe manušesiri but džene ka oven pravedna.

Kološanenđe 1:9

Adalese amen, taro dive kad adava šunđam, na ačhavaja te molina amen tumenđe. Rodaja e Devlestar: te oven pherde džandipnaja oti lesiri volja ani sa i mudrost hem o haljojba savo o Sveto Duho dela.

1. Petar 2:24

Ov korkoro upro plo telo legarđa amare grehija ko krsto, te šaj amen, ađahar so muljam e grehese, živina zaki pravednost. Ano lesere rane injen sasljarde.

1. Jovan 3:22

hem dobinaja olestar sa so rodaja, adalese so ićeraja lesere naredbe hem ćeraja okova soi olese šukar.