Jakovesko 3:1 - I Biblija ki Arli romani čhib

¹ Mle phraljalen, ma but tumendar te mangen te oven učitelja, adalese so džanaja da amenđe e učiteljenđe po zorale ka sudini pe.

Biblija pe romani čhib

¹ Phrala mungralen, neka či avel maškar tumende but sikavne, kaj džanas kaj amenđe e sikavnenđe avela majstrogo sudime.

E Devleso Lafi ko Gurbetsko dijalekt

¹ Manglalen phralalen thaj phejalen, dičhen ma te avol maškare tumende but učitelja! Golese kaj džanen kaj amen e učitelja ka ava po but sudime.

Jakovesko 3:1 ပူးပေါင်းရင်းမြစ်များ

Matej 10:24

Nane o učeniko upreder o učitelji, ni o sluga upreder o gospodari.

Matej 23:13

Jao tumenđe, učiteljalen e Zakonestar hem farisejalen, dujemujengere manušalen! Adalese so phandena anglo manuša o udar e nebosere carstvostar. Korkore na đerdinena ano leste, a na mukena te đerdinen ni okola kola mangena te đerdinen.

Matej 23:14

[Jao tumenđe, učiteljalen e Zakonestar hem farisejalen, dujemujengere manušalen! Hana o imanje e udovicengoro hem ćerena tumen da injen pobožna ađahar so molinena bare molitve. Adalese po zorale ka oven kaznime.]

Matej 9:11

Kad o fariseja dikhle adava, pučle lesere učenikonen: “Sose tumaro učitelj hala e carinikonencar hem avere grešnikonencar?”

Лука 16:2

I o barvalo vičinđa le hem phenđa lese: ‘So šunava tutar adava? Ana maje o spisko te dikhav so ćerđan mle parencar adalese so našti više te ćere buti kora mande sar upravniko!’

Лука 6:37

“Ma sudinen hem čače naka sudini pe tumenđe! I ma osudinen hem čače naka oven osudime! Oprostinen hem ka oprostini pe tumenđe!

Jovano 3:10

A o Isus phenđa lese: “Tu injan cenime učitelj ano Izrael, a adava na džane!

Delja 13:1

Ani khanđiri ani Antiohija inele akala proroci hem učitelja: o Varnava, o Simeon vičime Niger, o Lukija tari Kirina, o Manain, kova barilo e vladareja e Irodeja, hem o Savle.

Efežanenđe 4:11

Ov korkoro dinđa jekhen zako apostolja, a averen zako proroci, jekhen zako evangelizatorja, a averen zako pastirija hem učitelja,

1. Timotej 1:7

On mangena te oven učitelja e Zakonestar, a na haljovena ni so vaćerena ni so zorale tvrdinena.

1. Timotej 2:7

I adalese o Devel čhivđa man te ovav propovedniko hem apostoli, te ovav učitelji avere nacijengoro ani vera hem ano čačipe. Na hovavava, vaćerava tumenđe o čačipe.

2. Timotej 1:11

zako savo injum čhivdo sar propovedniko, apostoli hem učitelji.

Jakovesko 1:16

Ma oven hovavde, mle mangle phraljalen!

Jakovesko 1:19

Akava te džanen, mle mangle phraljalen: đijekh manuš te siđari te šunel, te na siđari te vaćeri hem te na siđari te holjani,

Jakovesko 3:10

Taro isto muj ikljola hem blagoslovija hem armanja. A adava na valjani ađahar te ovel, mle phraljalen.

1. Petar 5:3

Ma oven sar gospodarija upro okolende kolai tumenđe poverime te brininen lendar, nego oven primer zako stado!