Jakovesko 4:11 - I Biblija ki Arli romani čhib

¹¹ Phraljalen, ma vaćeren jekh protiv avereste. Ko vaćeri protiv plo phral, ili osudini ple phrale, vaćeri protiv o Zakoni hem osudini o Zakoni. A te osudineja o Zakoni, onda na ićereja le, nego injan lesoro sudija.

Biblija pe romani čhib

¹¹ Phralalen, na ćeren svato jek protiv avreste! Kaj ko ćerel svato protiv piro phral, ili osudil pire phrales, ćerel svato protiv o Zakono thaj osudil o Zakon. A ako osudis o Zakon, či pokoris tu lešće, nego postanisardan sudija.

E Devleso Lafi ko Gurbetsko dijalekt

¹¹ Manglalen phralalen thaj phejalen, ma vaćaren bilačhe jekh averendar! Ko vaćarol bilačhe taro phral thaj tari phen il osudil len, vaćarol bilačhe protiv e Devleso zakon thaj gija osudil o zakon. Al tu te sudi o zakon, tegani ni pokori tut lese, nego san leso sudija.

Jakovesko 4:11 ပူးပေါင်းရင်းမြစ်များ

Лука 6:37

“Ma sudinen hem čače naka sudini pe tumenđe! I ma osudinen hem čače naka oven osudime! Oprostinen hem ka oprostini pe tumenđe!

Rimljanenđe 2:1

Adalese nane tut izgovor, manušeja kova sudineja, ko god tu te ove. Adalese so, adaleja so sudineja averese, korkoro tuće sudineja, adalese so hem tu kova sudineja ćereja isto adava.

Rimljanenđe 2:13

Adalese so, anglo Devel nane pravedna okola kola šunena o Zakoni, nego ka oven opravdime okola kola ćerena palo Zakoni.

Rimljanenđe 7:7

So onda ka phena? Dai o Zakoni greh? Na, nisar! A palem, me naka džanav ine soi greh te na ovel ine o Zakoni. Adalese so, naka džanav ine soi požuda te na phenel ine o Zakoni: “Ma mang okova so nane klo!”

Efežanenđe 4:31

Ciden tumendar đijekh gorčina, holi hem gnev, vičiba hem akošiba, hem đijekh aver bišukaripe.

1. Timotej 3:11

Ađahar hem lengere romnja valjani te oven cenime, te na ogovorinen, te oven trezvena hem ko sa te oven verna.

2. Timotej 3:3

bivilesere, naka mangen te oprostinen averenđe, ka ogovorinen, naka ovel len kontrola upra pumende, ka oven nasilna hem ka mrzinen o šukaripe,

Titošće 2:3

Ađahar hem o puranja te ponašinen pe sar so džala ano redo okolenđe kolai sveta: te na ogovorinen hem te na robujinen e pibnase, nego te sikaven okova soi šukar,

Jakovesko 1:16

Ma oven hovavde, mle mangle phraljalen!

Jakovesko 1:19

Akava te džanen, mle mangle phraljalen: đijekh manuš te siđari te šunel, te na siđari te vaćeri hem te na siđari te holjani,

Jakovesko 1:25

Ali, ko šukar dikhela pe ano savršeno zakoni savo anela sloboda, hem nastavini te dikhel ano leste, hem na bistrela okova so šunđa, nego ćerela palo leste, adava ka ovel blagoslovime ano okova so ćerela.

Jakovesko 2:8

Te čače ićerena o carikano zakoni sar soi pisime ano Sveto lil: “Mang te pašutne sar korkore tut”, tegani šukar ćerena.

Jakovesko 5:10

Phraljalen, nek o proroci, kola vaćerena ine ano anav e Gospodesoro, oven tumenđe sar primer. On but patinde, ali inele strpljiva.

Jakovesko 5:7

Adalese, phraljalen, oven strpljiva đikote o Gospod na avela. Ače hem o manuš so ćerela buti phuvjaja adžićeri o dragoceno bijandipe e phuvjakoro hem strpljivo adžićeri upro jesensko hem o prolećno bršin.

Jakovesko 5:9

Phraljalen, ma gunđinen jekh protiv avereste te na oven osudime. Ače o sudija terđola anglo udar!

1. Petar 2:1

Adalese, frden tumendar đijekh bišukaripe hem prevara, đijekh licemerje, zavist hem ogovaranje.